Dawˬ tsoˆ 6:12 - Akha

¹² Gaˇ dahˇ maˬ tsoeˬ-eu tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ heu laꞈ kʼoeˇ, tsawˇ haˬ zaˬ gʼaˇ duˬ muiˬ dzehˬ-eu jeˬ-ahˇ, aˬ suˇ gʼaˬ siˬ nya nmˇ. Yaw dehꞈ dehꞈ-eu jeˬ-aˬ, naˇ shmˇ shmˇ le-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ iˇ byoˆ gʼeh nya-eu meh. Yawˬ ha shiˇ dzeuˇ ngeh, nahˇ ma heu siˬ uˬ moˆ aˬ joˆ-ehˇ pyeuꞈ laˇ-eu gaˇ kawˆ aˬ suˇ gʼaˬ siˬ nya nmˇ.

Dawˬ tsoˆ 6:12 Referans Kwoze

Yaˬkoˆ 4:14

Ni shawˬ nah nawˇ yaw dehꞈ dehꞈ-eu aˬ joˆ-ehˇ pyeuꞈ laˇ-eu gaˇ kawˆ nawˇ siˬ nya te loˇ. Naw maꞈ-aˬ, tiˬ kʼehˇ kʼehˬ tehꞈ-ehˇ ya mawˇ-awˇ byoˆ-iˇ-eu iˇ cuꞈ saꞈ kʼoeˬ-ahˇ duˇ-eu meh.

Dawˬ tsoˆ 3:22

Kʼoeˇ miˇ neh, yawˬ ha neh mˇ-euˬ gaˇ-ahˇ nui kʼahˇ shiˇ-eu naˆ maˬ tseˇ muiˬ dzehˬ-eu tiˬ jeˬ-iˬ maˬ paˇ jaˆ meh. Yawˬ ha-euˬ guiˬ lahˬ kʼoeˇ loˆ ni tehꞈ meh. Shiˇ dzeuˇ gʼaˬ miˇ tsa pyeuꞈ laˇ-eu gaˇ kawˆ aˬ suˇ gʼaˬ siˬ duˬ nya ta.

Yawˇbaˆ 14:2

Yaw kawˇ-ehˇ poˬ laˇ-eu aˇ yehˆ, yaw kawˇ-ehˇ nyoeˬ-iˇ gaˇ duˇ-awˇ, naˇ shmˇ loꞈ-ehˇ byoˆ-iˇ-eu meh.

Jaceuq 144:4

Aˬ yawꞈ-aˬ, saꞈ tiˬ poˆ gʼawˇ dah-euˬ myah ni gmˬ-eu tehꞈ meh. Aˬ yawꞈ-euˬ ziˇ-aˬ, naˇ shmˇ shmˇ-iˇ-eu naˆ ni tehꞈ meh.

Dawˬ tsoˆ 8:13

Ehˇ kʼawꞈ, haiˬ-eu tsawˇ haˬ deuˬ ya shaˬ ya zahˬ tehꞈ-a. Aˬ yawꞈ maꞈ Miˬyehˇ ehˇ dawˬ maˬ naˇ haˬ-eu miˇ neh, dehꞈ ziˇ maˬ shehˇ-ehˇ, naˇ shmˇ shmˇ-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ byoˆ-iˇ tehꞈ-a.”

Dawˬ tsoˆ 8:7

Mehˬ hu paw pyeuꞈ laˇ-eu gaˇ kawˆ tiˬ gʼaˬ-iˬ maˬ siˬ nya-ehˇ, ehˇ mehˬ nehˬ laꞈ-eu gʼaˬ maˬ jawˇ-a.

Yawˇbaˆ 8:9

Aˬ dui-euˬ ziˇ nymˇ dui dui-awˇ, aˬ dui tiˬ jeˬ-iˬ maˬ siˬ maˬ nya-a. Aˬ dui-euˬ aˇ nah aˇ yamˬ-aˬ, naˇ shmˇ shmˇ gaˇ duˇ-eu meh.

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Dawˬ tsoˆ 9:6

Aˬ yawꞈ maꞈ-euˬ nui gaˬ, nui bye, nui kʼahˇ, dawˬ tawˆ luꞈ aˬ yawꞈ maꞈ shiˇ ngeh shiˇ caw-awˇ, nahˇ ma heu siˬ uˬ moˆ kʼaˇ pyeuꞈ yaꞈ-euˬ jeˬ-ahˇ tiˬ pawꞈ-iˬ maˬ paˇ taꞈ meh.

Dawˬ tsoˆ 2:3

Yaw muiˬ yaw doeˇ tseˇ paˆ nya-eu nui gahˇ-ahˇ poˆ duˬ tseˇ duˬ mawꞈ-eu nui kʼahˇ baˬ da neh, jiˇ baˬ dawˇ-awˇ dehꞈ byawˬ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ laꞈ kʼoeˇ, aˬ geu jeˬ mˇ-eu gaˇ dahˇ tsoeˬ dzehˬ nga lehˇ ngaˇ siˬ duˬ mawꞈ-eu ma.

Jaceuq 109:23

Uˬ ciꞈ paw naˇ shmˇ shmˇ le-eu loꞈ-ehˇ ngaˬ-euˬ ziˇ jiˇ le shaw-iˬ-awˇ, nyehˇ bahˇ loꞈ-ehˇ jaˬ lehˇ neh hehˇ dzaˬ gʼeh miˇ-a.

Jaceuq 102:11

Ngaˇ yaw dehꞈ dehꞈ-eu uˬ ciꞈ uˬ taw paw naˇ shmˇ shmˇ gaˇ duˇ-awˇ, yaˇ moꞈ koˆ-iˇ gaˇ duˇ miˇ-a.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

Jaceuq 4:6

“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Yawˇbaˆ 14:21

Aˬ yawꞈ-euˬ aˬ li deuˬ-ahˇ aˬ cawˬ taˬ huiˬ taˬ mahˇ nehˬ kʼawꞈ, aˬ yawꞈ maˬ paˇ ya siˬ meh. Aˬ yawꞈ maꞈ-ahˇ aˬ cawˬ kʼaˆ dzaˬ kʼawꞈ, aˬ yawꞈ maˬ paˇ mawˇ nya meh.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Jaceuq 89:47

Ngaˬ-euˬ ziˇ aˇ naˆ ni nymˇ gaˇ noeˬ keuˆ nehˬ laꞈ-awˬ. Tsawˇ haˬ dawˬ tawˆ luꞈ nawˬ neh beh taˬ-euˬ gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ gaˇ noeˬ keuˆ nehˬ laꞈ-awˬ.

Jaceuq 47:4

Aˬ yawꞈ gaˬ-eu tsawˇ haˬ deuˬ nui kʼahˇ shiˇ dui dui-eu miˇ kʼahˬ pyeuꞈ-eu, aˬ yawꞈ jawˇ-eu miˇ kʼahˬ kʼoeˇ kʼahˬ-ahˇ, aˬ dui gʼaˇ duˬ aˬ yawꞈ tseˇ doˆ nehˬ laꞈ-euˬ meh.

Jaceuq 16:5

SahˬpaˬMiˬyehˇnawˇngaˬ-euˬma. Ngaˇkʼaˇloˬ-eu nawˇbiꞈlaꞈ-awˇ, ngaˬ-euˬaˇnah aˇyamˬdawˬtawˆ, nawˬ-euˬ aˬlaꞈlaꞈkʼoeˇjaˆmeh.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Dawˬ tsoˆ 6:11

Tsawˇ pyehˇ ngehˬ-ehˇ pyehˇ naˇ ngehˬ-ehˇ gaˇ dahˇ maˬ tsoeˬ-eu uˬ taꞈ, nawˬ-ahˇ muiˬ laˇ duˬ maˬ jaˆ-a.

Dawˬ tsoˆ 7:15

Ngaˇ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ kʼawꞈ, yawˬ jeˬ na luꞈ ya mawˇ kuꞈ haw-euˬ ma. Dawˇ coe ni dehꞈ-eu yaw tsaˬ yaw dawˇ tsawˇ haˬ ziˇ teˬ-eu mawˇ haw-awˇ, maˬ tsaˬ maˬ dawˇ-eu jeˬ mˇ-eu haiˬ-eu tsawˇ haˬ ziˇ baw-eu mawˇ haw-euˬ ma.

Dawˬ tsoˆ 9:9

Nahˇ ma heu siˬ uˬ moˆ Miˬyehˇ neh nawˬ-ahˇ bi dehꞈ bi jawˇ laꞈ-euˬ tiˬ jeˬ-iˬ gaˇ dahˇ maˬ tsoeˬ-eu aˇ nah aˇ yamˬ heu laꞈ kʼoeˇ, nawˇ gaˬ-eu nawˬ-euˬ miˬ zaˬ nehˬ-ehˇ byawˬ gʼa-awˬ. Shaˬ zahˬ naꞈ-awˇ gaˇ dahˇ maˬ tsoeˬ-eu aˇ nah yawˬ nah na luꞈ laꞈ kʼoeˇ, nawˬ-ahˇ oꞈ-eu jiˇ jeuˬ kʼoeˇ tehꞈ meh.

Dawˬ tsoˆ 10:14

Aˬ dzawˬ aˇ gah dawˬ saˬ dawˬ li maˬ baw-a. Mehˬ hu paw pyeuꞈ laˇ-eu gaˇ kawˆ tsawˇ haˬ tiˬ gʼaˬ-iˬ maˬ siˬ nya-a. Aˬ dui shiˇ dzeuˇ naˇ kʼah pyeuꞈ laˇ-eu gaˇ kawˆ, ehˇ nehˬ laꞈ nya-eu gʼaˬ maˬ jawˇ-a.