Dawqdaq 18:23 - Akha

²³ Iˇ shaˬ dawˬ nahˬ yaw byehˆ, smˇ muiˬ dawˬ kʼaˆ yaw gʼahˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Irshaqzaq dawqnanq zmq-awr shar-eu khawf, Smrmuiqzaq dawqkhav ngaeq-awr aerkhof-eu mae.

Dawqdaq 18:23 Referans Kwoze

Yaˬkoˆ 2:3

Mehˬ tsoeˬ yaw muiˬ dm luꞈ-eu gʼaˬ-ahˇ naw maꞈ yaw zeu baw dzehˬ-eu laꞈ kʼoeˇ, “Nuiˇ duˬ yaw muiˬ heu tsahˇ-ahˇ nuiˇ laˇ-awˬ” lehˇ ehˇ nehˬ-awˇ, iˇ shaˬ zaˬ kʼoeˇ gʼaˬ-ahˇ-aˬ, “Kʼoeˇ gaˇ yawꞈ-awˬ. Maˬ ngeuˇ naˇ, heu gaˇ ngaˬ-euˬ aˬ kuiˇ dawˬ peh miˇ tsa nuiˇ laˇ-awˬ” lehˇ naw maꞈ ehˇ nehˬ-euˬ ehˇ-awˬ.

Yaˬkoˆ 2:6

Ehˇ kʼawꞈ, shaˬ-eu zahˬ-eu tsawˇ haˬ deuˬ-ahˇ naw maꞈ yaw zeu maˬ baw-a. Naw maꞈ-euˬ kʼoeˇ taˆ nawˬ tehˬ-awˇ naw maꞈ-ahˇ yaˇ kʼaˬ daˇ duˬ-ahˇ sheuˬ gʼeh-eu kʼoeˇ, aˬ suˇ gʼaˬ-a. Smˇ muiˬ smˇ baw deuˬ maˬ ngeuˇ-a loˇ.

Maꞈtehˬ 5:3

“Nui ma laꞈ kʼoeˇ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, mˬ taˆ miˇ kʼahˬ-aˬ, aˬ yawꞈ maꞈ-euˬ miˇ kʼahˬ pyeuꞈ-eu meh.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

1 Saˬmeuˬlaˆ 25:17

Gaˇ kawˆ heu hmˬ nawˇ shaˇ noeˬ-awˇ, aˬ joˆ-ehˇ jahˇ paˬ nga lehˇ noeˬ tsehˆ-awˬ. Gaˇ kawˆ heu hmˬ baˬ da neh, nga maꞈ-euˬ baw leˬ hawˇ-eu aˬ yawꞈ-eu nymˇ jiˇ kʼoeˇ taˆ luˬ-iˇ seˇ-iˇ-eu jeˬ keuˆ le nya tehꞈ-a. Aˬ yawꞈ nui ma gʼahˇ dui dui-awˇ, tiˬ gʼaˬ-euˬ ehˇ dawˬ-ahˇ-iˬ maˬ naˇ haˬ nehˬ laꞈ-a.”

1 Saˬmeuˬlaˆ 25:10

Naˬbaˬlaˇ ehˇ-eu, “Daˬbiˇ neh teu loꞈ-ehˇ bi tsaꞈ le taˬ lehˇ la. Daˬbiˇ ehˇ-eu aˬ suˇ gʼaˬ-aˬ. Ngaˇ tiˬ poˆ-iˬ maˬ gaˬ haw-aˬ. Miˇ kʼahˬ heu kʼahˬ laꞈ kʼoeˇ nymˬ-mˇ kaˬ-ahˇ cehˆ byoˆ taˬ-euˬ zaˬ kʼaˆ gʼawˬ mya gʼaˬ jawˇ meh.

1 Saˬmeuˬlaˆ 2:36

Nawˬ-euˬ zaˬ nawˬ-euˬ uˆ deuˬ laꞈ kʼoeˇ maˬ shiˇ-ehˇ kʼaˇ dehꞈ yaꞈ-euˬ deuˬ piˇ ma kʼoeˇ gʼaˬ jawˇ gaˇ le-awˇ, pyuˇ hawˇ-eu dzaˬ dzaˬ dawˇ dawˇ ya shaˇ leˇ gaˇ keuˆ tehꞈ-a. ‘Nga maꞈ maˬ ya mehꞈ sehꞈ-eu gʼaˇ duˬ, nawˬ-ahˇ caw mˇ paˬ-ehˇ gʼeh-eu gaˇ jaˆ naˇ bi mˇ laꞈ-awˬ’ lehˇ, piˇ ma kʼoeˇ gʼaˬ-ahˇ aˬ yawꞈ maꞈ ya shaˇ leˇ tehꞈ-a.”

Luˇta 2:7

Cehˇ yehˬ-eu deuˬ mehˬ nah caw caw-ehˇ, cehˇ nmˇ bi gʼoˆ nehˬ laꞈ lehˇ aˬ yawꞈ ngaˬ-ahˇ shaˇ-eu meh. Nymˇ shawˬ yaw naꞈ-ehˇ gʼeh ngeh neh, nymˬ-mˇ keuˆ ni cehˇ nmˇ aˬ yawꞈ gʼoˆ luꞈ-eu meh. Nymˬ-mˇ hawˇ-eu naˇ shmˇ cehˆ awˆ-iˇ-euˬ tehꞈ-a siˬ.”

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Aˇ dahˬ 42:30

“Iˇjiˇtuˆ miˇ kʼahˬ-ahˇ uˆ lahˇ-eu gʼaˬ ngaˬ ha mehˇ nmˇ-ahˇ dawˬ kʼaˆ ngehˬ-awˇ, aˬ yawꞈ maꞈ-euˬ miˇ kʼahˬ-ahˇ kʼoeˬ sho haw le-euˬ nga lehˇ ehˇ-eu meh.

Aˇ dahˬ 42:7

Aˬ yawꞈ maꞈ-ahˇ Yoˇsehˆ ya mawˇ ngeh, aˬ yawꞈ-euˬ aˇ doˆ deuˬ nga lehˇ tiˬ poˆ tehꞈ-ehˇ haw siˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ siˬ nya-eu geuꞈ-awˇ, dawˬ kʼaˆ ngehˬ-eu laꞈ kʼoeˇ, “Naw maꞈ aˬ gaˇ jawˇ-eu oe teˬ” lehˇ naˇ haˬ ngeh, “Nga maꞈ Kaˬnaˬ miˇ kʼahˬ-ahˇ jawˇ-eu, cehˇ zeuˇ dzaˬ le-euˬ ma” lehˇ aˬ ha mehˇ nmˇ ehˇ kʼoꞈ nehˬ-euˬ meh.

1 Sahˬpaˬ 12:13

Tsawˇ mawˬ tsawˇ kʼaˆ deuˬ neh biꞈ-euˬ nui noeˬ nui duˇ-ahˇ sahˬ paˬ maˬ naˇ haˬ ni, tsawˇ haˬ kʼoeˇ deuˬ-ahˇ dawˬ kʼaˆ ngehˬ nehˬ-euˬ meh.

2 Laˬsaˬbaˬ 10:13

Tsawˇ mawˬ tsawˇ kʼaˆ deuˬ neh biꞈ-euˬ nui noeˬ nui duˇ-ahˇ sahˬ paˬ maˬ naˇ haˬ ni, tsawˇ haˬ kʼoeˇ deuˬ-ahˇ dawˬ kʼaˆ ngehˬ nehˬ-euˬ meh.

Dawqdaq 19:7

Tsawˇ shaˬ zaˬ-ahˇ mehˇ nmˇ maˬ caw-ehˇ, cawˬ deuˬ dawˬ peh maˬ nyiˬ leˇ-eu miˇ neh, dawˬ gʼoeˇ tehꞈ-ehˇ ngehˬ leˇ kʼawꞈ, myaˆ haw maˬ cawˬ nehˬ-a.

Dawqdaq 22:7

Zaˬ coeˬ smˇ muiˬ-euˬ zaˬ kʼaˆ. Dziˇ dzoˆ yaw naꞈ aˬ cawˬ gʼaˬ kʼehˇ.

Yawˇbaˆ 41:3

Aˬ yawꞈ-ahˇ pyehˬ nehˬ laꞈ-awˬ lehˇ nawˬ-ahˇ shaˇ-awˇ, gʼawˬ shaˬ gaˬ nehˬ laꞈ-awˬ lehˇ shaˇ ju tehꞈ-a loˇ.