Dawqdaq 17:14 - Akha

¹⁴ Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Iqdaeq iqcae ardanq bae-eu-aq, irtsanr tanqpav-eu gar dur-eu mirnae, Dawqpyaer pyaer-eu ardanq maqbae lar-euq minav-aer lavnaq-eu tsaq mae.

Dawqdaq 17:14 Referans Kwoze

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Dawqdaq 20:3

Iˬ dehˬ yahˇ-eu suˇ gahˇ. Iˬ ceh poˆ-euˬ suˇ dzawˬ.

1 Teˇsaˬloˇni 4:11

Nga maꞈ neh naw maꞈ-ahˇ ehˇ nehˬ yaꞈ-euˬ loꞈ-ehˇ, yawˬ ha-euˬ kʼaˬ boeˬ yawˬ ha boeˬ-awˇ, yawˬ haˬ-euˬ gaˇ yawˬ ha mˇ mˇ-ehˇ ciˬ cuˇ ni dehꞈ daˆ leꞈ-awˬ.

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Lormav 12:18

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ ni, yawˬ ha kʼaˇ gʼeh nya-eu loꞈ-ehˇ leh jeh-awˇ dehꞈ-awˬ.

Dawqdaq 29:22

Nui ma yaw suˬ deuˬ iˬ dehˬ iˬ ceh hawˇ-eu shaˬ zahˬ gʼawˬ mya jeˬ hehˇ ahˇ laꞈ nya-eu meh.

Dawqdaq 26:21

Kʼaˬ gʼeuˬ baˬ da neh miˬ jiˆ neˇ-awˇ, miˬ doꞈ baˬ da neh miˬ lmˇ doˆ-eu loꞈ-ehˇ, dawˬ ja laˆ doˆ-eu deuˬ baˬ da neh iˬ dehˬ iˬ ceh jaˆ-eu meh.

Dawqdaq 17:19

Iˬ baˇ-ahˇ gaˬ-eu tsawˇ haˬ yaˇ kʼaˬ laˆ doˆ gaˇ duˇ-awˇ, kʼahˬ sehˇ jehˆ-eu tsawˇ haˬ shaˬ zahˬ shaˇ naꞈ gaˇ duˇ-eu meh.

Dawqdaq 16:32

Oˇ dzeuˇ nya-eu jeˬ-aˬ, aˬ cawˬ-ahˇ gʼaˬ leˇ-eu jeˬ naˆ maˬ tseˇ muiˬ-awˇ, meuˬ meuˬ lah-ehˇ deuˆ gʼaˬ-eu naˆ maˬ tseˇ, yawˬ ha-euˬ nui ma-ahˇ gʼaˬ leˇ-eu poeˬ dzehˬ meh.

Dawqdaq 14:29

Oˇ dzeuˇ nya-eu tsawˇ haˬ zaˬ siˬ tsawˇ gahˇ byah-awˇ, nui ma yaw suˬ deuˬ yawˬ ha-euˬ yaw lehˬ pah pyehˬ-eu meh.

Dawqdaq 13:10

Naˬ bawˇ maˬ tsoꞈ-eu iˬ dehˬ iˬ ceh laˆ doˆ-awˇ, aˬ cawˬ mehˬ gaˇ naˇ haˬ geuꞈ-eu deuˬ tsawˇ gahˇ za-eu meh.

2 Laˬsaˬbaˬ 28:6

Leˬmaˬliˇ-euˬ aˬ li Iˇsaˬleˬlaˆ sahˬ paˬ Peˬkah neh, tiˬ nah laꞈ kʼoeˇ tehꞈ-ehˇ kʼaˬ dui dui-eu Yuˇdaˆ yehˇ tiˬ seh nyiˬ muiˇ gʼaˬ bi deuˆ sehꞈ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-euˬ miˇ neh kʼoeˇ loꞈ-ehˇ ya daˬ-euˬ meh.

2 Laˬsaˬbaˬ 13:17

Aˬbiˇyaˬ hawˇ-eu aˬ yawꞈ-euˬ guiˇ maꞈ deuˬ neh, Iˇsaˬleˬlaˆ tsawˇ haˬ deuˬ-ahˇ yaw kʼaˆ-ehˇ deuˆ deuˬ nehˬ-awˇ, nya dui dui-eu Iˇsaˬleˬlaˆ yehˇ ngaˬ seh gʼaˬ byah ni sehꞈ nehˬ-euˬ meh.

2 Saˬmeuˬlaˆ 19:41

Kʼoeˇ ngeh, Iˇsaˬleˬlaˆ tsawˇ haˬ dawˬ tawˆ luꞈ sahˬ paˬ jawˇ gaˇ le-awˇ ehˇ-eu, “Sahˬ paˬ-oˇ, nawˬ-ahˇ maˬ ehˇ, nawˬ-euˬ miˬ sawˇ zaˬ deuˬ-ahˇ maˬ ehˇ, nawˬ-euˬ tsawˇ haˬ deuˬ-ahˇ maˬ ehˇ, lawˇ baˬ tsehˆ ngeh loꞈ piˇ nehˬ-awˇ, mehˬ hu paw sheuˬ gʼeh-eu a kawˬ-aˬ jaˆ ma lehˇ, aˬ jeˬ miˇ neh nga maꞈ-euˬ aˬ yuiꞈ aˬ nyiˇ Yuˇdaˆ tsawˇ haˬ deuˬ noeˬ-eu nga.”

Dawqdaq 19:11

Nui ma-ahˇ noeˬ-eu tsawˇ haˬ nui pehˇ laꞈ nyiˇ maˬ bi mawˇ-ehˇ, iˬ dehˬ iˬ ceh oˇ dzeuˇ-eu jeˬ, aˬ yawꞈ-euˬ kʼahˬ sehˇ meh.