Dawqdaq 19:14 - Akha

¹⁴ Pyuˇ shuiˇ,Nymˇ muiˬ aˬ da jeˬ biˇ. Miˬ zaˬ yaw bym Sahˬpaˬ Miˬyehˇ guiˬ lahˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Pyurshuir myawqganq hawr-eu nymr-aq, Aqda-euq jeqbir mae. Aerkhawf, noeqdanr doe-eu zaqmiqzaq-aq, Ya’we Miqyaer-anr nae oe-euq mae.

Dawqdaq 19:14 Referans Kwoze

Dawqdaq 18:22

Miˬ zaˬ gʼa mawˇ-euˬ deuˬ muiˬ-eu guiˬ lahˬ za-awˇ, Sahˬpaˬ Miˬyehˇ nui kʼahˇ shiˇ-eu jeˬ za-euˬ meh.

Dawqdaq 13:22

Muiˬ-eu jaˬ-eu tsawˇ haˬ oeˬ paˬ oeˬ ma deuˬ-ahˇ jeˬ biˇ biꞈ yaꞈ nya kʼawꞈ, iˬ baˇ mˇ-eu deuˬ-euˬ pyuˇ shuiˇ myawˬ gahˬ yaw tsaˬ yaw dawˇ tsawˇ haˬ-euˬ laꞈ-ahˇ le tehꞈ-a.

Dawqdaq 3:6

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ-ahˇ noeˬ keuˆ-awˬ. Nawˬ-ahˇ yaw tsaˬ yaw dawˇ gaˇ ma mehˬ laꞈ tehꞈ-a.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

2 Gawˇliˬtu 12:14

Ngaˇ naw maꞈ jawˇ gaˇ smˬ poˆ tiˬ poˆ oeˇ-eu lehˇ lehˬ hmˬ dah taˬ-euˬ ma. Naw maꞈ-ahˇ ngaˇ tiˬ jeˬ-iˬ maˬ shaˇ. Aˬ jeˬ miˇ neh ehˇ naˇ, ngaˇ geuꞈ mawꞈ-eu-aˬ, naw maꞈ ma. Naw maꞈ-euˬ pyuˇ shuiˇ maˬ ngeuˇ. Zaˬ deuˬ-aˬ, aˬ da aˬ ma gʼaˇ duˬ pyuˇ shuiˇ maˬ ya poˆ-a. Aˬ da aˬ ma tehꞈ-ehˇ zaˬ deuˬ gʼaˇ duˬ pyuˇ shuiˇ ya poˆ-eu meh.

Dawˬmehˬ 21:16

Tsawˇ haˬ kʼoeˇ gʼaˬ aˬ yawꞈ-euˬ zaˬ deuˬ-ahˇ jeˬ biˇ biˇ nehˬ ngeh, myaˆ pyawˬ huiˬ nyiˇ tseˇ-eu laꞈ kʼoeˇ, aˬ yawꞈ gaˬ dzehˬ-eu miˬ zaˬ gʼaˬ-euˬ aˬ li-ahˇ, aˬ li aˬ yuiꞈ gʼaˬ-ahˇ oꞈ-eu jeˬ biˇ maˬ ya biꞈ-a.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

Aˇ dahˬ 24:7

Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ da-euˬ nymˇ hawˇ-eu ngaˬ-euˬ aˬ yuiꞈ aˬ nyiˇ deuˬ jawˇ-eu miˇ kʼahˬ-ahˇ neh ngaˬ-ahˇ bi doˆ le-awˇ, miˇ kʼahˬ heu kʼahˬ ngaˬ-euˬ zaˬ ngaˬ-euˬ uˆ deuˬ-ahˇ biꞈ ma lehˇ, dawˬ ma saˇ jaˇ dzaˬ taˬ-euˬ jaˆ-eu meh. Ngaˬ li gʼaˇ duˬ miˬ zaˬ tiˬ gʼaˬ nawˇ poˆ mawˇ nya ni, Sahˬpaˬ Miˬyehˇ aˬ yawꞈ-euˬ gʼaˬ kʼehˇ-ahˇ, nawˬ-euˬ mehˬ hu pyehˬ gʼeh tehꞈ-a.

Aˇ dahˬ 24:44

Zaˬ miˬ aˬ buˇ zaˬ guˬ kʼoeˇ gʼaˬ ngaˬ-ahˇ iˇ cuꞈ bi dawˇ laꞈ-eu uˬ taꞈ, ngaˬ-euˬ law taw deuˬ-ahˇ kʼawꞈ iˇ cuꞈ bi dawˇ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, ngaˬ-euˬ baw leˬ-euˬ aˬ li gʼaˇ duˬ tseˇ doˆ taˬ-euˬ zaˬ miˬ aˬ buˇ pyeuꞈ luꞈ-uˇ’ lehˇ shaˇ-euˬ ma.

1 Saˬmeuˬlaˆ 25:3

Aˬ yawꞈ-euˬ tsawˇ myahˇ-aˬ, Naˬbaˬlaˇ pyeuꞈ-awˇ, aˬ yawꞈ-euˬ miˬ zaˬ-aˬ, Aˬbiˇgeˬlaˆ meh. Miˬ zaˬ gʼaˬ aˇ gʼehˇ muiˬ-awˇ tsawˇ gahˇ ahˇ-eu tsawˇ haˬ tiˬ gʼaˬ meh. Ehˇ kʼawꞈ, Gaˬlehˆ aˇ jeuˬ pyeuꞈ-eu kʼaˬ dzeˇ zaˬ gʼaˬ-aˬ, nui ma yaw doeˇ meh.