Dawqdaq 23:32 - Akha

³² Yawˬ shawˬ yawˬ noeˬ laˇ ngeh, doꞈ kʼaˆ-eu aˇ lawˇ neh toˆ-euˬ loꞈ-ehˇ jiˇ baˬ kʼoeˇ nawˬ-ahˇ kʼehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Arsaq saqlar ngae-aq, arlawr lof-aer tovlar-awr, Dof khav-eu arlawr-euq dof lof-aer dur-eu mae.

Dawqdaq 23:32 Referans Kwoze

Lormav 6:21

Nymˬ-mˇ naw maꞈ nui daˆ daˆ luꞈ-eu gaˇ kʼoeˇ deuˬ-ahˇ naw maꞈ mˇ-euˬ miˇ neh aˬ jeˬ za ta. Shiˇ-eu jeˬ-ahˇ za-eu tehꞈ meh.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Yeˬlaˬmiˇ 8:17

Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Doꞈ kʼaˆ-eu aˇ lawˇ-ahˇ, naw maꞈ jawˇ gaˇ ngaˇ pyehˬ leꞈ ma. Aˇ lawˇ-ahˇ toˇ naˬ nya-eu deuˬ toˇ gaˇ maˬ naˇ haˬ-ehˇ, aˇ lawˇ kʼoeˇ deuˬ naw maꞈ-ahˇ toˆ tehꞈ-a.”

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Iˇsaˬyaˇ 59:5

Doꞈ kʼaˆ-eu aˇ lawˇ uˆ naw maꞈ uˆ-awˇ, aˬ oˬ loˬ ma aˇ kahˇ kahˇ tsoeˬ-euˬ meh. Naw maꞈ-euˬ ya uˆ dzaˬ-eu deuˬ shiˇ-awˇ, ya uˆ paˆ-iˇ ngeh doꞈ kʼaˆ-eu aˇ lawˇ doˆ le-eu meh.

Iˇsaˬyaˇ 28:3

Jiˇ baˬ yehꞈ-eu aˬ yuiꞈ aˬ tsu deuˬ-euˬ yaw shehꞈ kʼahˬ sehˇ, aˬ kuiˇ pehˬ zaˬ neh bi nawˬ tehˬ tehꞈ-a.

Dawˬ tsoˆ 10:8

Duˬ kʼahˬ kʼahˬ-eu tsawˇ haˬ duˬ kʼahˬ-ahˇ ya ga ahˇ-awˇ, kaˇ pyawˇ tahˬ paˆ doˆ-eu tsawˇ haˬ aˇ lawˇ bi toˆ tehꞈ-a.

Dawqdaq 5:11

Nawˇ shiˇ-eu keuˆ le ngeh mahˇ mahˇ-ehˇ ya ga-awˇ, nawˬ-euˬ shaˬ jiˇ hawˇ-eu shaˬ yoeˬ bi dzaˬ byoˆ jiˇ tehꞈ-a.

Yawˇbaˆ 20:16

Haiˬ-eu tsawˇ haˬ deuˬ neh kʼaˇ myoꞈ ahˇ-euˬ jeˬ doꞈ-ahˇ duˇ-awˇ, doꞈ kʼaˆ dui dui-eu aˇ lawˇ neh bi toˆ-euˬ loꞈ-ehˇ aˬ yawꞈ-ahˇ laˆ sehꞈ-eu meh.

Doˆ-iˇ 7:12

Aˬ yawꞈ maꞈ yawˬ gʼaˬ na luꞈ, yawˬ ha-euˬ gawˬ yoeˬ pyehˬ dzeh ngeh, gawˬ yoeˬ kʼoeˇ deuˬ aˇ lawˇ pyeuꞈ jiˇ-euˬ meh. Ehˇ kʼawꞈ, aˬ yawꞈ maꞈ-euˬ gawˬ yoeˬ kʼoeˇ deuˬ-ahˇ, Aˬloˬ-euˬ gawˬ yoeˬ neh myoꞈ ahˇ jiˇ nehˬ-euˬ meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Jaceuq 91:13

Aˇ laˬ jaˬ shiˇ hawˇ-eu aˇ lawˇ-ahˇ nawˇ tsawˬ nawˬ nawˬ tehꞈ-a. Guˆ laˇ paˬ-ehˇ gʼeh-eu aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ-ahˇ, nawˇ kʼoeˇ loꞈ-ehˇ tsawˬ nawˬ nawˬ tehꞈ-a.

Dawqdaq 20:1

Jiˇ baˬ dawˬ oeˬ lahˬ. Dzaˬ yehꞈ dawˇ yehꞈ dawˬ ja dmˬ gahˬ. Jiˇ baˬ gʼaˬ zaˬ tsawˇ haˬ dawˇ ga.

Iˇsaˬyaˇ 11:8

Zaˬ nahˬ aˇ lawˇ byoe dawˬ peh aˬ mui mui nya-awˇ, doꞈ kʼaˆ-eu aˇ lawˇ uˇ-eu byoe-ahˇ, zaˬ yaw nyiˇ deuˬ beuˬ niˇ gʼa nya tehꞈ-a.