Dawˬ tsoˆ 6:3 - Akha

³ Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Dawˬ tsoˆ 6:3 Referans Kwoze

Yawˇbaˆ 3:16

Maˬ ngeuˇ naˇ, yaw shiˇ-ehˇ dehꞈ doˆ le-euˬ zaˬ tiˬ gʼaˬ loꞈ-ehˇ ngaˇ ya yuꞈ luꞈ tehꞈ-a.

Yeˬlaˬmiˇ 22:19

Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”

Dawˬ tsoˆ 4:3

Dawˬ tawˆ luꞈ kʼoeˇ taˆ zaˬ dzehˬ-eu-aˬ, maˬ dehꞈ doˆ le-euˬ deuˬ meh. Aˬ jeˬ miˇ neh ehˇ naˇ, nahˇ ma heu siˬ-euˬ uˬ moˆ yaw haiˬ jeˬ mˇ luꞈ gaˇ aˬ yawꞈ maꞈ maˬ ya mawˇ haw-a.

2 Sahˬpaˬ 9:35

Ehˇ kʼawꞈ, tsawˇ haˬ kʼoeˇ deuˬ Yeˬsaˬbeˬlaˇ-ahˇ baꞈ pahˬ-eu lehˇ iˇ ngeh, uˬ duˬ kmˬ hawˇ-eu, aˬ kuiˇ aˬ laꞈ shaˬ yoeˬ tehꞈ-ehˇ dzeˇ gaˇ ya mawˇ-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Yeˬlaˬmiˇ 36:30

Kʼoeˇ miˇ neh, sahˬ paˬ Yeˬhawˇyaˬkmˬ-oˇ, Sahˬpaˬ Miˬyehˇ pyeuꞈ-eu ngaˇ nymˬ-mˇ heu loꞈ-ehˇ ehˇ-eu ma. Nawˬ-euˬ zaˬ nawˬ-euˬ uˆ deuˬ laꞈ kʼoeˇ, Daˬbiˇ-euˬ miˇ kʼahˬ heu kʼoeˇ taˆ uˆ lahˇ-eu tiˬ gʼaˬ-iˬ maˬ paˇ bi doˆ laˇ ma. Nah gʼahˇ paw nahˇ tsaˇ kʼaˆ-awˇ uˬ ciꞈ paw ceuˬ ga gaˇ, nawˬ-ahˇ yaw shiˇ-ehˇ baꞈ dzeh-awˇ bi ga tehꞈ-a.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Dawqdaq 17:6

Tsawˇ mawˬ-euˬ kʼahˬ sehˇ oeˬ paˬ oeˬ ma pyeuꞈ-awˇ, zaˬ-euˬ kʼahˬ sehˇ aˬ da meh.

Jaceuq 58:8

Guiˇ byoˆ jiˇ-euˬ aˬ nyoˆ loꞈ-ehˇ pyeuꞈ-iˇ luꞈ-uˇ. Yaw shiˇ-ehˇ dehꞈ doˆ le-awˇ, yaw shehꞈ-ahˇ maˬ ya mawˇ-euˬ zaˬ nahˬ-ahˇ duˇ luꞈ-uˇ.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

2 Laˬsaˬbaˬ 11:21

Leˬhawˇbamˬ-euˬ miˬ zaˬ dawˬ tawˆ luꞈ tseˇ yehꞈ gʼaˬ jawˇ-awˇ, ma nyiˇ koꞈ tseˇ gʼaˬ jawˇ-eu meh. Aˬ yawꞈ-euˬ aˬ li nyiˬ tseˇ yehꞈ li jawˇ-awˇ, aˬ buˇ koꞈ tseˇ buˇ jawˇ-eu meh. Aˬ yawꞈ-euˬ miˬ zaˬ dawˬ tawˆ luꞈ hawˇ-eu ma nyiˇ dawˬ tawˆ luꞈ kʼoeˇ taˆ, Mawˇkah-ahˇ aˬ yawꞈ gaˬ dzehˬ-eu meh.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

2 Sahˬpaˬ 10:1

Saˬmaˬliˆ meuˬ laꞈ kʼoeˇ, sahˬ paˬ Aˬhaˆ-euˬ zaˬ deuˬ uˆ deuˬ shiꞈ tseˇ gʼaˬ jawˇ-eu meh. Meuˬ kʼoeˇ meuˬ-ahˇ uˆ lahˇ-eu deuˬ jawˇ gaˇ maˬ ehˇ, tsawˇ mawˬ tsawˇ kʼaˆ deuˬ-ahˇ maˬ ehˇ, Aˬhaˆ-euˬ zaˬ deuˬ uˆ deuˬ-ahˇ bo saˆ luꞈ-eu deuˬ jawˇ gaˇ maˬ ehˇ, Yeˬhuˇ sahˬ boꞈ boꞈ-awˇ heu loꞈ-ehˇ ehˇ nehˬ-euˬ meh.

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

Dawˬ tsoˆ 6:4

Zaˬ nahˬ kʼoeˇ gʼaˬ dehꞈ le-euˬ tiˬ jeˬ-iˬ gaˇ dahˇ maˬ tsoeˬ-ehˇ, yaw zahˇ laꞈ kʼoeˇ byoˆ kʼaꞈ-iˇ-awˇ, bi ngehˇ byoˆ-euˬ meh.

Yawˇbaˆ 3:11

“Ngaˬ ma-euˬ uˬ maˆ laꞈ kʼoeˇ neh shiˇ-euˬ law nmˇ-aˬ gʼaˬ miˇ-a. Maˬ ngeuˇ naˇ kʼawꞈ, dehꞈ le-euˬ nehˬ-ehˇ shiˇ-euˬ law nmˇ-aˬ shaw miˇ-a.