Dawqdaq 28:20 - Akha

²⁰ Yaw sui yaw dawˇ tsawˇ haˬ ya dzaˬ ya dawˇ dehˆ-awˇ, nui saˇ oꞈ gaˇ ya dehꞈ keuˆ tehꞈ-a. Ehˇ kʼawꞈ, tiˬ kʼehˇ kʼehˬ tehꞈ-ehˇ smˇ muiˬ muiˬ laˇ-eu jeˬ-ahˇ poˆ-eu tsawˇ haˬ shaˬ zahˬ maˬ dehꞈ dzeuˇ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Sarjax zif-eu tsawrhaq-aq, Guiqlanq tiqbyan tiqlof za taef-a. Aerkhawf, yawkawr-aer smrmuiq muiqlar mawf-eu tsawrhaq-aq, Maqbi dar-aer maqdzeur-ir nya-ar.

Dawqdaq 28:20 Referans Kwoze

Dawqdaq 13:11

Yehˬ bawˬ-ehˇ laˆ za-euˬ pyuˇ shuiˇ yaw kawˇ-ehˇ byoˆ le-awˇ, aw lawˆ-ehˇ mˇ jaˆ-euˬ jeˬ lahˬ laˇ-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Dawqdaq 28:22

Nui kʼahˇ huiˬ-eu tsawˇ haˬ smˇ muiˬ muiˬ laˇ ni leh jeh dui dui-awˇ, yawˬ ha shaˬ le zahˬ le-eu gaˇ kawˆ-ahˇ maˬ noeˬ mawˇ nya-a.

Dawqdaq 20:21

Yaw awˬ yaw yaˇ-ehˇ za-euˬ jeˬ biˇ, tsawˇ haˬ-ahˇ guiˬ lahˬ maˬ biꞈ-a.

Dawqdaq 10:6

Yaw tsaˬ yaw dawˇ tsawˇ haˬ-euˬ uˬ duˬ-ahˇ guiˬ lahˬ keuˆ-awˇ, maˬ tsaˬ ma dawˇ-eu tsawˇ haˬ-euˬ kʼaˬ meh-ahˇ, yaw haiˬ jeˬ myuˇ luꞈ-eu meh.

Jaceuq 101:6

Miˬyehˇ-ahˇ saˇ jaˇ ziꞈ-eu tsawˇ haˬ deuˬ-ahˇ ngaˇ nui kʼahˇ shiˇ-awˇ, ngaˬ-euˬ nymˇ nymˇ ma laꞈ kʼoeˇ bi jawˇ ma. Sui dui dawˇ dui dui-eu tsawˇ haˬ deuˬ-ahˇ ngaˬ-euˬ gaˇ bi mˇ ma.

Neˬhaˬmiˇ 7:2

Yeˬluˇsaˬlehˬ meuˬ-ahˇ bi uˆ lahˇ-eu gʼaˇ duˬ tsawˇ haˬ nyiˬ gʼaˬ-ahˇ ngaˇ tseˇ doˆ-euˬ ma. Aˬ yawꞈ nyaꞈ-euˬ, ngaˬ-euˬ aˬ nyiˇ Haˬnaˬniˇ hawˇ-eu Yehˇ-euˬ taˆ-ahˇ aˬ yuiꞈ geuꞈ-eu gʼaˬ pyeuꞈ-eu Haˬnaˬniˇyaˆ meh. Haˬnaˬniˇyaˆ-aˬ, Miˬyehˇ-ahˇ guˆ-eu nui ma ahˇ-awˇ, aˬ cawˬ naˆ maˬ tseˇ gʼoe coeˇ-eu tsawˇ haˬ tiˬ gʼaˬ pyeuꞈ-eu meh.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.

Luˇkaꞈ 16:1

Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh.“Tiˬ poˆ-aˬ, smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-euˬ myawˬ bi jeˬ-hmˬ-euˬ tiˬ gʼaˬ jawˇ-awˇ, myawˬ jeˬ hmˬ-eu tsawˇ haˬ kʼoeˇ gʼaˬ aˬ yawꞈ-euˬ myawˬ gahˬ zmˬ dzeh luꞈ-eu gaˇ kawˆ, aˬ cawˬ aˬ yawꞈ-ahˇ tsaꞈ gaˬ laˇ-euˬ meh.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 20:6

Mehˬ boeˬ saˇ jaˇ ziꞈ-eu tiˬ tahˇ tiˬ yaˇ, nui ma saˇ jaˇ ziꞈ-eu tiˬ gʼaˬ maˬ keuˬ.

Dawqdaq 17:5

Iˇ shaˬ zaˬ-ahˇ dawˬ doeˇ ngehˬ-eu jeˬ, beh-euˬ yaw sahˇ-ahˇ coeˬ leˇ-awˇ, tsawˬ toeˬ iˇ gaˇ kʼaˬ lo lahˬ nehˬ-eu deuˬ, kʼehˬ-eu kʼaˆ-eu jeˬ-ahˇ maˬ dzeuˇ-iˇ-a.

1 Saˬmeuˬlaˆ 22:14

Aˬhiˇmaˬlehˇ ehˇ-eu, “Daˬbiˇ-aˬ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ kʼoeˇ taˆ, nawˬ-ahˇ saˇ jaˇ ziꞈ dui dui-eu tiˬ gʼaˬ meh. Aˬ yawꞈ-aˬ, nawˬ-euˬ aˬ zaˬ pyeuꞈ-awˇ, nawˬ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu uˬ taꞈ, sahˬ paˬ-euˬ nymˇ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ-ahˇ yaw zeu baw dui dui-eu meh.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 25:21

Baw leˬ ehˇ-eu, ‘Saˇ jaˇ ziꞈ-eu muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Dawqdaq 19:2

Tsawˇ gahˇ maˬ ahˇ naˇ, nui ma keuˆ kʼawꞈ lawˇ baˬ kaˬ-awˇ, kuiˇ toꞈ ciˬ kawˇ naˇ gaˇ bahˬ bahˬ iˇ nya-eu meh.