Dawqdaq 17:15 - Akha

¹⁵ Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Tsawrcawv deuq-anr mrshawr naeq-awr, Tsaq-awr dawr-eu deuq-anr darnaeq-eu, Heu nyiq jeqluf mr-eu tsawrhaq-anr, Ya’we Miqyaer nuidav dav-eu mae.

Dawqdaq 17:15 Referans Kwoze

Doˆ-iˇ 23:7

Maˬ tsaˬ maˬ dawˇ-eu laꞈ kʼoeˇ, aˬ cawˬ-ahˇ iˬ baˇ taˬ-awˇ, yaˇ kʼaˬ maˬ ya ja-a. Maˬ lehˬ maˬ ca-eu tsawˇ haˬ-ahˇ maˬ ya sehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ maˬ tsaˬ maˬ dawˇ-eu jeˬ mˇ-eu tsawˇ haˬ-ahˇ, ngaˇ iˬ baˇ maˬ pyehˬ nya-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Dawqdaq 18:5

Haiˬ-eu tsawˇ haˬ-euˬ myaˆ pyawˬ-ahˇ haw-awˇ, tsaˬ-eu tsawˇ haˬ-ahˇ guiˇ oꞈ tiꞈ-eu maˬ muiˬ-a.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

Lormav 4:5

Ehˇ kʼawꞈ, mˇ-eu shaˇ-eu jeˬ-ahˇ maˬ gʼoe-ehˇ, jah-eu jeˬ-ahˇ gʼoe-eu laꞈ kʼoeˇ, iˬ baˇ ahˇ-eu tsawˇ haˬ-ahˇ iˬ baˇ maˬ ahˇ-a lehˇ daˇ tsehˆ nya-eu gʼaˬ pyeuꞈ-eu Miˬyehˇ-ahˇ jah-eu tsawˇ haˬ-ahˇ, jah-eu jeˬ baˬ da neh Miˬyehˇ-ahˇ tsaˬ leˇ tsahˇ leˇ-euˬ tsawˇ haˬ lehˇ Miˬyehˇ sawˇ-eu meh.

Aˬmoˆ 5:12

Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Aˬmoˆ 5:7

Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Dawqdaq 6:16

Sahˬpaˬ Miˬyehˇ bye-eu koꞈ jeˬ jaˆ-awˇ, aˬ yawꞈ nui daˆ daˆ-eu shiꞈ jeˬ jaˆ meh.

1 Sahˬpaˬ 21:13

“Miˬyehˇ hawˇ-eu sahˬ paˬ-ahˇ Naˬboˆ neh yaˬ kʼehˇ yaˬ-euˬ meh” lehˇ, tsawˇ haˬ heu myaˆ ni gʼeh-eu mehˬ shi haiˬ-eu tsawˇ haˬ kʼoeˇ nyiˬ gʼaˬ saˇ kiˇ kamˬ-euˬ meh. Kʼoeˇ ngeh, Naˬboˆ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biꞈ sehꞈ-euˬ meh.

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Jaceuq 94:21

muiˬ-eu jaˬ-eu deuˬ-ahˇ mˇ coeˬ mˇ ciˆ-eu laꞈ kʼoeˇ, iˬ baˇ maˬ ahˇ-eu deuˬ bi shiˇ-eu gʼaˇ duˬ yaˇ kʼaˬ daˇ-eu meh.

Dawqdaq 17:26

Maˬ lehˬ maˬ ca gaˇ guiˇ oꞈ tiꞈ-eu jeˬ lehˬ dui dui-awˇ, tsawˇ muiˬ-ahˇ kʼehˬ-eu jeˬ doeˇ dui dui meh.

Dawqdaq 31:5

Aˬ yawꞈ maꞈ jiˇ baˬ dawˇ ngeh, zahˇ sahˇ kʼoꞈ-ahˇ ngehˇ jiˇ-awˇ, shaˬ-eu zahˬ-eu tsawˇ haˬ deuˬ gʼaˇ duˬ yaw tsaˬ yaw dawˇ dawˇ-ehˇ maˬ shaˇ noeˬ nehˬ nya-a.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Ngoeˇ dawˬ 3:35

tsawˇ haˬ yawˬ gʼaˬ na-ahˇ oꞈ-eu, aˬ yawꞈ biꞈ-euˬ yaw tsaˬ yaw dawˇ, maˬ biꞈ ni zuiˆ gʼaˬ-eu tiˬ jeˬ,

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Yeˬsaˬgeˬlaˇ 13:19

Lawˬ loeˇ hawˇ-eu kaˬ muˇ ui cuiˆ za laˇ gaˇ haw-awˇ, ngaˬ-euˬ tsawˇ haˬ deuˬ-euˬ mehˬ shi, naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu meh. Maˬ bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ laˆ sehꞈ-awˇ, bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ bi dehꞈ-euˬ meh. Ngaˬ-euˬ tsawˇ haˬ deuˬ naw maꞈ-ahˇ jah laˇ ni, naw maꞈ mehˇ shuiˇ shuiˇ-euˬ meh.”