Dawˬ tsoˆ 1:16 - Akha

¹⁶ Ngaˇ yawˬ haˇ yawˬ ha heu loꞈ-ehˇ ehˇ-euˬ ma. “Ngaˬ-euˬ mehˬ hu Yeˬluˇsaˬlehˬ meuˬ-ahˇ uˆ lahˇ yaꞈ-euˬ yawˬ gʼaˬ na luꞈ naˆ maˬ tseˇ, ngaˇ zaˬ siˬ tsawˇ gahˇ ahˇ dui dui-eu miˇ neh, tsawˇ myahˇ huiˬ dui dui miˇ-a. Zaˬ siˬ tsawˇ gahˇ hawˇ-eu yaw muiˬ yaw doeˇ tseˇ paˆ geuꞈ nya-eu nui gahˇ, ngaˇ yaw muiˬ paˬ-ehˇ siˬ duˬ nya duˬ-eu ma.”

Dawˬ tsoˆ 1:16 Referans Kwoze

Dawˬ tsoˆ 2:9

Ngaˇ-aˬ, tsawˇ myahˇ huiˬ dui dui-awˇ, Yeˬluˇsaˬlehˬ meuˬ-ahˇ kʼaˇ jawˇ dzeuˇ yaꞈ-euˬ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ tsawˇ myahˇ doˆ-eu gʼaˬ ma. Ngaˬ-euˬ zaˬ siˬ nui gahˇ ngaˬ nehˬ-ehˇ aˬ myah luꞈ jawˇ luꞈ meh.

1 Sahˬpaˬ 4:30

Nahˇ ma doˆ kʼehˬ paw jawˇ-eu tsawˇ gahˇ ahˇ-eu deuˬ hawˇ-eu, Iˇjiˇtuˆ miˇ kʼahˬ-ahˇ jawˇ-eu tsawˇ gahˇ ahˇ-eu tsawˇ haˬ deuˬ naˆ maˬ tseˇ, Sawˇlaˬmoˬ-euˬ tsawˇ gahˇ dzehˬ-eu meh.

1 Sahˬpaˬ 10:7

Ehˇ kʼawꞈ, ngaˬ-euˬ gʼawˇ mawˇ nawˬ-ahˇ maˬ ya mawˇ duˬ kʼoeˇ keuˆ ni, ngaˇ maˬ jah-aˬ siˬ. Ehˇ law hawˇ kʼawꞈ, nawˬ-euˬ zaˬ siˬ tsawˇ gahˇ gaˇ kawˆ ngaˬ neh ya gaˬ taˬ-euˬ-aˬ, tiˬ paˆ kʼawꞈ maˬ paˆ leˇ law hawˇ ngaˬ siˬ. Nawˬ-euˬ zaˬ siˬ tsawˇ gahˇ hawˇ-eu nawˬ-euˬ pyuˇ shuiˇ myawˬ gahˬ-aˬ, ngaˬ neh ya gaˬ gʼaˬ taˬ-euˬ naˆ maˬ tseˇ huiˬ dui myaˬ dui dui law hawˇ nga.

HeˬByehˇ 5:14

Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.

Jaceuq 4:4

Guˆ-awˇyaw dzuˬdzuˬ-eu laꞈkʼoeˇ, iˬbaˇmˇ-eu jeˬ byehˇdzeh-awˬ. Yuꞈ zaˇ-ahˇ ciˬcuˇni yuꞈngeh, gaˇkawˆheu-ahˇ shaˇnoeˬduˬ-awˬ.

2 Laˬsaˬbaˬ 2:12

Mˬ hawˇ-eu miˇ-ahˇ beh-euˬ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Noeˬ siˬ noeˬ mawˇ nya-eu jeˬ hawˇ-eu mˇ nya shaˇ nya-eu jeˬ tiˬ byah ni ahˇ-eu gʼaˬ pyeuꞈ-awˇ, Sahˬpaˬ Miˬyehˇ-euˬ uˬ duˬ tahˬ nymˇ hawˇ-eu, yawˬ ha jawˇ-eu gʼaˇ duˬ sahˬ paˬ-euˬ hawˇ nymˇ tsoˆ-eu lehˇ lehˬ hmˬ luꞈ-eu tsawˇ gahˇ ahˇ dui dui-eu aˬ li tiˬ li, Daˬbiˇ-ahˇ Miˬyehˇ biꞈ nehˬ-euˬ meh.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Yeˬlaˬmiˇ 22:14

“Kʼoeˇ taˆ tiˆ jeˇ lo ni gʼeh-eu, nymˇ nymˇ ma tiˬ nymˇ tsoˆ doˆ ma” ehˇ-awˇ, laˇ gʼoˆ zaˬ gʼawˬ mya ni jahˇ ahˇ-awˇ, shuˬ liˇ teˇ byaꞈ kaˇ pyawˇ taw-awˇ, jaˆ gʼaˬ neˇ lehꞈ muiˬ taˬ-euˬ tsawˇ haˬ, shaˬ zahˬ ya mˇ dui dui tehꞈ-a.

Jaceuq 77:6

Ngaˇ uˬ ciꞈ miˇ lah-ehˇ shaˇ noeˬ dui dui-awˇ, shaˇ noeˬ duˬ leꞈ-euˬ laꞈ kʼoeˇ yawˬ haˇ yawˬ ha heu loꞈ-ehˇ naˇ haˬ haw-euˬ ma.

2 Sahˬpaˬ 5:20

Eˇliˇshehˇ-euˬ zaˬ kʼaˆ Geˬhaˬziˇ yawˬ haˇ yawˬ ha ehˇ-eu, “Ngaˬ-euˬ yaw sahˇ gʼaˬ Neˬmaˬ-ahˇ tiˬ jeˬ-iˬ maˬ shaˇ ni bi gʼoꞈ leˇ-euˬ nga. Suˇliˆ tsawˇ haˬ kʼoeˇ gʼaˬ neh biꞈ yaꞈ-euˬ jeˬ aˬ yawꞈ ha geuꞈ-eu tsaˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-euˬ mehˬ nah ngaˇ caw teh leˇ-awˇ, tiˬ jeˬ paˬ shaˇ geuꞈ ma.”

1 Sahˬpaˬ 5:9

Leˬbaˬnoˬ gawˬ jawˬ-ahˇ neh iˬ ma laˆ shaˆ lawˇ deh-ahˇ keuˆ ni, ngaˬ-euˬ tsawˇ haˬ deuˬ aˇ bawˇ diˬ tm gʼeu ka leꞈ-awˇ, iˬ ma laˆ shaˆ lawˇ dzeˇ caw caw-ehˇ poeˇ kaꞈ-awˇ nawˬ ka leꞈ-eu laꞈ kʼoeˇ, nawˇ kʼaˇ bi yuˇ keuˆ leꞈ mawꞈ gaˇ keuˆ ni bi sha ha keuˆ le ma. Kʼoeˇ gaˇ oe keuˆ naˇ, ngaˬ-euˬ tsawˇ haˬ deuˬ diˬ tm kʼoeˇ deuˬ puiˇ-awˇ, nawˬ-euˬ tsawˇ haˬ deuˬ-euˬ laꞈ-ahˇ a nehˬ tehꞈ-a. Ngaˬ-euˬ tsawˇ haˬ deuˬ loˬ-eu dzaˬ dzaˬ dawˇ dawˇ nawˇ caw ba nehˬ-awˬ.”

Dawˬ tsoˆ 2:1

“Laˇ-awˬ. Byawˬ-eu mo-eu jeˬ aˇ naˆ ni muiˬ-eu nga lehˇ, ngaˇ nawˬ-ahˇ nui kʼahˇ tiˬ shiˇ bi byawˬ bi muˆ gʼa nyaˇ” lehˇ, ngaˇ yawˬ haˇ yawˬ ha ehˇ-euˬ ma. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ gaˇ ya mawˇ-euˬ ma.

Dawˬ tsoˆ 2:15

Aˬ dzawˬ aˇ gah hawˇ-eu ngaˇ, aˬ yawꞈ tiˬ gaˇ ya shiˇ leˇ-eu tehꞈ meh lehˇ ngaˇ noeˬ duˬ-euˬ ma. Toˆ-ehˇ ngeuˇ naˇ, ngaˇ zaˬ siˬ tsawˇ gahˇ heu naˆ naˆ-ehˇ ahˇ-eu baˬ da neh, aˬ jeˬ guiˬ lahˬ baw ta. Tiˬ jeˬ-iˬ guiˬ lahˬ maˬ baw-a lehˇ ngaˇ ehˇ-eu ma. Maˇ maˇ ni tiˬ jeˬ-iˬ guiˬ lahˬ maˬ baw-a.

Dawˬ tsoˆ 3:17

Kʼaˇ pyeuꞈ laˇ-eu yawˬ jeˬ na luꞈ, aˬ yawꞈ neh toꞈ taˬ-euˬ yamˬ law-ahˇ pyeuꞈ laˇ-eu miˇ neh, tsawˇ muiˬ tsawˇ doeˇ maˬ tseˇ paˆ ni, tiˬ kawˆ loꞈ-ehˇ Miˬyehˇ yaˇ kʼaˬ daˇ-eu nga lehˇ, ngaˇ yawˬ haˇ yawˬ ha ehˇ-euˬ ma.