Dawqdaq 25:20 - Akha

²⁰ Nui ma cawˆ luꞈ-eu tsawˇ haˬ mehˬ shi dawˬ caˇ caˇ mehˬ-eu jeˬ-aˬ, tsahˬ gaˆ yamˬ-ahˇ pehˇ kʼahˬ lehˆ neˇ nehˬ-awˇ, maˇ kʼehˬ maˇ naˇ-ahˇ saˬ deuꞈ sawˆ nehˬ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Nuima cawvluf-eu tsawrhaq-anr dawqcar carnaeq-eu-aq, Tsanqgav yamq-anr maeqtsoeq gheudzae naeq-awr, Marnar-anr, dzaruircaer shaevdav naeq-eu gar dur-eu mae.

Dawqdaq 25:20 Referans Kwoze

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Yaˬkoˆ 5:15

Jah-eu laꞈ kʼoeˇ guiˬ lahˬ shaˇ-eu jeˬ-aˬ, naˇ-eu tsawˇ haˬ-ahˇ bi taˬ leˇ-eu meh. Sahˬpaˬ Miˬyehˇ aˬ yawꞈ-ahˇ jawˇ saˇ bi doˆ laˇ-awˇ, aˬ yawꞈ iˬ baˇ mˇ taˬ-euˬ jaˆ naˇ, iˬ baˇ pyehˬ nehˬ tehꞈ-a.

Daˬyeˬlaˇ 6:18

Kʼoeˇ naˇ, sahˬ paˬ-euˬ hawˇ nymˇ-ahˇ sahˬ paˬ gʼoꞈ leˇ-awˇ, tiˬ jeˬ-iˬ maˬ dzaˬ maˬ dawˇ-eu uˬ taꞈ, aˬ yawꞈ byawˬ gʼa-eu jeˬ tiˬ jeˬ-iˬ maˬ bi jahˇ ni, uˬ ciꞈ maˬ yuꞈ kʼaˆ leˇ-ehˇ shaˬ bya-euˬ meh.

Dawqdaq 10:26

Nymˇ gawˬ-ahˇ gʼoe dzaˬ naˇ, nawˬ-ahˇ seuˬ kmˬ kmˬ-awˇ, myaˆ nuiˆ-ahˇ uˬ kʼoeˬ kʼoeˬ-eu loꞈ-ehˇ, nawˇ maˬ jawˇ tehˬ coeˇ-a.

Dawqdaq 25:19

Shaˬ-eu zahˬ-eu jeˬ puˬ le mawˇ le ngeh, saˇ jaˇ maˬ jawˇ-eu tsawˇ haˬ-ahˇ gʼoe-eu jeˬ-aˬ, seuˬ ga dzaˇ myuˇ myuˇ-awˇ, kuiˇ kuˆ gaˇ ma cah-eu loꞈ-ehˇ doeˇ-eu meh.

Dawqdaq 25:21

Nawˬ-ahˇ muiˇ-eu tsawˇ haˬ hawˬ mehꞈ naˇ, hawˬ bi dzaˬ-awˬ.