Dawqdaq 22:29 - Akha

²⁹ Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Nawr, yawqha-euq gar yawmuiq-aer mrmuiq nya-eu tsawrhaq tiq ghaq-anr mawrluf ma laq? Aqyawf, tsawrmyanr maqdov-eu tsawrhaq-euq maeqshi maqngeur-eu, Sanqpaq-euq maeqshi yayawf taef-a.

Dawqdaq 22:29 Referans Kwoze

1 Sahˬpaˬ 11:28

Yeˬyawˇbamˬ-aˬ, gaˇ mˇ nya dui dui-eu zaˬ guˬ tiˬ gʼaˬ pyeuꞈ-awˇ, aˬ yawꞈ gaˇ mˇ-eu leh jeh dui dui luꞈ gaˇ Sawˇlaˬmoˬ ya mawˇ ngeh, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ-euˬ miˇ kʼahˬ laꞈ kʼoeˇ, myawˬ kʼaˆ mˇ-eu gaˇ dawˬ tawˆ luꞈ kʼoeˇ taˆ, aˬ yuiꞈ geuꞈ-awˇ haw-eu pyaˆ-eu gʼaˬ bi geuꞈ-euˬ meh.

Maꞈtehˬ 25:21

Baw leˬ ehˇ-eu, ‘Saˇ jaˇ ziꞈ-eu muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Dawqdaq 12:24

Mˇ coeˇ shaˇ coeˇ-eu deuˬ dzoeˬ dzaˬ oꞈ-awˇ, nymˇ gawˬ deuˬ zaˬ kʼaˆ ya geuꞈ-eu meh.

Dawqdaq 10:4

Yaw doeˇ doeˇ-eu nymˇ gawˬ aˬ laꞈ, iˇ shaˬ shaˬ-eu jeˬ beuˬ doˆ-awˇ, maˬ naˬ leˇ ni mˇ-eu aˬ laꞈ smˇ muiˬ gaˇ ma beuˬ dahˇ-eu meh.

Maꞈtehˬ 25:23

Baw leˬ ehˇ-eu, ‘Saˇ jaˇ ziꞈ-eu, muiˬ-eu zaˬ kʼaˆ-oˇ. Nawˇ gaˇ mˇ-euˬ muiˬ dui dui ngaˇ. Nawˇ gaˇ yaw nyiˇ mˇ-euˬ saˇ jaˇ ziꞈ-eu miˇ neh, nawˬ-ahˇ ngaˇ gaˇ yaw huiˬ bi mˇ ma. Nawˬ-euˬ baw leˬ nehˬ-ehˇ tiˬ kawˆ loꞈ-ehˇ laˬ kʼaˬ cehˇ laˇ-awˬ.’

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Aˇ dahˬ 41:46

Yoˇsehˆ sahˬ paˬ-euˬ gaˇ mˇ dahˬ beh ngeh, aˇ kʼoꞈ smˬ tseˇ kʼawˆ laˇ-euˬ meh. Sahˬ paˬ-euˬ nymˇ-ahˇ neh aˬ yawꞈ doˆ-iˇ-awˇ, miˇ kʼahˬ doe doe-ehˇ cah haw-iˇ-euˬ meh.

Lormav 12:11

Yaw doeˇ maˬ doeˇ ni mˇ dui dui-awˬ. Nui ma keuˆ dui dui-eu laꞈ kʼoeˇ Miˬyehˇ gaˇ mˇ-awˬ.

1 Sahˬpaˬ 10:8

Nawˬ-euˬ miˬ zaˬ deuˬ aˇ naˆ ni guiˬ lahˬ huiˬ-eu nga. Aˬ myah luꞈ nawˬ-euˬ dawˬ peh ya jawˇ-awˇ, zaˬ siˬ tsawˇ gahˇ ahˇ-eu nawˬ-euˬ dawˬ deuˬ-ahˇ ya gaˬ-eu nawˬ-euˬ zaˬ kʼaˆ deuˬ aˇ naˆ ni guiˬ lahˬ huiˬ-eu nga.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.

Aˇ dahˬ 47:6

Iˇjiˇtuˆ miˇ kʼahˬ heu nawˬ-euˬ mehˬ shi jaˆ luꞈ meh. Miˇ kʼahˬ heu kʼahˬ laꞈ kʼoeˇ muiˬ dui dui-eu jawˇ duˬ pyeuꞈ-eu Goˬsheˬ miˇ tsaˬ kʼoeˇ tsahˇ-ahˇ, aˬ yawꞈ maꞈ-ahˇ bi jawˇ-awˬ. Aˬ yawꞈ maꞈ laꞈ kʼoeˇ, jeˬ zaˬ-ahˇ yaw muiˬ paˬ-ehˇ bo saˆ nya-eu tsawˇ haˬ jawˇ naˇ, ngaˬ-euˬ jeˬ zaˬ deuˬ-ahˇ bo saˆ-eu gaˇ bi mˇ-awˬ.”

1 Saˬmeuˬlaˆ 16:21

Sawˇluˆ jawˇ gaˇ Daˬbiˇ laˇ-awˇ, aˬ yawꞈ-euˬ gaˇ mˇ nehˬ-euˬ meh. Daˬbiˇ-ahˇ Sawˇluˆ nui kʼahˇ shiˇ dui dui-awˇ, aˬ yawꞈ-euˬ guiˇ deuˆ-eu keu ka baꞈ-eu gʼaˬ bi geuꞈ-euˬ meh.

Dawqdaq 23:1

Yaw huiˬ yaw mahˇ nehˬ-ehˇ hawˬ jawˬ jawˬ taꞈ ngeh, tsawˇ haˬ kʼoeˇ gʼaˬ aˬ suˇ gʼaˬ pyeuꞈ-eu gaˇ kawˆ maˬ ya ngehˇ ni noeˬ gahˇ-awˬ.

Aˇ dahˬ 41:38

“Miˬyehˇ-euˬ Yaw sahˇ jawˇ-eu Yoˇsehˆ loꞈ-ehˇ gʼeh-eu tsawˇ haˬ-ahˇ aˬ dui maˬ paˇ poˆ mawˇ nya-aˇ” lehˇ, sahˬ paˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

1 Saˬmeuˬlaˆ 17:31

Daˬbiˇ kʼoeˇ loꞈ-ehˇ ehˇ luꞈ gaˇ tsawˇ haˬ tiˬ paˆ na deuˬ ya gaˬ-awˇ Sawˇluˆ-ahˇ ehˇ nehˬ leˇ ngeh, Sawˇluˆ neh Daˬbiˇ-ahˇ bi kuˇ laˬ-iˇ-euˬ meh.

2 Saˬmeuˬlaˆ 2:32

Yoˇbaˬ hawˇ-eu aˬ yawꞈ-euˬ tsawˇ haˬ deuˬ Aˬsaˬheˬlaˇ-euˬ gʼawˇ mawˇ baꞈ-awˇ, Behˬlehˬhehˬ meuˬ-ahˇ jaˆ-eu aˬ yawꞈ pehˬ aˇ jeuˬ-euˬ lmˬ bymˇ-ahˇ baꞈ pahˬ yaꞈ-euˬ meh. Aˬ yawꞈ maꞈ uˬ ciꞈ miˇ lah-ehˇ gʼoꞈ leˇ-awˇ, uˬ bya bya laˇ ngeh Heˬbyoˬ meuˬ-ahˇ gʼoꞈ keuˆ leˇ-euˬ meh.

1 Laˬsaˬbaˬ 4:23

Aˬ yawꞈ maꞈ-aˬ, sahˬ paˬ-euˬ oeˬ lahˬ tehˆ-eu gaˇ mˇ-eu tsawˇ haˬ deuˬ pyeuꞈ-awˇ, Neˬteˬ meuˬ hawˇ-eu Geˬdeˬlahˇ meuˬ-ahˇ jawˇ-eu meh.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Daˬyeˬlaˇ 1:19

Aˬ yawꞈ maꞈ dawˬ tawˆ luꞈ-ahˇ sahˬ paˬ dawˬ ngehˬ cawˬ haw ngeh, Daˬyeˬlaˇ, Haˬnaˬniˇyaˆ, Miˇsheˬlaˇ, Aˬzaˬliˇ aˬ ha oeˬ gʼaˬ, aˬ cawˬ naˆ maˬ tseˇ nya dzehˬ gaˇ ya mawˇ-euˬ meh. Kʼoeˇ ngeh jawˇ aˬ yawꞈ maꞈ sahˬ paˬ-euˬ hawˇ nymˇ laꞈ kʼoeˇ gaˇ mˇ-eu tsawˇ haˬ pyeuꞈ laˇ-euˬ meh.