Dawqdaq 3:9 - Akha

⁹ Nawˬ-euˬ nui ma gʼawˇ mawˇ hawˇ-eu keuˆ beh beh le-euˬ mˇ kaˇ shaˇ kaˇ damˬ nehˬ-eu laꞈ kʼoeˇ, Sahˬpaˬ Miˬyehˇ-ahˇ taˬ huiˬ taˬ mahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawq-euq pyurshuir myawqganq hawr-eu, Mrkar sharkar dawqtawv luf-euq lafkhoer keuvbae baele-euq jeq nae, Ya’we Miqyaer-anr taqhuiq taqmanr-awq.

Dawqdaq 3:9 Referans Kwoze

1 Gawˇliˬtu 16:2

Tiˬ jaw laꞈ kʼoeˇ aˇ dahˬ beh-eu nah aˬ yawꞈ nah yawꞈ, naw maꞈ yawˬ gʼaˬ na luꞈ yawˬ ha neh kʼaˇ poˆ za-euˬ loꞈ-ehˇ geuˇ ni pyuˇ daˬ ui cuiˆ yuˇ doˆ-awˇ jeˬ hmˬ taˬ-awˬ. Kʼoeˇ loꞈ-ehˇ jahˇ naˇ, ngaˇ oe ngeh naw maꞈ pyuˇ taꞈ uiˬ-eu maˬ loˬ-aˇ.

Doˆ-iˇ 23:19

“Aˬ yawˬ kʼoꞈ yawꞈ, naw maꞈ neh mˇ za-euˬ keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. “Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma-euˬ aˬ coeˇ dzaˇ uiˇ nehˬ-ehˇ maˬ ya puꞈ keuˬ dzaˬ-a.

Dawqdaq 14:31

Yaw shaˬ zaˬ-ahˇ kʼehˬ-eu jeˬ, Beh-euˬ yaw sahˇ-ahˇ coeˬ leˇ-awˇ, yaw shaˬ zaˬ-ahˇ ngehˬ gʼeh-eu jeˬ, aˬ yawꞈ-ahˇ uˬ duˬ tahˬ gaˇ duˇ-eu meh.

Doˆ-iˇ 22:29

“Naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ deuˬ keuˆ le ngeh, ngaˬ-ahˇ ya lawˇ meh. “Dehꞈ beh deh le-euˬ naw maꞈ-euˬ aˬ li aˬ yuiꞈ deuˬ ngaˬ-ahˇ ya biꞈ laꞈ meh.

Doˆ-iˇ 34:26

“Yawˬ kʼoꞈ na luꞈ, keuˆ beh beh le-eu dzaˬ la gʼo cehˇ deuˬ, Sahˬpaˬ Miˬyehˇ-euˬ nymˇ-ahˇ ya yuˇ laꞈ meh. Yawˇ zaˬ maˬ ehˇ, ciꞈ myehꞈ ciꞈ zaˬ maˬ ehˇ, aˬ ma mawˇ-euˬ aˬ coeˇ nehˬ-ehˇ maˬ ya caꞈ keuˬ-a.”

Aˇ dahˬ 28:22

Noeˬ keuˆ-eu gʼaˇ duˬ ngaˬ neh kʼaˬ lo ka tuˇ taˬ-euˬ jawˇ duˬ heu tsahˇ-ahˇ, ngaˇ nawˬ-ahˇ uˬ duˬ tahˬ-awˇ, nawˬ neh ngaˬ-ahˇ kʼaˇ biꞈ laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ paˇ damˬ kʼoꞈ nehˬ ma.”

2 Laˬsaˬbaˬ 31:21

Uˬ duˬ tahˬ nymˇ nymˇ ma gʼaˇ duˬ mˇ-eu paw maˬ ehˇ, zahˇ dawˬ kʼoꞈ dawˬ mehˬ nah caw teh-eu paw maˬ ehˇ, aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ Miˬyehˇ-ahˇ saˇ jaˇ ziꞈ-awˇ aˬ yawꞈ nui ma tsaˬ-eu loꞈ-ehˇ tehꞈ-ehˇ mˇ-euˬ miˇ neh, aˬ yawꞈ neh mˇ-euˬ gaˇ deuˬ huiˬ laˇ mahˇ laˇ-euˬ meh.

Jaceuq 144:13

Nga maꞈ-euˬ cehˇ jiˇ laꞈ kʼoeˇ, dzaˬ la gʼo cehˇ bi byah laꞈ. Deh ga-ahˇ gaˆ luꞈ-eu nga maꞈ-euˬ yawˇ deuˬ aˇ muiˇ aˇ seh mawˇ puˬ dehꞈ luꞈ-uˇ.

Dawqdaq 11:25

Aˬ cawˬ-ahˇ biꞈ-eu tsawˇ haˬ baw le za le tehꞈ-a. Aˬ cawˬ-ahˇ caw ba-eu tsawˇ haˬ, yawˬ ha-ahˇ paˇ bi caw ba kʼoꞈ tehꞈ-a.

Iˇsaˬyaˇ 43:23

Yawˇ dzah puiˆ-awˇ ya lawˇ-eu jeˬ, nawˇ ngaˬ-ahˇ maˬ lawˇ nehˬ laꞈ-a. Nawˇ lawˇ-eu shehˇ-eu jeˬ mˇ-awˇ, ngaˬ-ahˇ maˬ taˬ huiˬ nehˬ laꞈ-a. Lawˇ-eu shehˇ-eu jeˬ biꞈ nehˬ laꞈ lehˇ ngaˇ ehˇ-awˇ, nawˬ-ahˇ laˆ shaˬ nehˬ-euˬ maˬ jaˆ. Tsiˇ yaw saw damˬ nehˬ laꞈ lehˇ ngaˇ shaˇ-awˇ, nawˬ-ahˇ laˆ zahˬ nehˬ-eu maˬ jaˆ.

Doˆ-iˇ 23:16

“Cehˇ yehˬ cehˇ diˬ dahˬ beh-eu yamˬ-ahˇ, Cehˇ laˆ luiˆ-eu Bawˬ-iˬ naw maꞈ ya gʼeh meh. “Aˬ gaꞈ hawˇ-eu aˇ siˬ aˇ lu keuˆ le-eu yamˬ pyeuꞈ-eu tsahˬ gaˆ yamˬ-ahˇ, aˇ siˬ aˇ lu pi ahˇ-eu Bawˬ-iˬ naw maꞈ ya jahˇ meh.

Uˬ duˬ 19:25

Ehˇ kʼawꞈ, ngaˬ kʼoꞈ tiˬ kʼoꞈ keuˆ laˇ ngeh, aˇ siˬ aˇ lu kʼoeˇ deuˬ naw maꞈ dzaˬ nya tehꞈ-a. Naw maꞈ kʼoeˇ loꞈ-ehˇ jahˇ ngeh, aˇ siˬ aˇ lu za dzehˬ le-eu gaˇ ya mawˇ tehꞈ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Bawˇtsahˬ 15:20

Naw maꞈ kaˬ muˇ jahˇ ngeh, yaw shuiꞈ keuˆ le-euˬ dzaˬ la gʼo cehˇ neh jahˇ beh beh-euˬ kaˬ muˇ Sahˬpaˬ Miˬyehˇ-ahˇ ya lawˇ meh. Naw maꞈ neh baw shawˇ-euˬ cehˇ lawˇ-eu loꞈ-ehˇ, kaˬ muˇ kʼoeˇ naw maꞈ ya lawˇ meh.

Dawˬmehˬ 14:29

Dzaˬ dzaˬ dawˇ dawˇ kʼoeˇ deuˬ-aˬ, naw maꞈ-euˬ meuˬ deuˬ-ahˇ jawˇ luꞈ-eu jeˬ biˇ maˬ baw-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ gʼaˇ duˬ meh. Aˬ yawꞈ maꞈ kʼaˇ loˬ-eu loꞈ-ehˇ, kʼoeˇ gaˇ yuˇ laꞈ tehꞈ-a. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ ni, naw maꞈ kʼoeˇ loꞈ-ehˇ mˇ-awˬ.

2 Laˬsaˬbaˬ 31:10

Kʼoeˇ ngeh, “Uˬ duˬ tahˬ nymˇ nymˇ ma laꞈ kʼoeˇ laꞈ sawˬ heu deuˬ yuˇ keuˆ laꞈ ngeh tiˬ nah neh, dzaˬ loꞈ dawˇ loꞈ-eu uˬ taꞈ, gʼawˬ mya ni dzehˬ laˇ taˬ-euˬ meh. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ guiˬ lahˬ biꞈ nehˬ-euˬ miˇ neh heu myaˆ myaˆ-ehˇ dzehˬ laˇ taˬ-euˬ meh” lehˇ, Zaˬdoˆ-euˬ aˬ li Piˇ ma Yaw huiˬ gʼaˬ pyeuꞈ-eu Zaˬkaˬliˇ neh sahˬ paˬ Heˬsaˬgiˇ-ahˇ ehˇ kʼoꞈ nehˬ-euˬ meh.

Maꞈtehˬ 25:17

Kʼoeˇ loꞈ-ehˇ duˇ ni, nyiˬ heˇ byaˆ ha geuꞈ taˬ-euˬ gʼaˬ kʼawꞈ, nyiˬ heˇ byaˆ paˇ gaꞈ jeuˬ-euˬ meh.