Dawˬ tsoˆ 2:3 - Akha

³ Yaw muiˬ yaw doeˇ tseˇ paˆ nya-eu nui gahˇ-ahˇ poˆ duˬ tseˇ duˬ mawꞈ-eu nui kʼahˇ baˬ da neh, jiˇ baˬ dawˇ-awˇ dehꞈ byawˬ haw-eu gʼaˇ duˬ ngaˇ noeˬ tsehˆ-euˬ ma. Tsawˇ haˬ zaˬ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ laꞈ kʼoeˇ, aˬ geu jeˬ mˇ-eu gaˇ dahˇ tsoeˬ dzehˬ nga lehˇ ngaˇ siˬ duˬ mawꞈ-eu ma.

Dawˬ tsoˆ 2:3 Referans Kwoze

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Dawˬ tsoˆ 1:17

Zaˬ siˬ tsawˇ gahˇ gaˇ kawˆ hawˇ-eu aˬ dzawˬ aˇ gah-euˬ gaˇ kawˆ maˬ ehˇ, yaw muiˬ yaw doeˇ tseˇ paˆ nya-eu nui gahˇ hawˇ-eu tsawˇ uˬ-euˬ gaˇ kawˆ maˬ ehˇ, ngaˇ pyehˆ tseˇ duˬ-euˬ ma. Ehˇ kʼawꞈ, dawˬ tawˆ luꞈ jaˬ lehˇ mehˬ nah teh gaˇ duˇ-eu tehꞈ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Dawˬ tsoˆ 6:12

Gaˇ dahˇ maˬ tsoeˬ-eu tiˬ kʼehˇ laˇ kʼehˬ yaw dehꞈ ya dehꞈ-eu aˇ yamˬ heu laꞈ kʼoeˇ, tsawˇ haˬ zaˬ gʼaˇ duˬ muiˬ dzehˬ-eu jeˬ-ahˇ, aˬ suˇ gʼaˬ siˬ nya nmˇ. Yaw dehꞈ dehꞈ-eu jeˬ-aˬ, naˇ shmˇ shmˇ le-eu loꞈ-ehˇ tiˬ kʼehˇ laˇ kʼehˬ laꞈ kʼoeˇ iˇ byoˆ gʼeh nya-eu meh. Yawˬ ha shiˇ dzeuˇ ngeh, nahˇ ma heu siˬ uˬ moˆ aˬ joˆ-ehˇ pyeuꞈ laˇ-eu gaˇ kawˆ aˬ suˇ gʼaˬ siˬ nya nmˇ.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Dawˬ tsoˆ 7:25

Ehˇ kʼawꞈ, zaˬ siˬ tsawˇ gahˇ poˆ-awˇ dzaw geuꞈ-eu gʼaˇ duˬ, ngaˇ noeˬ tsehˆ taˬ-euˬ ma. Ngaˬ-euˬ nui ma laꞈ kʼoeˇ maˬ noeˬ shaw-euˬ jeˬ shaw laˇ jiˇ-awˇ, aˬ dzawˬ dzawˬ-awˇ aˇ gah gah-eu jeˬ aˇ naˆ ni doeˇ-eu gaˇ kawˆ ciˇ tahˬ teh li nya ni, zaˬ siˬ tsawˇ gahˇ poˆ ma lehˇ ngaˇ noeˬ duˬ taˬ-euˬ ma.

Dawˬ tsoˆ 7:18

Mehˆ lawˆ nyiˬ dzaˬ maˬ iˇ dzeuˇ ni yahˇ-awˬ. Miˬyehˇ-ahˇ guˆ-eu nui ma ahˇ naˇ, nawˬ neh noeˬ-euˬ jeˬ mˇ pyeuꞈ nya tehꞈ-a.

Dawˬ tsoˆ 2:24

Tsawˇ haˬ zaˬ gʼaˇ duˬ maˬ kʼaˇ gaˇ dzehˬ-eu jeˬ-aˬ, yawˬ ha neh kʼaˇ poˆ uiˬ taˬ-euˬ jeˬ dzaˬ byawˬ dawˇ byawˬ byawˬ-eu kʼoeˇ meh. Heu kʼawꞈ, Miˬyehˇ neh biꞈ leꞈ-euˬ guiˬ lahˬ tiˬ jeˬ meh lehˇ ngaˇ paˇ noeˬ mawˇ-euˬ ma.

Yawˇbaˆ 14:14

Tsawˇ haˬ zaˬ shiˇ dzeuˇ shaw naˇ paˇ dehꞈ laˇ nya ta loˇ. Ehˇ kʼawꞈ, muiˬ-eu aˇ nah aˇ yamˬ-ahˇ ngaˇ dawˬ keuˆ ma. Shaˬ-eu zahˬ-eu aˇ nah aˇ yamˬ heu deuˬ dzeuˇ-iˇ ngeh keuˆ ni dawˬ ma.

1 Saˬmeuˬlaˆ 25:36

Naˬbaˬlaˇ jawˇ gaˇ Aˬbiˇgeˬlaˆ gʼoꞈ-iˇ ngeh, sahˬ paˬ dzaˬ-eu dzaˬ byawˇ dawˇ gʼawˆ loꞈ-ehˇ saˇ dahˇ taˬ-awˇ, Naˬbaˬlaˇ dzaˬ luꞈ dawˇ luꞈ gaˇ ya mawˇ-euˬ meh. Aˬ yawꞈ dzaˬ yehꞈ dawˇ yehꞈ taˬ-euˬ miˇ neh, yawˬ nah yawˬ uˬ shawˬ paw keuˆ ni tiˬ jeˬ-iˬ maˬ ehˇ nehˬ ni jawˇ-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Yaˇ kʼaˬ daˇ 9:13

Ehˇ kʼawꞈ, aˬ gaꞈ baw duˆ ehˇ-eu, ‘Naw maꞈ-ahˇ ngaˇ uˆ lahˇ uˆ lahˇ-ehˇ jawˇ naˇ, miˬ yehˇ hawˇ-eu tsawˇ haˬ zaˬ deuˬ-ahˇ laˬ kʼaˬ bi cehˇ-eu aˬ gaꞈ dzaˇ uiˇ ngaˇ maˬ paˇ bi doˆ le nya meh’ lehˇ ehˇ-eu meh.

Jaceuq 104:15

Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

Dawˬ tsoˆ 5:18

Ngaˇ heu loꞈ-ehˇ noeˬ duˬ taˬ-euˬ ma. Muiˬ dzehˬ-eu jeˬ-aˬ, Miˬyehˇ aˬ dui-ahˇ miˇ tsaˬ kʼoeˇ taˆ tiˬ kʼehˇ laˇ kʼehˬ yaw dehꞈ bi dehꞈ laꞈ ngeh, dzaˬ byawˬ dawˇ byawˬ-awˇ, aˬ dui neh mˇ-euˬ gaˇ-ahˇ nui kʼahˇ shiˇ-eu jeˬ muiˬ dzehˬ meh.

Dawˬ tsoˆ 8:15

Kʼoeˇ miˇ neh, tsawˇ haˬ zaˬ byawˬ gʼa mo gʼa-eu jeˬ mˇ-eu tsaˬ meh lehˇ ngaˇ noeˬ duˬ taˬ-euˬ ma. Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ dehꞈ ngeh aˬ yawꞈ gʼaˇ duˬ nui kʼahˇ shiˇ kʼaˇ za-eu-aˬ, dzaˬ byawˬ dawˇ byawˬ byawˬ-awˇ, byawˬ-eu mo-eu jeˬ mˇ-eu heu tehꞈ meh. Miˬyehˇ neh nahˇ ma heu siˬ uˬ moˆ aˬ yawꞈ-ahˇ bi dehꞈ-euˬ aˇ yamˬ laꞈ kʼoeˇ aˬ yawꞈ mˇ dzaˬ kʼawꞈ dawˇ luꞈ ngeh, aˬ yawꞈ kʼoeˇ loꞈ-ehˇ byawˬ gʼa mo gʼa nya-eu meh.

Dawˬ tsoˆ 10:19

Dzaˬ byawˬ dawˇ byawˬ-eu jeˬ tsawˇ haˬ-ahˇ laˬ kʼaˬ bi cehˇ-awˇ, aˬ gaꞈ dzaˇ uiˇ dawˇ-eu jeˬ nui ma-ahˇ laˆ saˆ nya-eu meh. Ehˇ kʼawꞈ, pyuˇ-aˬ, yawˬ jeˬ na luꞈ jahˇ pyeuꞈ nya-eu meh.