Dawqdaq 3:3 - Akha

³ Saˇ jaˇ ziꞈ-eu jeˬ-ahˇ maˬ pyehˬ dzeh-ehˇ nawˬ-euˬ kawˬ lahˇ-ahˇ dah-awˇ, nawˬ-euˬ nui ma-ahˇ boꞈ ahˇ taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ghawqshaq gaq-eu jeq hawr-eu yawtsaq yawdawr jeq, nawq-anr taqbi byaerdzae, Zanrdawq khoer nawq-euq kawqlanr-anr dan-awr, Nawq-euq nuima-euq terbyaf-anr bofmyanq taq-awq.

Dawqdaq 3:3 Referans Kwoze

2 Gawˇliˬtu 3:3

Naw maꞈ-aˬ, Ka li neh boꞈ ahˇ leꞈ-awˇ nga maꞈ neh hehˇ leꞈ-euˬ sahˬ boꞈ tiˬ dzeh pyeuꞈ-eu meh. Sahˬ boꞈ heu dzeh-ahˇ sahˬ uiˇ zmˬ-awˇ boꞈ taˬ-euˬ maˬ ngeuˇ-a. Dehꞈ luꞈ-eu Miˬyehˇ-euˬ Yaw sahˇ-ahˇ zmˬ-awˇ boꞈ taˬ-euˬ meh. Kʼaˬ lo teˇ byaꞈ kʼoeˇ taˆ boꞈ taˬ-euˬ maˬ ngeuˇ-a. Tsawˇ haˬ-euˬ nui ma teˇ byaꞈ kʼoeˇ taˆ boꞈ taˬ-euˬ meh.

Dawqdaq 7:3

Dawˬ kʼoeˇ deuˬ nawˬ-euˬ laꞈ noeˇ laꞈ ma-ahˇ paꞈ tawꞈ taˬ-awˇ, nawˬ-euˬ nui ma laꞈ kʼoeˇ boꞈ ahˇ taˬ-awˬ.

HeˬByehˇ 10:16

“Sahˬpaˬ Miˬyehˇ ehˇ-eu, Dawˬ ma saˇ jaˇ heu hmˬ, mehˬ hu paw-euˬ aˇ yamˬ laꞈ kʼoeˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈkʼoeˇ boꞈ myahˬ nehˬ ma.”

Dawqdaq 6:21

Dawˬ kʼoeˇ deuˬ nawˬ-euˬ nui ma-ahˇ paꞈ tawꞈ-awˇ, nawˬ-euˬ kawˬ lahˇ-ahˇ dah-awˬ.

Maˬlaˬkiˇ 2:6

Aˬ yawꞈ maꞈ yaw lehˬ jeˬ maˬ mehˬ maˬ tsoˆ ni, yaw tsaˬ yaw dawˇ jeˬ tehꞈ-ehˇ mehˬ-euˬ tsoˆ-euˬ meh. Aˬ yawꞈ maꞈ ngaˇ nui ma tsaˬ ni yaw dehꞈ dehꞈ-euˬ meh. Aˬ yawꞈ maꞈ mawˇ do yaw tsaˬ yaw dawˇ jeˬ mˇ-eu uˬ taꞈ, aˬ cawˬ yaw haiˬ jeˬ mˇ-eu byehˇ ni caw ba nehˬ-euˬ meh.

Eˇpeˇsu 5:9

Aˬ jeˬ miˇ neh ehˇ naˇ, yaw muiˬ yawˬ jeˬ na luꞈ, yaw tsaˬ yaw dawˇ yawˬ jeˬ na luꞈ hawˇ-eu, maˇ jawˆ ni gʼeh-eu yawˬ jeˬ na luꞈ, yaw shehꞈ laꞈ kʼoeˇ neh doˆ le-euˬ tehꞈ meh.

Dawqdaq 16:6

Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.

Dawqdaq 20:28

Sahˬ paˬ ziˇ baw saˇ jaˇ, dzoeˬ dzaˬ nuiˇ mahˬ ziꞈ-eu nui ma yaw sui yaw dawˇ.

Dawqdaq 1:9

Dawˬ kʼoeˇ deuˬ nawˬ-euˬ uˬ duˬ-ahˇ geuꞈ luꞈ-eu aˇ yehˆ hawˇ-eu, nawˬ-euˬ kawˬ lahˇ-ahˇ dah luꞈ-eu lahˇ dah loꞈ-ehˇ, nawˬ-ahˇ bi haw jaˬ-eu meh.

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 25:10

Dawˬma saˇjaˇ-ahˇ caw teh-awˇ, yehˇdawˬnaˇ-eu deuˬ-euˬmehˬshi, yawꞈgaˬ-eu jeˬ, yawꞈ-euˬsaˇjaˇ, gaˇma kahˇli sheu taw nehˬmeh.

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Yeˬlaˬmiˇ 17:1

Sahˬpaˬ Miˬyehˇ ehˇ-eu, “Yuˇdaˆ tsawˇ haˬ deuˬ-oˇ, naw maꞈ-euˬ iˬ baˇ-ahˇ shmˇ sahˬ duˇ neh boꞈ taˬ-euˬ meh. Gʼahˇ dui dui-eu kʼaˬ lo sehˇ daˇ ceh neh naw maꞈ-euˬ nui ma-ahˇ kawˆ boꞈ taˬ-awˇ, naw maꞈ-euˬ lawˇ duˬ laꞈ coeˇ doe ni taꞈ boꞈ taˬ-euˬ meh.

Dawˬmehˬ 6:8

Kʼoeˇ deuˬ-ahˇ maˬ ya ngehˇ-eu gʼaˇ duˬ, naw maꞈ-euˬ laꞈ du-ahˇ paꞈ-awˇ, naw maꞈ-euˬ naˇ kʼawˇ-ahˇ geuꞈ-awˬ.

Hawˇseˬ 4:1

Sahˬpaˬ Miˬyehˇ ngehˬ-eu dawˬ-ahˇ, Iˇsaˬleˬlaˆ naˬ bawˇ gaˬ-awˬ. “Miˇ kʼahˬ heu-euˬ tsawˇ haˬ deuˬ-ahˇ, aˬ yawꞈ ja-eu gaˇ kawˆ jaˆ meh. Saˇ jaˇ ziꞈ-eu gaˇ kawˆ maˬ ehˇ, gʼawˬ shaˬ gaˬ-eu gaˇ kawˆ maˬ ehˇ, Miˬyehˇ-ahˇ siˬ nya-eu maˬ ehˇ, miˇ kʼahˬ heu kʼahˬ laꞈ kʼoeˇ maˬ jaˆ.

Maꞈtehˬ 23:23

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, deh ma yaˇ sawˇ, jaˬ gu lu myahˬ, yaˇ sawˇ, heu deuˬ-ahˇ keuˆ ni Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, Zahˇ dawˬ kʼoꞈ dawˬ laꞈ kʼoeˇ mehˬ taˬ-euˬ huiˬ dui dui-eu dawˬ deuˬ pyeuꞈ-eu, yaw tsaˬ yaw dawˇ jeˬ, gʼawˬ shaˬ gaˬ-eu jeˬ, yaw sui yaw dawˇ jeˬ, heu deuˬ-ahˇ naw maꞈ maˬ caw teh-a. Zahˇ dawˬ kʼoꞈ dawˬ kʼoeˇ deuˬ-ahˇ naw maꞈ naˇ haˬ geuꞈ-eu uˬ taꞈ, nui deuˬ-ahˇ kʼawꞈ maˬ ngehˇ ni caw teh paˬ-ehˇ gʼeh-eu meh.

2 Saˬmeuˬlaˆ 15:20

Nawˇ heu gaˇ cehˆ jawˇ le-euˬ maˬ myahˇ laˇ-euˬ miˇ neh, nawˬ-ahˇ ngaˇ doe doe-ehˇ sheuˬ-awˇ cah paˬ-ehˇ maˬ gʼeh-a. Kʼoeˇ uˬ taꞈ, ngaˇ aˬ geu paw ya iˇ-eu gaˇ kawˆ kʼawꞈ maˬ ehˇ duˬ nya-a siˬ. Kʼoeˇ miˇ neh, nawˬ-euˬ tsawˇ haˬ deuˬ-ahˇ sheuˬ-awˇ gʼoꞈ-iˇ-awˬ. Sahˬpaˬ Miˬyehˇ nawˬ-ahˇ saˇ jaˇ ziꞈ-awˇ, gʼawˬ shaˬ gaˬ nehˬ laꞈ luꞈ-uˇ.”

Jaceuq 85:10

Gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ tahˬ dzoeˇ tehꞈ-a. Yaw tsaˬ yaw dawˇ jeˬ hawˇ-eu nui saˇ oꞈ-eu jeˬ tiˬ gaˇ jaˆ le tehꞈ-a.

Dawqdaq 14:22

Yaw haiˬ jeˬ poˆ-eu tsawˇ haˬ yaw lehˬ toˆ gaˇ duˇ-awˇ, yaw muiˬ jeˬ mˇ-eu tsawˇ haˬ-ahˇ aˬ cawˬ gʼoeˇ tehꞈ-a.

Doˆ-iˇ 34:6

Kʼoeˇ naˇ, Moˇseˬ-euˬ mehˬ shi Sahˬpaˬ Miˬyehˇ iˇ tsehˆ gʼeh-awˇ ehˇ-eu. “Sahˬpaˬ Miˬyehˇ pyeuꞈ-eu ngaˇ-aˬ, gʼawˬ shaˬ gaˬ nya-awˇ, caw ba nya-eu ma. Yaw awˇ laꞈ-ehˇ nui ma maˬ pehˇ-eu uˬ taꞈ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu Miˬyehˇ pyeuꞈ-eu ma.