Dawqdaq 24:25 - Akha

²⁵ Ehˇ kʼawꞈ, mˇ bahˬ-euˬ tsawˇ haˬ-ahˇ oꞈ-eu geuˇ-eu loꞈ-ehˇ kʼehˬ nehˬ-eu yaˇ kʼaˬ daˇ-eu gʼaˬ guiˬ lahˬ huiˬ-awˇ, aˬ cawˬ yaw zeu baw tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aerkhawf, tsawrcawv-anr ngeur-eu lof-aer maeqpar naeq-eu tsawrhaq deuq-anr, Nuikhanr shir-awr, aqyawf maf-euq khoertav muiq-eu guiqlanq keuvle taef-a.

Dawqdaq 24:25 Referans Kwoze

1 Tiˆmoˇseˬ 5:20

Tsawˇ haˬ dawˬ tawˆ luꞈ noeˬ guˆ-awˇ yahˇ nya laˇ ni, iˬ baˇ mˇ-euˬ tsawˇ haˬ-ahˇ dawˬ tawˆ luꞈ-euˬ mehˬ shi dehˬ-awˬ.

Dawqdaq 28:23

Ja poeˬ nya-eu gʼaˬ-ahˇ naˆ maˬ tseˇ, mehˬ paˇ tsoˆ paˇ nehˬ-eu gʼaˬ-ahˇ aˬ cawˬ guiˬ lahˬ huiˬ-eu meh.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.

Tiˇtuˆ 1:13

Kʼoeˇ loꞈ-ehˇ ehˇ taˬ-euˬ kʼoeˇ tsaˬ-eu meh. Kʼoeˇ miˇ neh, aˬ yawꞈ maꞈ jah-eu ziꞈ laˇ nya ni yaw kʼaˆ kʼaˆ-ehˇ dehˬ-awˇ mehˬ nehˬ-awˬ.

Maꞈtehˬ 14:4

“Nawˇ Heˬloˇdiˇ-ahˇ maˬ sheuˬ kʼmˬ-a” lehˇ, Iˇ cuꞈ shawˇ-eu Yoˇhaˬ neh Heˬloˆ-ahˇ ehˇ nehˬ-euˬ miˇ neh, kʼoeˇ loꞈ-ehˇ jahˇ-euˬ meh.

Neˬhaˬmiˇ 13:28

Yawˇyaˬdaˇ-aˬ, Piˇ ma yaw huiˬ gʼaˬ pyeuꞈ-eu Eˇlaˬshiˆ-euˬ aˬ li meh. Ehˇ kʼawꞈ, Yawˇyaˬdaˇ-euˬ aˬ li tiˬ li-aˬ, Behˬhawˇleuˬ meuˬ-ahˇ jawˇ-eu Sahˬbaˬlaˆ-euˬ aˬ buˇ-ahˇ sheuˬ-euˬ meh. Kʼoeˇ miˇ neh, Yawˇyaˬdaˇ-ahˇ Yeˬluˇsaˬlehˬ meuˬ-ahˇ neh ngaˇ teh doˆ-euˬ ma.

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Neˬhaˬmiˇ 13:17

Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˇ dehˬ-awˇ heu loꞈ-ehˇ ehˇ nehˬ-euˬ ma. “Naw maꞈ neh mˇ-euˬ maˬ muiˬ maˬ jaˬ-eu jeˬ-ahˇ haw sheˇ. Jawˇ nah-ahˇ maˬ muiˬ maˬ shawˇ ni naw maꞈ mˇ luꞈ-eu meh.

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

Dawqdaq 24:26

Dawˇ coe ni ngehˬ-eu tmˇ-eu jeˬ-aˬ, cawˬ yaw muiˬ pyeuꞈ-eu saˇ kiˇ meh.