Dawˬ tsoˆ 10:10 - Akha

¹⁰ Deuˆ haˬ maˬ siˬ taˆ taˬ-euˬ tsawˇ haˬ kuˬ pyuˇ ya doˆ dzehˬ-awˇ, yaw beh neh noeˬ gahˇ-awˇ lehˬ hmˬ taˬ-euˬ tsawˇ haˬ yaw saˇ oꞈ tehꞈ-a.

Dawˬ tsoˆ 10:10 Referans Kwoze

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

Dawˬ tsoˆ 10:15

Aˬ dzawˬ aˇ gah myawˬ yaˇ mˇ gaˇ kʼahˬ lahˇ-eu miˇ neh, pu-ahˇ gʼoꞈ leˇ-eu gaˇ ma maˬ siˬ nya-a.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

1 Laˬsaˬbaˬ 12:32

Iˇsaˬkaˬ tsawˇ jeuˬ laꞈ kʼoeˇ, aˬ yuiꞈ geuꞈ-eu nyiˬ yaˇ gʼaˬ hawˇ-eu, aˬ yawꞈ maꞈ-euˬ gʼaˬ zaˬ deuˬ (Aˬ yuiꞈ geuꞈ-eu kʼoeˇ deuˬ-aˬ, Iˇsaˬleˬlaˆ miˇ kʼahˬ aˬ geu jeˬ mˇ paˬ-ehˇ gʼeh-eu gaˇ kawˆ hawˇ-eu, aˬ geu ngeh yamˬ-ahˇ mˇ paˬ-ehˇ gʼeh-eu gaˇ kawˆ siˬ nya-eu meh.)

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.

Dawˬ tsoˆ 2:13

Yaw zahˇ naˆ maˬ tseˇ yaw shehꞈ muiˬ dzehˬ-eu loꞈ-ehˇ, aˬ dzawˬ aˇ gah gah-eu jeˬ naˆ maˬ tseˇ zaˬ siˬ tsawˇ gahˇ muiˬ dzehˬ meh.

Dawˬ tsoˆ 10:9

Kʼaˬ lo deh-eu tsawˇ haˬ kʼaˬ lo neh bi laˆ naˇ-awˇ, miˬ dzaˬ ceuꞈ-eu tsawˇ haˬ, pawˬ jehꞈ bi teuˆ zaw tehꞈ-a.

Dawˬ tsoˆ 10:11

Aˇ lawˇ neh jeˬ huˬ bi toˆ shaw naˇ, aˇ lawˇ-ahˇ laˆ yah nya-eu tsawˇ gahˇ tiˬ jeˬ-iˬ gaˇ dahˇ maˬ paˇ tsoeˬ meh.

Dawˬ tsoˆ 9:18

Zaˬ siˬ tsawˇ gahˇ-aˬ, guiˇ deuˆ-eu keu ka naˆ maˬ tseˇ gaˇ dahˇ tsoeˬ-eu meh. Ehˇ kʼawꞈ, iˬ baˇ zaˬ tiˬ gʼaˬ yaw muiˬ gʼawˬ mya jeˬ-ahˇ laˆ cawˆ nya-eu meh.