Dawqdaq 19:23 - Akha

²³ Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ya’we Miqyaer-anr guv-eu jeq-aq, Daef-eu jeq-anr sheuqghae lef-awr, Yawdoer jeq maqya mawr-aer, Nuima tmqjawvni yadaef taef-a.

Dawqdaq 19:23 Referans Kwoze

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Dawqdaq 12:21

Tsawˇ muiˬ yaw doeˇ maˬ oꞈ. Tsawˇ doeˇ yaw lehˬ maˬ dzeuˇ.

Jaceuq 90:14

Nga maꞈ-euˬ tiˬ ziˇ laˬ kʼaˬ cehˇ-awˇ caˇ dawˬ caˇ nya ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ yawˬ shawˬ na luꞈ nga maꞈ laꞈ kʼoeˇ bi byah laˇ-awˬ.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

Dawqdaq 10:27

Sahˬpaˬ Miˬyehˇ-ahˇ guˆ-eu tsawˇ haˬ ziˇ baw-awˇ, haiˬ-eu tsawˇ haˬ deuˬ ziˇ maˬ ya dehꞈ jiˇ-a.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Jaceuq 91:16

Ziˇ baw za-eu guiˬ lahˬ biꞈ-awˇ, ngaˬ-euˬ ka kʼoꞈ-eu guiˬ lahˬ yaw dzahˇ biꞈma.

Jaceuq 25:13

Yawꞈmaꞈbaw dui za dui dui-awˇ, zaˬdeuˬ miˇkʼahˬjeˬbiˇoꞈmeh.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Jaceuq 19:9

SahˬpaˬMiˬyehˇ-ahˇzeu-eu jeˬ, muiˬ-eu jaˬ-eu tiˬjeˬ pyeuꞈ-awˇ, mˬmaˬmaˬbyaˆzaˇziˇgmˬmeh. SahˬpaˬMiˬyehˇyaˇkʼaˬ daˇ-eu, tsaˬdui dawˇdui muiˬdui dui-awˇ, tiˬpawꞈ-iˬ ehˇkʼaˇmaˬza-a.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Jaceuq 91:10

luˬ-iˇ seˇ-iˇ-eu jeˬ-ahˇ nawˇ ya dzeuˇ-iˇ-awˇ, guˆ-eu gaˆ-eu jeˬ nawˬ-euˬ nymˇ dawˬ peh maˬ oe keuˆ-a.

Dawqdaq 11:19

Yaw tsaˬ yaw dawˇ jeˬ-ahˇ tsuˆ tehˬ taˬ-euˬ deuˬ ya dehꞈ-awˇ, yaw haiˬ jeˬ mehˬ nah caw teh-eu deuˬ ya shiˇ tehꞈ-a.

Dawqdaq 19:22

Tsawˇ haˬ zaˬ saˇ jaˇ ziꞈ gaˇ nui kʼahˇ jaˆ-awˇ, jaˬ myawꞈ zaˬ iˇ shaˬ maˬ tawˬ-a.

Dawqdaq 3:24

Nawˇ nuiˇ luꞈ ngeh, guˆ-eu gaˆ-eu jeˬ maˬ jaˆ-ehˇ, nawˇ yuꞈ ngeh saˇ lehˆ ni ya yuꞈ dehˆ tehꞈ-a.

Dawqdaq 22:4

Smˇ muiˬ muiˬ-awˇ tsawˇ myahˇ doˆ-eu uˬ taꞈ ziˇ baw ziˇ za nya ni, Sahˬpaˬ Miˬyehˇ ehˇ dawˬ naˇ haˬ-awˇ, nui ma nahˬ yu ni taˬ-awˬ.