Dawqdaq 3:18 - Akha

¹⁸ Zaˬ siˬ tsawˇ gahˇ-ahˇ kʼaˇ tuˆ tehˬ taˬ-euˬ deuˬ, dehꞈ-eu saꞈ laˇ aˇ bawˇ-ahˇ tuˆ tehˬ taˬ gaˇ duˇ-awˇ, aˬ yawꞈ-ahˇ ziꞈ dah ni kʼaˇ tuˆ tehˬ taˬ-euˬ deuˬ-ahˇ, laˬ kʼaˬ cehˇ-eu jeˬ byah-eu tsawˇ haˬ lehˇ kuˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Zaqsiq tsawrganr-anr khar nyaeftaeq taq-euq tsawrhaq deuq-euq gharduq-aq, Daef-eu jeq bif-eu arbawr-anr dur-awr, Aqyawf-anr khar nyaefzif taq-euq deuq-aq, guiqlanq huiq-eu mae.

Dawqdaq 3:18 Referans Kwoze

Dawqdaq 11:30

Yaw tsaˬ yaw dawˇ jeˬ-euˬ aˇ siˬ-aˬ, dehꞈ-eu saˬ laˇ aˇ bawˇ pyeuꞈ-awˇ, aˬ dzawˬ aˇ gah gah-eu jeˬ-euˬ aˇ siˬ-aˬ, shiˇ-eu jeˬ pyeuꞈ-eu meh.

Dawqdaq 15:4

Dawˬ muiˬ maˬ shiˇ jaˆ gʼaˬ. Dawˬ doeˇ shaˆ shiˇ mehˬ dzaˬ.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.

Dawqdaq 13:12

Noeˬ tmˬ-eu jeˬ byoˆ le ngeh, nui ma-ahˇ zaw laˇ-awˇ, nui kʼahˇ byah laˇ ngeh, laˬ kʼaˬ cehˇ dehˆ-euˬ maˬ baw-a.

Aˇ dahˬ 3:22

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ ehˇ-eu, “Nymˬ-mˇ poˆ-aˬ, tsawˇ haˬ heu gʼaˬ aˬ dui-ahˇ duˇ laˇ gʼaˬ-awˇ, yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ kʼawꞈ ahˇ laˇ gʼaˬ-euˬ meh. Heu gaˇ paˇ bi jawˇ-awˇ dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ pyaˆ dzaˬ pyaˆ dzaˬ-ehˇ jawˇ naˇ, mˬ maˬ maˬ byaˆ zaˇ ziˇ maˬ shiˇ ni aˬ yawꞈ dehꞈ tehꞈ-a. Kʼoeˇ loꞈ-ehˇ maˬ geuꞈ nya-a.”

Aˇ dahˬ 2:9

Haw muiˬ dui dui-eu aˇ bawˇ kʼaˇ ngeuˇ-eu dawˬ tawˆ luꞈ kʼoeˇ gaˇ bi dehꞈ laˇ-awˇ, muiˬ dui kuiˇ dui dui-eu aˇ siˬ deuˬ Miˬyehˇ pyeuꞈ-eu Sahˬpaˬ Miˬyehˇ neh bi siˬ le-euˬ meh. Dehꞈ-eu saꞈ laˇ aˇ bawˇ pyeuꞈ-eu yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ tiˬ bawˇ kʼawꞈ, yaˇ kmˇ kʼoeˇ kmˇ-euˬ gʼahˇ ceh bawˇ-euˬ meh.

Panmaeq 22:2

Lawˇ baˬ kʼoeˇ gawˆ-aˬ, meuˬ-euˬ laꞈ kʼoeˇ dahˇ-eu gaˇ jawˬ gʼahˇ ceh nyiˬ paˆ-ehˇ yoeˇ ka leꞈ-eu meh. Lawˇ baˬ-euˬ kʼoeˇ dzeˇ heu dzeˇ dehꞈ-eu saꞈ laˇ aˇ bawˇ bawˇ-awˇ, ba la tiˬ siˬ tiˬ poˆ aˇ siˬ siˬ-awˇ, tiˬ kʼoꞈ tseˇ nyiꞈ lehˆ siˬ-eu meh. Aˇ bawˇ kʼoeˇ bawˇ-euˬ aˇ paꞈ-aˬ, miˇ kʼahˬ tsawˇ jeuˬ deuˬ-ahˇ naˇ gawˇ bi taˬ leˇ-eu jaˆ gʼaˬ pyeuꞈ-eu meh.

Dawqdaq 4:13

Mehˬ gʼaˬ tsoˆ gʼaˬ-euˬ jeˬ maˬ bi byoˆ-iˇ ni, ziꞈ dah bi tuˆ tehˬ taˬ-awˬ. Zaˬ siˬ tsawˇ gahˇ-ahˇ yaw muiˬ paˬ-ehˇ haw lahˇ taˬ-awˬ. Aˬ yawꞈ-aˬ, nawˬ-euˬ dehꞈ-eu saꞈ laˇ meh.

Dawqdaq 8:34

Ngaˬ-euˬ ehˇ dawˬ naˇ haˬ geuꞈ-eu tsawˇ haˬ laˬ kʼaˬ ya cehˇ tehꞈ-a. Yawˬ nah na luꞈ ngaˬ-euˬ nymˇ laˇ gʼoˆ-ahˇ jawˇ-awˇ, ngaˬ-euˬ nymˇ gʼoˆ kʼehˬ-ahˇ loꞈ-eu tsawˇ haˬ laˬ kʼaˬ ya cehˇ tehꞈ-a.

Dawˬ tsoˆ 7:12

Zaˬ siˬ tsawˇ gahˇ pyuˇ-ahˇ duˇ-awˇ, aˬ dui-ahˇ haw piˇ nya-eu meh. Zaˬ siˬ tsawˇ gahˇ-euˬ saꞈ laˇ-ahˇ, zaˬ siˬ tsawˇ gahˇ haw piˇ-eu meh.

Dawqdaq 8:32

Teu miˇ neh zaˬ guˬ deuˬ-oˇ, ngaˬ-euˬ dawˬ-ahˇ naˇ haˬ-awˬ. Ngaˬ neh ehˇ-euˬ loꞈ-ehˇ dehꞈ-awˇ nui saˇ oꞈ-awˬ.