Dawqdaq 29:2 - Akha

² Yaw tsaˬ yaw dawˇ tsawˇ haˬ dzoeˬ dzaˬ ngeh, miˇ kʼahˬ zaˬ nui saˇ oꞈ-awˇ, maˬ tsaˬ maˬ dawˇ-eu tsawˇ haˬ dzoeˬ dzaˬ ngeh, miˇ kʼahˬ zaˬ ya noeˬ shaˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Tsaq-awr dawr-eu tsawrhaq myaqlar ngae, Mirkhanqzaq laqkhaq caer-eu mae. Aerkhawf, tsawrcawv uvlanr ngae, mirkhanqzaq manr-eu mae.

Dawqdaq 29:2 Referans Kwoze

Dawqdaq 28:12

Tsawˇ muiˬ dzoeˬ dzaˬ oꞈ ngeh kʼaˇ jawˇ kʼaˇ deuˬ bawˬ iˬ gʼeh kʼawꞈ, tsawˇ doeˇ sahˬ paˬ geuꞈ ngeh dawˬ tawˆ luꞈ yahˇ pawˇ byoˆ jiˇ-eu meh.

Dawqdaq 11:10

Yaw tsaˬ yaw dawˇ tsawˇ haˬ guiˬ lahˬ za ngeh, meuˬ meuˬ lah-ehˇ laˬ kʼaˬ cehˇ-awˇ, haiˬ-eu tsawˇ haˬ deuˬ shiˇ ngeh, laˬ kʼaˬ cehˇ-awˇ guˇ-eu meh.

Dawqdaq 28:28

Tsawˇ doeˇ dzoeˬ dzaˬ oꞈ ngeh, miˇ kʼahˬ zaˬ yahˇ paw byoˆ jiˇ tehꞈ-a. Ehˇ kʼawꞈ tsawˇ doeˇ dzoeˬ dzaˬ byoˆ ngeh, yaw tsaˬ yaw dawˇ tsawˇ haˬ dzoeˬ dzaˬ paˇ oꞈ tehꞈ-a.

Iˇsaˬtaˆ 8:15

Mawˬdaˬkehˇ-aˬ, paˇ puiˇ hawˇ-eu paˇ pyuˇ keuˬ taˬ-euˬ sahˬ paˬ sahˬ ma deuˬ dm-eu pehˇ kʼahˬ dm-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ neˇ tseuˆ ni gʼeh-eu pehˇ kʼahˬ pehˇ mahˇ dm daˆ-awˇ, muiˬ dui jaˬ dui dui-eu shuiˇ uˬ kʼoˆ kʼoˆ-awˇ, sahˬ paˬ-euˬ nymˇ-ahˇ neh doˆ-iˇ ngeh, Suˇsaˬ meuˬ-euˬ gaˇ ma doe ni laˬ kʼaˬ cehˇ-awˇ guˇ-eu lawꞈ lawꞈ-ehˇ jaˆ-eu meh.

Dawˬ tsoˆ 10:5

Nahˇ ma heu siˬ uˬ moˆ sahˬ paˬ sahˬ ma deuˬ mˇ luꞈ-eu yaw lehˬ tiˬ jeˬ ngaˇ heu loꞈ-ehˇ ya mawˇ-euˬ ma.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Maꞈtehˬ 2:3

Gaˇ kawˆ kʼoeˇ sahˬ paˬ Heˬloˆ ya gaˬ ngeh, nui ma tiˬ pawꞈ-iˬ maˬ saˇ-a. Kʼoeˇ loꞈ-ehˇ duˇ ni, Yeˬluˇsaˬlehˬ meuˬ meuˬ lah-ehˇ nui ma maˬ saˇ-a.

Yawˇbaˆ 34:30

Miˬyehˇ maˬ baw-eu tsawˇ haˬ deuˬ neh bi uˆ lahˇ-awˇ maˬ bi kʼehˬ ni, miˇ kʼahˬ tsawˇ jeuˬ deuˬ tiˬ jeˬ-iˬ maˬ jahˇ nya-a.

Dawqdaq 28:15

Maˬ tsaˬ maˬ dawˇ-eu sahˬ paˬ-aˬ, shaˬ zaˬ zahˬ zaˬ mehˬ shi joeˬ joeˬ-ehˇ cah-eu aˇ laˬ jaˬ shiˇ hawˇ-eu, lmˬ lmˬ-ehˇ oe-eu kʼaˬ hmˇ-ahˇ duˇ-eu meh.

Dawˬ tsoˆ 10:6

Aˬ dzawˬ aˇ gah deuˬ-ahˇ yaw huiˬ yaw mahˇ bi geuꞈ-awˇ, smˇ muiˬ smˇ baw deuˬ-ahˇ taˬ nyiˇ nehˬ-eu meh.

Dawˬ tsoˆ 4:1

Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.