Dawqdaq 31:4 - Akha

⁴ Leˬmoeˬlaˇ-oˇ, naˇ haˬ-awˬ. Sahˬ paˬ geuꞈ-eu tsawˇ haˬ jiˇ baˬ hawˇ-eu aˬ gaꞈ dzaˇ uiˇ-ahˇ gaˬ-eu nui ma maˬ ya bi ahˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Leqmeuqlar-or! Sanqpaq deuq, jirbaq dawr-eu maqtsaq-a. Dzoeqda deuq, jirbaq jirtav dawr-eu khawf maqtsaq-a. Sanqpaq deuq, heulof-aer mr paq-aer maqghae-a.

Dawqdaq 31:4 Referans Kwoze

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Iˇsaˬyaˇ 5:22

Jiˇ baˬ dawˇ-eu aˬ cawˬ taꞈ-ehˇ dzehˬ-awˇ, jiˇ baˬ jiˇ keuˬ maˬ guˆ ni dawˇ peuˬ-eu tsawˇ haˬ deuˬ, ya noeˬ shaˬ dui dui tehꞈ-a.

Dawˬ tsoˆ 10:17

Ehˇ kʼawꞈ, dzoeˬ dzaˬ-eu sahˬ paˬ yawˬ ha-euˬ nui kʼahˇ tiˬ li uˆ lahˇ nya-awˇ, uˇ lahˇ-eu aˬ yuiꞈ aˬ tsu geuꞈ-eu deuˬ dzaˬ yamˬ dawˇ yamˬ tsaˬ-awˇ maˬ dzaˬ maˬ dawˇ yehꞈ ni dehꞈ-eu miˇ kʼahˬ-aˬ, guiˬ lahˬ baw-eu miˇ kʼahˬ meh.

Haˬbaˬkuˆ 2:5

Jiˇ baˬ maˇ tsaꞈ saˇ jaˇ maˬ jawˇ. Aˇ gah kʼoeˇ gah jawˇ naˬ maˬ mˇ. Pyuˇ shuiˇ nui kʼahˇ ciˇ tahˬ miˇ oˆ, aˬ yawꞈ shiˇ ngeh nui kʼahˇ maˬ jiˇ. Tsawˇ jeuˬ dawˬ tawˆ deuˆ gʼaˬ jiˇ-awˇ, miˇ tsaˬ zaˬ paꞈ uiˬ jiˇ-euˬ meh.

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

1 Sahˬpaˬ 20:12

Beˬhaˬdaˇ hawˇ-eu aˬ yawꞈ-ahˇ nui ma gm-eu sahˬ paˬ kʼoeˇ deuˬ aˬ yawꞈ maꞈ-euˬ sehˬ gʼawˆ laꞈ kʼoeˇ dzaˬ yehꞈ dawˇ yehꞈ luꞈ ngeh, Aˬhaˆ-euˬ dawˬ-ahˇ aˬ yawꞈ maꞈ ya gaˬ-euˬ meh. “Meuˬ kʼoeˇ meuˬ-ahˇ guiˇ deuˆ-iˇ-eu gʼaˇ duˬ lehˬ hmˬ-awˬ” lehˇ, aˬ yawꞈ-euˬ tsawˇ haˬ deuˬ-ahˇ aˬ yawꞈ dawˬ biꞈ-awˇ, aˬ yawꞈ maꞈ jawˇ duˬ yuˇ-awˇ lehˬ hmˬ dah jiˇ-euˬ meh.

1 Sahˬpaˬ 16:9

Sahˬ paˬ-euˬ mahˬ laˆ lawˬ tiˬ paˆ paˆ ni-ahˇ haw-eu pyaˆ-eu gʼaˬ bi geuꞈ-euˬ aˬ yawꞈ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Zmˇliˬ-aˬ, ciˬ cuˇ ni aˬ yawꞈ-ahˇ puiˬ-euˬ meh. Tiˬ nah-aˬ, Teuˇzaˬ meuˬ laꞈ kʼoeˇ sahˬ paˬ-euˬ hawˇ nymˇ-ahˇ haw-eu pyaˆ-eu gʼaˬ pyeuꞈ-eu Aˬzaˇ-euˬ nymˇ-ahˇ, Eˇlahˬ dzaˬ yehꞈ dawˇ yehꞈ-awˇ jawˇ-eu meh.

Iˇsaˬtaˆ 1:10

Dzaˬ byawˇ lawˇ-euˬ shiꞈ nah tiˬ nah keuˆ laˇ-awˇ, sahˬ paˬ aˬ gaꞈ dzaˇ uiˇ dawˇ luꞈ ngeh, aˬ yawꞈ-euˬ nui ma laꞈ kʼoeˇ laˬ kʼaˬ cehˇ laˇ-awˇ, zaˬ miˬ zaˬ deuˬ-ahˇ haw-eu pyaˆ-eu sahˬ paˬ-euˬ zaˬ kʼaˆ pyeuꞈ-eu Meˬhuˇmaˬ, Biˇzaˬdaˬ, Haˬbawˇnaˆ, Biˇgaˬdaˬ, Aˬbaˬgaˬdaˬ, Zehˇdaˬ hawˇ-eu Gaˬkaˆ aˬ ha shiꞈ gʼaˬ-ahˇ aˬ yawꞈ kuˇ-euˬ meh.

Dawqdaq 23:34

Iˬ ma laˆ shaˆ iˇ luˆ dzeh gaˇ gʼa luꞈ-eu saˇ baoˬ kʼoeˇ taˆ dziˬ luꞈ-eu loꞈ-ehˇ, nawˬ-euˬ uˬ duˬ buˬ juˬ buˇ juˇ zeuˆ tehꞈ-a.