Dawˬ tsoˆ 5:1 - Akha

¹ Uˬ duˬ tahˬ nymˇ nymˇ ma-ahˇ le ngeh, kuiˇ toꞈ ciˬ-eu yahˇ-awˬ. Yaw muiˬ yaw doeˇ maˬ tseˇ paˆ nya-eu aˬ dzawˬ aˇ gah deuˬ jahˇ-eu loꞈ-ehˇ lawˇ-eu shehˇ-eu naˆ maˬ tseˇ, Uˬ duˬ tahˬ nymˇ nymˇ ma-ahˇ naˇ haˬ geuꞈ leˇ-eu muiˬ dzehˬ meh.

Dawˬ tsoˆ 5:1 Referans Kwoze

Yaˬkoˆ 1:19

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, gaˇ kawˆ heu deuˬ-ahˇ yaw muiˬ paˬ-ehˇ noeˬ taˬ-awˬ. Tsawˇ haˬ yawˬ gʼaˬ na luꞈ aˬ cawˬ ehˇ gaˇ yaw kawˇ-ehˇ naˇ haˬ-awˬ. Ehˇ kʼawꞈ, dawˬ ngehˬ-eu taˬ tehˬ. Nui ma pehˇ-eu aˬ huˬ taˬ huˬ.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Yawˇshuˆ 5:15

Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ ehˇ-eu, “Nawˬ-euˬ sehˬ nawˆ lehˆ-awˬ. Nawˇ yawꞈ luꞈ-eu jawˇ duˬ heu muiˬ-eu shawˇ-eu jawˇ duˬ pyeuꞈ-eu meh.” Yawˇshuˆ gʼeh aˬ yawꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 3:5

Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

HeˬByehˇ 10:26

Yaw tsaˬ yaw dawˇ jeˬ-ahˇ aˬ dui siˬ nya gʼaˬ miˇ tsa, diˇ daˬ-ehˇ iˬ baˇ mˇ daˆ leꞈ-eu ngeuˇ naˇ, aˬ dui gʼaˇ duˬ iˬ baˇ shawˇ-eu lawˇ-eu shehˇ-eu jeˬ maˬ paˇ baw meh.

1 Gawˇliˬtu 11:22

Naw maꞈ kʼoeˇ loꞈ-ehˇ dzaˬ-eu dawˇ-eu gʼaˇ duˬ yawˬ ha-euˬ nymˇ maˬ baw te loˇ. Maˬ ngeuˇ naˇ, naw maꞈ Miˬyehˇ-euˬ Ka li zaˬ aˇ muˇ-ahˇ yehˬ bawˬ sehˇ lu-ehˇ gʼeh-awˇ, shaˬ zaˬ zahˬ zaˬ deuˬ bi shaꞈ dawˇ-eu gʼaˇ duˬ jahˇ te loˇ. Gaˇ kawˆ heu hmˬ-ahˇ taꞈ leˇ-awˇ, ngaˇ aˬ joˆ-ehˇ ehˇ laˇ gaˇ naw maꞈ gaˬ mawꞈ-eu nya. Ja ceuˬ nehˬ laꞈ-eu dawˬ-ahˇ gaˬ mawꞈ-eu nya loˇ. Maˬ ja ceuˬ.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

Gʼaˬkʼehˇ 10:33

Kʼoeˇ miˇ neh, tiˬ poˆ tehꞈ-ehˇ nawˬ-ahˇ bi kuˇ laˬ le-euˬ ma. Nawˇ nui ma keuˆ-awˇ laˇ nehˬ laꞈ-euˬ guiˬ lahˬ huiˬ miˇ-a. Nymˬ-mˇ nga maꞈ dawˬ tawˆ luꞈ, heu gaˇ Miˬyehˇ mehˬ shi uiˬ laˇ taˬ-awˇ, Sahˬpaˬ Miˬyehˇ neh nawˬ-ahˇ mehˬ nehˬ tsoˆ nehˬ-awˇ bi ngehˬ-euˬ dawˬ deuˬ-ahˇ naˇ haˬ-eu lehˇ dawˬ luꞈ-eu ma.”

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Doˆ-iˇ 30:18

“Guiˬ shuiˇ aˬ kuiˇ tsoꞈ-eu guiˬ shuiˇ sehˇ byehˇ tiˬ hmˬ jahˇ-awˬ. Sehˇ byehˇ kʼoeˇ-ahˇ, sehˬ gʼawˆ hawˇ-eu lawˇ duˬ-euˬ yaw kaˬ-ahˇ bi jaˆ-awˇ, iˇ cuꞈ shehˆ ahˇ taˬ-awˬ.

Yawˇbaˆ 11:2

“Dawˬ heu deuˬ-ahˇ ngehˬ cawˬ tmˇ cawˬ-eu tiˬ gʼaˬ-iˬ maˬ jawˇ-a loˇ. Dawˬ ja myaˬ-eu tsawˇ haˬ tsaˬ meh loˇ.

Yawˇbaˆ 22:12

Aˬ guiˇ deuˬ yaw goˇ-ahˇ jaˆ gaˇ duˇ kʼawꞈ, goˇ dui dui gaˇ Miˬyehˇ jawˇ-awˇ, aˬ guiˇ-ahˇ haw ka luꞈ-eu maˬ ngeuˇ-a loˇ.

Dawqdaq 10:19

Dawˬ ja myaˬ gaˇ, iˬ baˇ doˆ laˇ-awˇ, dawˬ tmˇ cuiˆ-eu tsawˇ haˬ yaw gahˇ meh.