Dawˬ caˇ 5:1 - Akha

¹ Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawˬ caˇ 5:1 Referans Kwoze

Dawˬ caˇ 6:2

Ngaˬ-euˬ zaˬ kʼaˬ-aˬ, yaw saw jeˬ jaˆ kuꞈ-eu yaˇ kmˇ-ahˇ iˇ-euˬ meh. Yaˇ kmˇ-ahˇ yawˇ bo-awˇ, ka paꞈ aˇ yehˆ tseuˆ uiˬ-eu lehˇ iˇ-euˬ meh.

Dawˬ caˇ 4:16

Laꞈ taˆ paw pyawˬ-ahˇ-euˬ jaˬ lehˇ-oˇ, noeˬ laˇ-awˬ. Laꞈ oˆ paw pyawˬ-ahˇ-euˬ jaˬ lehˇ ngaˬ-euˬ yaˇ kmˇ-ahˇ baw gʼeh laꞈ-awˇ, yaw saw jeˬ jaˬ lehˇ laꞈ kʼoeˇ hehˇ byah gʼeh-awˬ. Ngaˇ gaˬ-eu gʼaˬ aˬ yawꞈ-euˬ yaˇ kmˇ-ahˇ oe-awˇ, kuiˇ dui dui-eu aˇ siˬ deuˬ bi dzaˬ le-awˬ.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Dawqdaq 9:5

“Laˇ-awˬ, ngaˬ neh lehˬ hmˬ taˬ-euˬ dzaˇ dzaˬ laˇ-awˇ, ngaˬ neh laˆ saˆ taˬ-euˬ aˬ gaꞈ dzaˇ uiˇ dawˇ le-awˬ.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

Yoˇhaˬ 3:29

Smˇ miˇ iˇ-eu zaˬ miˬ-aˬ, miˬ zaˬ laˬ-eu zaˬ yo-ahˇ oꞈ-eu meh. Miˬ zaˬ sheuˬ-eu gʼaˬ-euˬ dawˬ peh yawꞈ caw nehˬ-awˇ naˇ haˬ luꞈ-eu aˬ yawꞈ-euˬ cawˬ kʼoeˇ gʼaˬ-aˬ, miˬ zaˬ sheuˬ-eu gʼaˬ-euˬ dawˬ-ahˇ ya gaˬ ngeh, laˬ kʼaˬ cehˇ-eu meh. Kʼoeˇ gaˇ duˇ ni, nymˬ-mˇ ngaˇ laˬ kʼaˬ cehˇ-eu jeˬ byah miˇ-a.

Luˇkaꞈ 12:4

“Ngaˬ-euˬ cawˬ deuˬ-oˇ, ngaˇ ehˇ nehˬ nyaˇ. Gʼawˇ mawˇ-ahˇ sehꞈ nya kʼawꞈ, kʼoeˇ uˬ taꞈ-ehˇ tiˬ jeˬ-iˬ maˬ jahˇ laˇ nya-eu deuˬ-ahˇ taˬ guˆ.

Iˇsaˬyaˇ 66:14

Kʼoeˇ loꞈ-ehˇ pyeuꞈ laˇ gaˇ mawˇ ngeh, naw maꞈ laˬ kʼaˬ ya cehˇ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ jawˇ saˇ doˆ-awˇ gʼaˬ ahˇ tehꞈ-a. Kʼoeˇ loꞈ-ehˇ pyeuꞈ laˇ ngeh, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ ehˇ dawˬ naˇ haˬ-eu deuˬ-ahˇ ngehˬ gʼeh-awˇ, ngaˬ-ahˇ muiˇ-eu deuˬ-ahˇ nui ma bi mawˇ gaˇ, naw maꞈ ya siˬ ya mawˇ tehꞈ-a.”

Iˇsaˬyaˇ 65:13

Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Dawˬ caˇ 8:13

Ngaˇ gaˬ-eu gʼaˬ-oˇ, yaˇ kmˇ-ahˇ nawˬ-euˬ teˇ saˇ bi gaˬ le sheˇ. Ngaˬ-euˬ cawˬ deuˬ nawˇ dawˬ ngehˬ gaˇ gaˬ mawꞈ-eu loꞈ luꞈ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Iˇsaˬyaˇ 23:18

Aˬ yawꞈ neh gaꞈ za-euˬ pyuˇ deuˬ Sahˬpaˬ Miˬyehˇ-ahˇ damˬ nehˬ tehꞈ-a. Pyuˇ kʼoeˇ deuˬ-ahˇ nui gaˇ maˬ paˇ jeˬ hmˬ-ehˇ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ gʼaˇ duˬ, dzaˬ dzaˬ dawˇ dawˇ hawˇ-eu dm gʼaˬ dm lmˇ zeuˇ gaˇ zmˬ tehꞈ-a.

Iˇsaˬyaˇ 5:1

Ngaˬ-euˬ cawˬ hawˇ-eu aˬ yawꞈ-euˬ aˬ gaꞈ yaˇ kmˇ gaˇ kawˆ, ngaˇ caˇ gaˇ naˇ haˬ sheˇ. Miˇ muiˬ muiˬ dui dui-eu gawˬ duˇ kʼoeˇ taˆ, ngaˬ-eu cawˬ aˬ gaꞈ yaˇ kmˇ tiˬ kmˇ jaˆ meh.

Dawˬ caˇ 8:1

Nawˇ ngaˬ-euˬ aˬ mahˇ pyeuꞈ nmˇ duˇ nya. Tiˬ uˇ pyehˆ-awˇ tiˬ coeˇ dawˇ huiˬ law nmˇ duˇ nya. Ehˇ law nmˇ, nawˬ-ahˇ poˆ ka ya tahˬ puˬ ngeh, mehˬ cuˇ cuˇ kʼawꞈ tiˬ gʼaˬ-iˬ myaˆ maˬ naˆ-aˇ.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Jaceuq 16:3

SahˬpaˬMiˬyehˇ-ahˇziꞈ-eu deuˬ, ehˇkʼaˇmaˬza ni muiˬ-eu meh. Aˬyawꞈmaꞈnehˬ-ehˇdehꞈ-eu jeˬ, ngaˇnui kʼahˇshiˇdui dui-eu ma.

Jaceuq 147:11

Ehˇ kʼawꞈ, aˬ yawꞈ-ahˇ taˬ huiˬ-eu tsawˇ haˬ deuˬ hawˇ-eu, maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ gʼoe-eu tsawˇ haˬ deuˬ-ahˇ, aˬ yawꞈ nui kʼahˇ shiˇ-eu meh.

Yaˇ kʼaˬ daˇ 14:11

Piˇliˇtiˆ tsawˇ haˬ deuˬ aˬ yawꞈ-ahˇ mawˇ ngeh, zaˬ daꞈ smˬ tseˇ gʼaˬ pyehˬ gʼeh-awˇ, aˬ yawꞈ nehˬ-ehˇ bi jawˇ-euˬ meh.

Yaˇ kʼaˬ daˇ 14:20

Kʼoeˇ naˇ, pyeuꞈ laˇ-euˬ gaˇ kawˆ kʼoeˇ baˬ da neh nui ma pehˇ dui dui-eu laꞈ kʼoeˇ, iˇ kahˇ-ahˇ gʼoꞈ leˇ-euˬ meh. Kʼoeˇ ngeh, Saˬsoˬ-euˬ miˬ zaˬ-ahˇ, oeˇ mˇ baˇ ngeh Saˬsoˬ nehˬ-ehˇ bi nuiˇ caw-euˬ gʼaˬ-ahˇ bi mˇ dzaˬ-iˇ-euˬ meh.

Dawqdaq 24:13

Ngaˬ li-oˇ, byaˬ byaˬ uiˇ dzaˬ-awˬ. Yaw kuiˇ meh. Byaˬ byaˬ yaˆ-ahˇ dahˬ-eu byaˬ uiˇ nawˬ-eu mehˬ laˇ-ahˇ coeˇ dui dui meh.

Dawˬ tsoˆ 2:5

Yaˇ kmˇ gʼawˬ mya jeˬ mˇ haw-awˇ, aˇ siˬ aˇ bawˇ gʼawˬ mya jeˬ ka haw-euˬ ma.

Dawˬ caˇ 1:13

Ngaˇ gaˬ-eu gʼaˬ ngaˬ-euˬ kʼahˬ-ahˇ kʼawˬ daˇ-awˇ yuꞈ ngeh, muˇ laˬ tsiˇ loꞈ-ehˇ saw dui dui nya.

Dawˬ caˇ 4:8

Ngaˬ-euˬ zaˬ kʼaˬ-oˇ, Leˬbaˬnoˬ gawˬ jawˬ-ahˇ neh ngaˬ nehˬ-ehˇ oe-awˬ. Leˬbaˬnoˬ gawˬ jawˬ-ahˇ neh caw teh gʼeh leꞈ-awˬ. Aˬmaˬnaˬ gawˬ jawˬ uˬ du neh zaꞈ ka le-awˬ. Aˇ laˬ jaˬ shiˇ hawˇ-eu kʼaˬ zuiˬ kʼaˬ laˬ jawˇ duˬ pyeuꞈ-eu Seˬnyaˬ gawˬ jawˬ hawˇ-eu Heˬlaˬmoˬ gawˬ jawˬ-ahˇ neh zaꞈ ka le-awˬ.

Aˇ dahˬ 37:25

Aˬ yawꞈ maꞈ kʼoeˇ loꞈ-ehˇ jahˇ gʼaˬ-awˇ hawˬ dzaˬ luꞈ ngeh, Iˇshaˬmeˬlaˇ tsawˇ haˬ tiˬ muˇ, Giˇlaˆ miˇ kʼahˬ paw neh oe-awˇ, Iˇjiˇtuˆ miˇ kʼahˬ-ahˇ iˇ luꞈ gaˇ aˬ yawꞈ maꞈ ya mawˇ-euˬ meh. Tsawˇ haˬ kʼoeˇ deuˬ-aˬ, tsiˇ yaw saw jeˬ hawˇ-eu aˇ poeˬ kʼaˆ-eu dzaˇ muiˇ dzaˇ sawˇ tawˬ luꞈ-eu law taw deuˬ teh luꞈ-eu meh.