Dawˬ caˇ 4:8 - Akha

⁸ Ngaˬ-euˬ zaˬ kʼaˬ-oˇ, Leˬbaˬnoˬ gawˬ jawˬ-ahˇ neh ngaˬ nehˬ-ehˇ oe-awˬ. Leˬbaˬnoˬ gawˬ jawˬ-ahˇ neh caw teh gʼeh leꞈ-awˬ. Aˬmaˬnaˬ gawˬ jawˬ uˬ du neh zaꞈ ka le-awˬ. Aˇ laˬ jaˬ shiˇ hawˇ-eu kʼaˬ zuiˬ kʼaˬ laˬ jawˇ duˬ pyeuꞈ-eu Seˬnyaˬ gawˬ jawˬ hawˇ-eu Heˬlaˬmoˬ gawˬ jawˬ-ahˇ neh zaꞈ ka le-awˬ.

Dawˬ caˇ 4:8 Referans Kwoze

Dawˬmehˬ 3:9

(Heˬlaˬmoˬ gawˬ jawˬ-ahˇ Siˇdoˬ tsawˇ haˬ deuˬ Siˬyahˬ lehˇ kuˇ-awˇ, Aˬmoˬ tsawˇ haˬ deuˬ Seˬnyaˬ lehˇ kuˇ-eu meh.)

Dawˬ caˇ 2:13

Siˬ guˬ aˇ siˬ awꞈ yamˬ keuˆ laˇ-awˇ, jaˬ lehˇ baw ngeh aˬ gaꞈ aˇ yehˆ saw dui dui nya. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Jaceuq 45:10

Sahˬ paˬ-euˬ miˬ shuiꞈ-oˇ, ngaˇ ehˇ gaˇ naˇ haˬ sheˇ. Nawˬ-euˬ aˇ jeuˬ aˇ ca hawˇ-eu aˬ yuiꞈ aˬ nyiˇ deuˬ-ahˇ, nawˇ ya ngehˇ byoˆ jiˇ meh.

1 Laˬsaˬbaˬ 5:23

Nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ-aˬ, Baˬshaˬ miˇ kʼahˬ-ahˇ jawˇ-awˇ, laꞈ taˆ paw Baˬlaˇheˬlaˬmoˬ meuˬ, Seˬnyaˬ meuˬ hawˇ-eu Heˬlaˬmoˬ gawˬ jawˬ-ahˇ keuˆ ni jawˇ keuˆ-euˬ meh. Aˬ yawꞈ maꞈ tsawˇ haˬ myaˬ dui behˇ dui dui laˇ luꞈ-eu meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Iˇsaˬyaˇ 62:5

Miˬ daꞈ zaˬ daꞈ sheuˬ dahˬ dzaˬ-eu loꞈ-ehˇ, nawˬ-ahˇ beh-euˬ gʼaˬ nawˬ-ahˇ sheuˬ dahˬ dzaˬ tehꞈ-a. Miˬ zaˬ yo zaˬ tiˬ gʼaˬ tiˇ gʼaˬ nui kʼahˇ jaˆ-eu loꞈ-ehˇ, nawˬ-euˬ Miˬyehˇ kʼawꞈ nawˬ-ahˇ nui kʼahˇ jaˆ tehꞈ-a.

Dawˬ caˇ 7:11

Ngaˬ-euˬ zaˬ kʼaˬ-oˇ, oe-awˬ. Meuˬ-euˬ laꞈ nyiˇ iˇ doˆ gʼeh-awˇ, pu-ahˇ uˬ ciꞈ yaꞈ-iˇ kaˇ-euˇ.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Jaceuq 76:4

Miˬyehˇ-oˇ, nawˇ aˇ naˆ ni yaw shehꞈ kʼahꞈ sehˇ huiˬ-eu nga. Muiˇ-eu deuˬ-ahˇ nawˇ deuˆ gʼaˬ-awˇ, gawˬ jawˬ-ahˇ gʼoꞈ ka le ngeh, aˇ naˆ ni kʼahˬ sehˇ jaˆ-eu nga.

Jaceuq 76:1

Yuˇdaˆ miˇ kʼahˬ Miˬyehˇ-ahˇ siˬ nya-awˇ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ tsawˇ myahˇ huiˬ-eu meh.

1 Sahˬpaˬ 4:33

Leˬbaˬnoˬ miˇ kʼahˬ-ahˇ dehꞈ-eu shuˬ liˇ aˇ bawˇ-ahˇ neh, meuˬ meuˬ lahˇ kʼoeˇ taˆ dehꞈ-eu hiˇ soˆ baw duˆ-ahˇ keuˆ ni, aˇ bawˇ gaˇ kawˆ aˬ yawꞈ neh ehˇ taˬ yaꞈ-euˬ jaˆ-eu meh. Jeˬ zaˬ deuˬ, aˇ jiˇ deuˬ, miˇ tsaˬ-ahˇ joe joe-ehˇ cah-eu aˇ mawˇ deuˬ hawˇ-eu, ngaˬ shaˬ ngaˬ deˇ deuˬ gaˇ kawˆ kʼawꞈ, aˬ yawꞈ neh mehˬ taˬ tsoˆ taˬ yaꞈ-euˬ jaˆ-eu meh.

Yawˇshuˆ 12:1

Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Dawˬmehˬ 3:25

Sahˬpaˬ Miˬyehˇ-oˇ, Yawˇdaˬ lawˇ baˬ bi le tsehˆ laꞈ-awˇ, nui baˬ paw jaˆ-eu baw le za le-eu miˇ kʼahˬ kʼoeˇ kʼahˬ maˬ ehˇ, haw muiˬ dui dui-eu gawˬ jawˬ gawˬ duˇ deuˬ hawˇ-eu Leˬbaˬnoˬ gawˬ jawˬ deuˬ-ahˇ maˬ ehˇ, ngaˬ-ahˇ bi haw mawˇ laꞈ-awˬ’ lehˇ shaˇ-euˬ ma.

2 Sahˬpaˬ 5:12

Kʼoeˇ uˬ taꞈ, Suˇliˆ miˇ kʼahˬ-ahˇ yoeˇ-eu Aˬbaˬnaˬ lawˇ baˬ hawˇ-eu Paˬpaˬ lawˇ baˬ-aˬ, Iˇsaˬleˬlaˆ miˇ kʼahˬ-ahˇ yoeˇ-eu lawˇ baˬ dawˬ tawˆ luꞈ naˆ maˬ tseˇ muiˬ dzehˬ-eu maˬ ngeuˇ-a loˇ. Lawˇ baˬ kʼoeˇ deuˬ-ahˇ ngaˇ dzuiꞈ shawˇ kʼawꞈ, ngaˬ-euˬ naˇ gawˇ taˬ leˇ nya tehꞈ-a.”

Jaceuq 72:16

Miˇ kʼahˬ laꞈ kʼoeˇ cehˇ za dui dui le luꞈ-uˇ. Gawˬ duˇ deuˬ-ahˇ cehˇ dehꞈ byah jiˇ-awˇ, Leˬbaˬnoˬ miˇ kʼahˬ loꞈ-ehˇ maˇ le luꞈ-uˇ. Deh ga-ahˇ yaˇ moꞈ dehꞈ gʼoeˬ taˬ-euˬ loꞈ-ehˇ, meuˬ deuˬ laꞈ kʼoeˇ tsawˇ haˬ behˇ dui dui luꞈ-uˇ.

Jaceuq 89:12

Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Yeˬsaˬgeˬlaˇ 27:5

Heˬlaˬmoˬ gawˬ jawˬ-ahˇ dehꞈ-eu, shuˬ liˇ paꞈ muˆ neh tsoˆ-euˬ meh. Saˇ baoˬ saˬ paˇ gʼeu taw duˬ gʼeh, Leˬbaˬnoˬ gawˬ jawˬ-ahˇ dehꞈ-eu, siˬ daˬ daˇ kawˬ neh jahˇ-euˬ meh.