Dawqdaq 25:8 - Akha

⁸ Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yarkhaq darduq-anr yarkhaq ja-ir-eu taqtaeq. Maqngeur nar-aq, arsaq saqlar ngae, Nawq-euq dawqpae jawr-eu tsawrhaq, Nawr daqgalar paq-aer janrnaeqlaf nar-aq, aqjox-aer ghae nmr-mq?

Dawqdaq 25:8 Referans Kwoze

Maꞈtehˬ 5:25

Nawˬ-ahˇ yaˇ kʼaˬ ja-eu tsawˇ haˬ nehˬ-ehˇ yaˇ kʼaˬ daˇ-eu nymˇ-ahˇ le luꞈ ngeh, naw nyaꞈ yaw kaˬ yaw kawˇ-ehˇ laˆ tsaꞈ geuꞈ-awˬ. Yaw kawˇ-ehˇ maˬ laˆ tsaˬ geuꞈ naˇ, tsawˇ haˬ kʼoeˇ gʼaˬ nawˬ-ahˇ yaˇ kʼaˬ daˇ-eu gʼaˬ-euˬ laꞈ-ahˇ aˬ nehˬ tehꞈ-a. Yaˇ kʼaˬ daˇ-eu gʼaˬ kʼawꞈ, nawˬ-ahˇ paˬ kuˆ-ahˇ haw-eu gʼaˬ-euˬ aˬ laꞈ laꞈ kʼoeˇ a nehˬ-awˇ, paꞈ kuˆ-ahˇ bi dawˆ tehꞈ-a.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 30:33

Mawˇ neˇ aˬ coeˇ-ahˇ kawˆ naˇ, tawˇ baˆ doˆ le-eu meh. Aˬ cawˬ-euˬ naˇ mehˇ-ahˇ kʼoˆ naˇ, naˇ mehˇ shiˬ yoeˇ le-eu meh. Aˬ cawˬ-ahˇ nui ma laˆ pehˇ naˇ, yawˬ ha shaˬ laˇ-eu meh.

Dawqdaq 18:6

Aˬ dzawˬ-euˬ mehˬ luˬ iˬ dehˬ iˬ ceh mehˬ kʼehˬ pyeuꞈ-awˇ, aˇ gah-euˬ kʼaˬ meh daˇ cuiˇ shaˇ diˬ-eu meh.

Dawqdaq 14:12

Dehꞈ-eu gaˇ ma duˇ-euˬ gaˇ muiˬ, shiˇ-eu gaˇ ma ngeuˇ law ma jeˇ.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

2 Saˬmeuˬlaˆ 2:26

Yoˇbaˬ-ahˇ Aˬbaˬnaˬ guˇ-awˇ ehˇ nehˬ-eu, “Aˬ dui maꞈ aˬ myah luꞈ heu loꞈ-ehˇ tehꞈ-ehˇ deuˆ ceh ceh ma loˇ. Aˇ saˬ saˬ laˇ ngeh, nui ma naˇ-eu jeˬ maˬ ngeuˇ naˇ, nui jeˬ tiˬ jeˬ-iˬ maˬ dzeˇ-ehˇ pyeuˬ-iˇ tehꞈ-a lehˇ, nawˬ-ahˇ maˬ noeˬ mawˇ laˇ nya loˇ. Nga maꞈ kʼawꞈ naw maꞈ-ahˇ aˬ yuiꞈ aˬ nyiˇ taꞈ-eu miˇ kʼahˬ zaˬ deuˬ tehꞈ ma. Nawˬ-euˬ tsawˇ haˬ deuˬ-ahˇ nga maꞈ-euˬ mehˬ nah taˬ paˇ teh lehˇ aˬ myah ehˇ nehˬ-eu gʼeh te.”

1 Sahˬpaˬ 3:25

“Aˬ li zaˬ nahˬ heu gʼaˬ-ahˇ nyiˬ kʼoeˆ deuˆ kʼoeˆ-awˇ, tiˬ gʼaˬ-ahˇ tiˬ kʼoeˆ biˇ nehˬ-awˬ” lehˇ aˬ yawꞈ ehˇ-eu meh.

Dawˬ tsoˆ 7:9

Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.