Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.
Dawˬ caˇ 8:8 - Akha8 Ngaˬ ha mehˇ nmˇ dmˇ ma yaw nyiˇ tiˬ gʼaˬ jawˇ ma. Aˬ yawꞈ-euˬ kʼahˬ nyiˬ pyawˬ yaw nyiˇ aˬ siˬ. Zaˬ guˬ aˬ yawꞈ-ahˇ ngehˬ cawˬ laˇ naˇ, aˬ joˆ-ehˇ jahˇ paˬ nga. Gade chapit la |
Dawˬ caˇ 8:8
29 Referans Kwoze
Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ uiˬ leˇ-awˇ jawˇ ngeh, aˬ yawꞈ maꞈ nehˬ-ehˇ jawˇ-euˬ kʼoeˇ gʼaˬ Moˇseˬ meh. Aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ kʼoeˇ gʼaˬ aˬ yawꞈ meh. Siˇnaˆ Gawˬ jawˬ-ahˇ mˬ taˆ gʼaˬ kʼehˇ dawˬ ngehˬ cawˬ le ngeh jawˇ-euˬ gʼaˬ kʼawꞈ, aˬ yawꞈ meh. Aˬ dui-ahˇ biꞈ-eu gʼaˇ duˬ Miˬyehˇ dawˬ kawˬ za-euˬ gʼaˬ kʼawꞈ, aˬ yawꞈ meh.
Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”
Nawˬ-euˬ aˬ yuiꞈ hawˇ-eu aˬ nyiˇ kʼoeˇ nyiˬ gʼaˬ nawˬ-ahˇ ngaˇ biꞈ kʼoꞈ ngeh, nawˬ neh dehꞈ dzeuˇ mˇ dzeuˇ yaꞈ-euˬ jeˬ-ahˇ nawˇ noeˬ mawˇ-awˇ ya shaꞈ dawˇ tehꞈ-a. Ngaˇ nawˬ nehˬ-ehˇ dzaˬ taˬ-eu dawˬ ma saˇ jaˇ laꞈ kʼoeˇ maˬ ehˇ taˬ-euˬ kʼawꞈ, aˬ nyaꞈ nmˇ-ahˇ nawˬ-euˬ aˬ buˇ loꞈ-ehˇ nawˬ-ahˇ biꞈ-eu ma.
Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”
Piblisite