Dawqdaq 30:30 - Akha

³⁰ Jeˬ zaˬ dawˬ tawˆ luꞈ laꞈ kʼoeˇ aˬ cawˬ naˆ maˬ tseˇ gʼaˬ kʼaˆ dzehˬ-awˇ, guˆ-eu nui ma maˬ ahˇ-eu aˇ laˬ jaˬ shiˇ tiˬ jeˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Arlaqjaqshir-aq, jeqzaq dawqtawv luf-euq lafkhoer, Aqcawq navmaqtser ghaq khavdzaeq-awr, Tiqjeq-anr-iq maq yanrpawr-a.

Dawqdaq 30:30 Referans Kwoze

Yaˇ kʼaˬ daˇ 14:18

Shiꞈ nah tiˬ nah keuˆ laˇ ngeh, yuꞈ zaˇ kuˆ lawˆ-ahˇ Saˬsoˬ maˬ uˇ leˇ mi naˆ-ehˇ, meuˬ kʼoeˇ meuˬ-ahˇ jawˇ-eu tsawˇ haˬ deuˬ aˬ yawꞈ-ahˇ ehˇ-eu, “Byaˬ byaˬ uiˇ naˆ maˬ tseˇ coeˇ-eu aˬ jeˬ paˇ jaˆ ta. Aˇ laˬ jaˬ shiˇ naˆ maˬ tseˇ gʼaˬ kʼaˆ-eu aˬ jeˬ paˇ jawˇ ta.” Saˬsoˬ ehˇ-eu, “Naw maꞈ ngaˬ-euˬ mawˇ neˇ mawˇ ma neh deh yaˇ maˬ tsehˬ-euˬ law nmˇ-aˬ, nymˬ-mˇ keuˆ ni dawˬ tsuiꞈ kʼoeˇ maˬ siˬ nya-aˇ.”

Bawˇtsahˬ 23:24

Iˇsaˬleˬlaˆ tsawˇ jeuˬ-aˬ, baoˬ huiˬ-eu aˇ laˬ jaˬ shiˇ-ahˇ duˇ-eu meh. Aˬ yawꞈ neh kawꞈ sehꞈ-euˬ jeˬ zaˬ-euˬ shiˬ dawˇ gʼaˬ-awˇ, shaˬ jiˇ maˬ kawꞈ dzaˬ jiˇ kʼoeˇ keuˆ ni aˬ yawꞈ maˬ naˬ-a.”

2 Saˬmeuˬlaˆ 1:23

Sawˇluˆ hawˇ-eu Yawˇnaˆshaˬ-ahˇ, gaˬ dui dui nya gʼoeˇ dui dui nya. Aˬ nyaꞈ dehꞈ ngeh maˬ gʼawˬ-iˇ-ehˇ, shiˇ ngeh kʼawꞈ maˬ gʼawˬ-iˇ kʼmˬ-aˇ. Kʼaˬ dzeˇ dzeˇ ma maˬ tseˇ kawˇ-awˇ, aˇ laˬ jaˬ shiˇ maˬ tseˇ kʼaˆ meh.

Dawqdaq 30:29

Gaˇ ma cah ngeh haw muiˬ dui dui-eu oeˬ jeˬ-aˬ,

Dawqdaq 30:31

ciꞈ myehꞈ tiˬ jeˬ, mˇ yeuꞈ mˇ yeuꞈ-ehˇ cah-eu ya ciˆ ya poeˇ tiˬ jeˬ hawˇ-eu, miˇ kʼahˬ zaˬ mehˬ shi nuiˇ-eu sahˬ paˬ tiˬ jeˬ meh.

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Yeˬsaˬgeˬlaˇ 32:2

“Tsawˇ haˬ zaˬ-oˇ, Iˇjiˇtuˆ sahˬ paˬ-ahˇ shaˇ noeˬ dui dui paˬ-ehˇ gʼeh-eu dawˬ heu deuˬ ehˇ nehˬ-awˬ. “Aˇ laˬ jaˬ shiˇ-ahˇ duˇ ma lehˇ, nawˇ yawˬ haˇ yawˬ ha noeˬ-eu kʼawꞈ, laˆ shaˆ laꞈ kʼoeˇ uˇ-eu laˆ shaˆ byaˆ yahˬ loˆ ni tehꞈ meh. Aˬ kuiˇ neh iˇ neˇ laˆ neˇ-awˇ, lawˇ baˬ-ahˇ nawˇ laˆ jawꞈ-eu meh.