Dawˬ tsoˆ 10:8 - Akha

⁸ Duˬ kʼahˬ kʼahˬ-eu tsawˇ haˬ duˬ kʼahˬ-ahˇ ya ga ahˇ-awˇ, kaˇ pyawˇ tahˬ paˆ doˆ-eu tsawˇ haˬ aˇ lawˇ bi toˆ tehꞈ-a.

Dawˬ tsoˆ 10:8 Referans Kwoze

Dawqdaq 26:27

Aˬ cawˬ-ahˇ lahˇ ju kʼmˇ-eu tsawˇ haˬ, yawˬ haˇ yawˬ ha kʼmˇ paꞈ tehꞈ-a. Miˇ byaˆ ngawˬ-eu tsawˇ haˬ, yawˬ haˇ yawˬ ha bi byaˆ tehˬ sehꞈ tehꞈ-a.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

Yaˇ kʼaˬ daˇ 9:5

Awˇpaˬlaˇ meuˬ-ahˇ, aˬ yawꞈ-euˬ aˬ da-euˬ nymˇ-ahˇ aˬ yawꞈ iˇ-awˇ, Giˇdoˬ-euˬ aˬ li deuˬ pyeuꞈ-eu aˬ yawꞈ-euˬ mehˇ nmˇ shiꞈ tseˇ gʼaˬ-ahˇ kʼaˬ lo tiˬ siˬ kʼoeˇ taˆ tehꞈ-ehˇ sehꞈ daˆ jiˇ nehˬ-euˬ meh. Ehˇ kʼawꞈ, Giˇdoˬ-euˬ aˬ li zaˬ saˬ gʼaˬ pyeuꞈ-eu Yoˇdamˬ gʼaˬ cehˆ zaꞈ-awˇ, maˬ bi sehꞈ ni law-iˇ-euˬ meh.

2 Saˬmeuˬlaˆ 18:15

Kʼoeˇ naˇ, Yoˇbaˬ-euˬ yehˇ tseˇ gʼaˬ ga uˇ le-awˇ, Aˬbaˇsaˬloˬ-ahˇ sehꞈ-euˬ meh.

Jaceuq 57:6

Muiˇ-eu deuˬ ngaˬ-ahˇ baw gʼaꞈ kʼmˇ-eu miˇ neh, ngaˇ noeˬ zahˬ dui dui-eu ma. Ngaˬ-euˬ gaˇ ma-ahˇ aˬ yawꞈ maꞈ shaˬ duˬ duˬ-eu meh. Ehˇ kʼawꞈ, aˬ yawꞈ maꞈ yawˬ haˇ yawˬ ha ga ahˇ-eu meh.

Dawqdaq 11:6

Yaw sui yaw dawˇ deuˬ yawˬ ha neh mˇ-euˬ yaw tsaˬ yaw dawˇ jeˬ neh bi ka kʼoꞈ-awˇ, saˇ jaˇ maˬ jawˇ-eu deuˬ yawˬ ha-euˬ nui kʼahˇ neh bi paꞈ cuꞈ-eu meh.

Dawˬ tsoˆ 10:9

Kʼaˬ lo deh-eu tsawˇ haˬ kʼaˬ lo neh bi laˆ naˇ-awˇ, miˬ dzaˬ ceuꞈ-eu tsawˇ haˬ, pawˬ jehꞈ bi teuˆ zaw tehꞈ-a.