Dawqdaq 6:21 - Akha

²¹ Dawˬ kʼoeˇ deuˬ nawˬ-euˬ nui ma-ahˇ paꞈ tawꞈ-awˇ, nawˬ-euˬ kawˬ lahˇ-ahˇ dah-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Dawq khoerdeuq aqmyanluf, Nawq-euq nuima-anr paftawf-awr, Nawq-euq kawqlanr-anr dan-awq.

Dawqdaq 6:21 Referans Kwoze

Dawqdaq 3:3

Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

2 Gawˇliˬtu 3:3

Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.

Dawqdaq 4:6

Zaˬ siˬ tsawˇ gahˇ-ahˇ nawˇ maˬ byehˇ dzeh naˇ, aˬ yawꞈ nawˬ-ahˇ bo saˆ tehꞈ-a. Aˬ yawꞈ-ahˇ nawˇ gaˬ naˇ, aˬ yawꞈ nawˬ-ahˇ haw piˇ tehꞈ-a.

Dawˬmehˬ 6:8

Kʼoeˇ deuˬ-ahˇ maˬ ya ngehˇ-eu gʼaˇ duˬ, naw maꞈ-euˬ laꞈ du-ahˇ paꞈ-awˇ, naw maꞈ-euˬ naˇ kʼawˇ-ahˇ geuꞈ-awˬ.

Doˆ-iˇ 13:16

Kʼoeˇ loꞈ-ehˇ mˇ-eu jeˬ-aˬ, aˬ dui-euˬ naˇ kʼawˇ-ahˇ maˬ ehˇ, laꞈ du-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni bi noeˬ mawˇ-eu jeˬ pyeuꞈ-awˇ, Sahˬpaˬ Miˬyehˇ neh aˬ yawꞈ-euˬ huiˬ-eu baoˬ-ahˇ gʼoe-awˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gaˇ, aˬ dui-ahˇ paˇ bi noeˬ mawˇ laꞈ tehꞈ-a’ lehˇ ehˇ nehˬ-awˬ.”

Dawqdaq 4:21

Dawˬ kʼoeˇ deuˬ maˬ bi iˇ byoˆ ni, nawˬ-euˬ nui ma laꞈ kʼoeˇ juiˇ taˬ-awˬ.

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.