Dawqdaq 8:12 - Akha

¹² Ngaˇ-aˬ, zaˬ siˬ tsawˇ gahˇ pyeuꞈ-awˇ, ngaˇ maˬ siˬ maˬ mawˇ nya-eu tiˬ jeˬ-iˬ maˬ jaˆ. Ngaˇ tsawˇ gahˇ byah-awˇ, yawˬ jeˬ na luꞈ-ahˇ tseˇ paˆ biˇ paˆ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Ngar-aq, zaqsiq tsawrganr ma. Ngar noeqdanr doe-eu jeq naeq-aer jawr-awr, Siqnya-eu tsawrganr hawr-eu noeqsiq noeqmawr nya-eu jeq povmawr-euq ma.

Dawqdaq 8:12 Referans Kwoze

Iˇsaˬyaˇ 28:26

Miˬyehˇ neh mehˬ taˬ-euˬ loꞈ-ehˇ, aˬ yawꞈ-euˬ gaˇ aˬ yawꞈ siˬ nya luꞈ meh.

Doˆ-iˇ 35:30

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-ahˇ Sahˬpaˬ Miˬyehˇ tseˇ doˆ gʼaˬ-euˬ meh.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Dawqdaq 1:4

Maˬ bym maˬ byehˆ-eu deuˬ-ahˇ bi bym bi byehˆ laˇ nya-awˇ, zaˬ guˬ deuˬ-ahˇ gaˇ dahˇ tsoeˬ-eu tsawˇ haˬ bi pyeuꞈ laˇ nya-eu meh.

Gawˇlawˇsehˇ 2:3

Aˬ yawꞈ-aˬ, zaꞈ taˬ-euˬ pyuˇ pahˬ shuiˇ pahˬ-ahˇ duˇ-eu Miˬyehˇ-euˬ zaˬ siˬ tsawˇ gahˇ deuˬ-ahˇ pah dzeh-eu mawˬ tawꞈ kahˬ pyeuꞈ-eu meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

1 Laˬsaˬbaˬ 28:19

“Heu deuˬ dawˬ tawˆ luꞈ aˬ joˆ-ehˇ ya mˇ-eu gaˇ kawˆ, Sahˬpaˬ Miˬyehˇ neh ngaˬ-ahˇ mehˬ nehˬ laꞈ-euˬ loꞈ-ehˇ aˇ kawˆ kawˆ-awˇ boꞈ doˆ taˬ-euˬ laꞈ kʼoeˇ ahˇ jiˇ meh” lehˇ, sahˬ paˬ Daˬbiˇ ehˇ-eu meh.

Eˇpeˇsu 3:10

Kʼoeˇ loꞈ-ehˇ dehˬ kaˬ taˬ-euˬ kʼoeˇ-aˬ, nymˬ-mˇ-euˬ aˇ yamˬ-ahˇ Ka li zaˬ aˇ muˇ-ahˇ gʼoe-eu laꞈ kʼoeˇ, mˬ kʼoeˇ taˆ uˆ lahˇ luꞈ-eu mˬ taˆ gʼaˬ kʼehˇ deuˬ hawˇ-eu baoˬ jaˆ-eu deuˬ-ahˇ Miˬyehˇ-euˬ zaˬ siˬ tsawˇ gahˇ gʼawˬ mya jeˬ bi siˬ bi mawˇ-eu gʼaˇ duˬ pyeuꞈ-eu meh.

Eˇpeˇsu 1:8

Aˬ yawꞈ aˬ dui-ahˇ kʼoeˇ myaˆ myaˆ-ehˇ biꞈ nehˬ laꞈ-euˬ meh. Miˬyehˇ-aˬ, aˬ yawꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ gʼoe-eu laꞈ kʼoeˇ,

2 Laˬsaˬbaˬ 13:14

Yuˇdaˆ guiˇ maꞈ deuˬ jawˬ jawˬ-ehˇ haw-awˇ, aˬ cawˬ aˬ yawꞈ maꞈ-ahˇ loꞈ jawˬ taˬ-euˬ gaˇ ya mawˇ ngeh, Sahˬpaˬ Miˬyehˇ-ahˇ “Caw ba le-awˬ” lehˇ guˇ-awˇ, piˇ ma deuˬ daˇ heh baw-euˬ meh.

1 Sahˬpaˬ 7:14

Shiˇ dzeuˇ-euˬ aˬ yawꞈ-euˬ aˬ da gʼaˬ kʼawꞈ, Duˇlu meuˬ-ahˇ guiˬ shuiˇ tehˆ-euˬ ba jiˬ meh. Aˬ yawꞈ-euˬ aˬ ma-aˬ, Naˬtaˬliˇ tsawˇ jeuˬ pyeuꞈ-eu meh. Huˇlamˬ-aˬ, tsawˇ gahˇ ahˇ-awˇ, nya dui dui-eu ba jiˬ pyeuꞈ-eu meh. Guiˬ shuiˇ tehˆ gaˇ aˬ yuiꞈ geuꞈ-awˇ haw-eu pyaˆ-eu gʼaˇ duˬ sahˬ paˬ Sawˇlaˬmoˬ aˬ yawꞈ-ahˇ kuˇ ngeh, aˬ yawꞈ laˬ kʼaˬ tiˬ cehˇ laˇ-euˬ meh.

1 Laˬsaˬbaˬ 28:12

Poˆ kaˬ deuˬ hawˇ-eu, poˆ kaˬ jawˬ jawˬ-ehˇ bi jaˆ-eu aˇ lawˆ deuˬ tsoˆ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ hawˇ-eu, Sahˬpaˬ Miˬyehˇ-ahˇ kʼaˇ damˬ nehˬ laˇ-euˬ jeˬ-ahˇ bi jeˬ hmˬ taˬ-eu aˇ lawˆ deuˬ tsoˆ-eu gʼaˇ duˬ maˬ ehˇ, aˬ yawꞈ neh kʼaˇ noeˬ doˆ-euˬ loꞈ-ehˇ aˇ kawˆ kawˆ taˬ-euˬ jeˬ kʼawꞈ, biꞈ nehˬ-euˬ meh.

Dawqdaq 8:5

Dawˇ ga deuˬ-oˇ, siˬ laˇ gahˇ laˇ-awˬ. Aˬ dzawˬ aˇ gah deuˬ-oˇ, nui ma-ahˇ noeˬ-awˬ.