Dawˬ tsoˆ 12:11 - Akha

¹¹ Zaˬ siˬ tsawˇ gahˇ ahˇ-eu deuˬ neh daˬ taˬ yaꞈ-euˬ dawˬ daˬ deuˬ-aˬ, yawˇ deuˬ-ahˇ gaˇ ma sheuˬ mehˬ-eu yawˇ bo-eu gʼaˬ-euˬ daˇ cuiˇ-ahˇ duˇ-awˇ, kʼaˇ poˆ uiˬ taˬ-eu dawˬ daˬ deuˬ-aˬ, shmˇ sehˬ neh deh myahˬ taˬ-euˬ loꞈ-ehˇ ziꞈ-eu meh. Dawˬ kʼoeˇ deuˬ-aˬ, aˬ dui dawˬ tawˆ luꞈ-ahˇ bo-eu yaw sahˇ pyeuꞈ-eu, yawˇ bo-eu yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

Dawˬ tsoˆ 12:11 Referans Kwoze

HeˬByehˇ 4:12

Miˬyehˇ-euˬ dawˬ-aˬ, yaw dehꞈ dehꞈ luꞈ-awˇ baoˬ tiˬ byah ni ahˇ-eu uˬ taꞈ, mi seuˬ nyiˬ pyawˬ tsoꞈ-eu mi cehˇ naˆ maˬ tseˇ taˆ dui dui-eu miˇ neh, nui ma hawˇ-eu saꞈ laˇ tsmˇ leˇ gaˇ keuˆ ni maˬ ehˇ, yoeˬ tsuiꞈ yoeˬ laꞈ dzmˇ leˇ gaˇ keuˆ ni maˬ ehˇ, ceuꞈ paˇ doˆ gʼeh nya-awˇ, tsawˇ haˬ zaˬ-euˬ nui noeˬ nui loˆ dawˬ tawˆ luꞈ-ahˇ caw duˬ nya-eu meh.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Yeˬsaˬgeˬlaˇ 34:23

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ tehꞈ-ehˇ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-ahˇ bo-eu yawˇ bo-eu yaw sahˇ bi geuꞈ ma.

Yeˬlaˬmiˇ 23:29

Ngaˬ-euˬ dawˬ-aˬ, miˬ dzaˬ-ahˇ duˇ-awˇ, kʼaˬ lo-ahˇ deh meuˇ nya-eu diˬ puˬ puˬ ma-ahˇ duˇ-eu meh.

2 Gawˇliˬtu 10:4

Nga maꞈ zmˬ luꞈ-eu guiˇ deuˆ-eu keu ka-aˬ, miˇ tsaˬ kʼoeˇ taˆ zmˬ luꞈ-eu guiˇ deuˆ-eu keu ka maˬ ngeuˇ. Nga maꞈ-euˬ guiˇ deuˆ-eu keu ka-aˬ, ziꞈ dah ni gʼeh-eu taˆ deuˬ-ahˇ laˆ cawˆ nehˬ nya-eu Miˬyehˇ-euˬ baoˬ ma. Maˬ tsaˬ maˬ dawˇ gaˇ tsawˇ pyehˇ pyehˇ-eu jeˬ-ahˇ nga maꞈ laˆ cawˆ-eu ma.

Yoˇhaˬ 3:10

Yeˬsuˇ ehˇ-eu, “Nawˇ-aˬ, Iˇsaˬleˬlaˇ miˇ kʼahˬ laꞈ kʼoeˇ saˬ laˬ yaw huiˬ tiˬ gʼaˬ pyeuꞈ-eu kʼawꞈ, ngaˇ ehˇ gaˇ aˬ joˆ-ehˇ maˬ gʼoˆ shaw nya-eu nya.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Dawqdaq 22:17

Naˬ bawˇ ciˬ kʼmˇ-awˬ. Tsawˇ gahˇ byah-eu deuˬ neh ngehˬ taˬ yaꞈ-euˬ dawˬ nawˬ-ahˇ ngaˇ mehˬ nyaˇ. Aˬ yawꞈ maꞈ-euˬ dawˬ-ahˇ yaw muiˬ paˬ-ehˇ shaˇ noeˬ-awˇ dzaw geuꞈ-awˬ.

Dawqdaq 1:6

dawˬ tsuiꞈ naꞈ-eu dawˬ daˬ-ahˇ aˬ yawꞈ maꞈ gʼoˆ shaw nya-awˇ, nui gahˇ byah-eu deuˬ neh tsaˬ dzoˆ dzoˆ-euˬ dawˬ-ahˇ puiˇ pyehˬ nya-eu meh.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Iˇsaˬyaˇ 22:23

Taꞈ cmˬ diˬ-euˬ loꞈ-ehˇ aˬ yawꞈ-ahˇ ngaˇ ziꞈ dah ni bi jaˆ-awˇ, aˬ yawꞈ baˬ da neh aˬ yawꞈ-euˬ aˬ yuiꞈ aˬ nyiˇ dawˬ tawˆ luꞈ myaˆ pyawˬ naˇ mehˇ jaˆ tehꞈ-a.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Jaceuq 23:1

SahˬpaˬMiˬyehˇngaˬ-ahˇbo-eu, yawˇbo-eu yaw sahˇmeh. Ngaˇtiˬ jeˬ-iˬloˬ-eu maˬjaˆ.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

Eˇzaˬlaˬ 9:8

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tiˬ kʼehˬ tiˬ yamˬ laꞈ kʼoeˇ nawˇ nga maꞈ-ahˇ gʼawˬ shaˬ gaˬ nehˬ laꞈ-awˇ, nga maꞈ tiˬ paˆ na deuˬ-ahˇ aˬ cawˬ zaˬ kʼaˆ ya geuꞈ luꞈ gaˇ neh bi buˬ bi law-iˇ nehˬ laꞈ-eu laꞈ kʼoeˇ, muiˬ-eu shawˇ-eu jawˇ duˬ heu tsahˇ-ahˇ nui ma saˇ lehˆ ni bi jawˇ laꞈ-euˬ meh. Nga maꞈ aˬ cawˬ-euˬ zaˬ kʼaˆ geuꞈ geuꞈ-ehˇ jawˇ-euˬ kʼawꞈ, nawˇ nga maꞈ-ahˇ yaw shuiꞈ shuiꞈ-ehˇ paˇ bi dehꞈ laꞈ-euˬ meh.

Aˇ dahˬ 49:24

Ehˇ kʼawꞈ, aˬ yawꞈ-euˬ kaˆ kaˆ poˆ maˬ byehˆ-iˇ-ehˇ, Aˬ yawꞈ-euˬ laꞈ du deuˇ dui dui ni, Iˇsaˬleˬlaˆ-ahˇ haw piˇ-eu yawˇ bo-eu yaw sahˇ, Yaˬkoˆ-euˬ Baoˬ huiˬ-eu Miˬyehˇ-euˬ baoˬ, aˬ yawꞈ-ahˇ caw ba-eu meh.

Dawˬ tsoˆ 7:5

Aˬ dzawˬ caˇ gaˇ naˇ-eu maˬ tseˇ, zaˬ siˬ dehˬ gaˇ naˇ-eu tsaˬ meh.

Dawˬ tsoˆ 10:12

Tsawˇ gahˇ ahˇ-eu tsawˇ haˬ-euˬ dawˬ yawˬ ha-euˬ myaˆ pyawˬ naˇ mehˇ laˆ saˆ-awˇ, aˬ dzawˬ aˇ gah-euˬ dawˬ yawˬ ha-ahˇ daˬ laˆ ga-eu meh.

Dawqdaq 10:21

Tsawˇ jaˬ-euˬ dawˬ pu-ahˇ mˇ cu-awˇ, aˬ dzawˬ aˇ gah bawˬ toˆ yawˬ haˇ yawˬ ha laˆ sehꞈ-eu meh.