Dawqdaq 16:31 - Akha

³¹ Yaw tsaˬ yaw dawˇ tsawˇ haˬ ziˇ baw-awˇ, uˬ duˬ dehꞈ pyuˇ-eu jeˬ yaw shehꞈ kʼahˬ sehˇ tiˬ jeˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Tsaq-awr dawr-eu garma-anr povza-euq ngeur nar-aq, Uqduq tsaerkanr yawpyur-aq, Yawshaef khanqsaer-euq shuir uqkhov mae.

Dawqdaq 16:31 Referans Kwoze

Dawqdaq 20:29

Zaˬ guˬ kʼahˬ sehˇ aˬ lmˬ, tsawˇ kʼaˆ kʼahˬ sehˇ uˬ pyuˇ.

Uˬ duˬ 19:32

“Tsawˇ mawˬ tsawˇ kʼaˆ deuˬ-ahˇ yaw zeu baw-awˇ, taˬ huiˬ taˬ mahˇ-awˬ.

Piˇleˇmoˬ 1:9

Ehˇ kʼawꞈ, ngaˇ nawˬ-ahˇ gaˬ-eu miˇ neh, dawˬ biꞈ-eu jeˬ-ehˇ maˬ ngeuˇ ni, nahˬ yu ni shaˇ ju-eu ma. Ngaˇ-aˬ, Yeˬsuˇ Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu Pawˇluˆ pyeuꞈ-eu uˬ taꞈ, aˬ yawꞈ-euˬ gʼaˇ duˬ nymˬ-mˇ tawˬ-ahˇ uˇ luꞈ-eu tsawˇ haˬ pyeuꞈ kʼawꞈ, nawˬ-ahˇ dawˬ maˬ biꞈ ni shaˇ ju-eu jeˬ pyeuꞈ-eu ma.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Dawˬ tsoˆ 4:13

Tsawˇ haˬ tiˬ gʼaˬ iˇ shaˬ shaˬ dui dui-awˇ sahˬ paˬ pyeuꞈ laˇ-euˬ maˬ kaˬ, paꞈ kuˆ-ahˇ uˇ gaˇ neh sahˬ paˬ daˆ keuˆ leˇ-euˬ maˬ kaˬ, tsawˇ mawˬ mawˬ laˇ ngeh aˬ dzawˬ dzawˬ-awˇ aˬ cawˬ ehˇ dawˬ maˬ naˇ haˬ naˇ, iˇ shaˬ shaˬ-awˇ tsawˇ gahˇ ahˇ-eu zaˬ guˬ tiˬ gʼaˬ maˬ tawˬ-a.

Dawqdaq 17:6

Tsawˇ mawˬ-euˬ kʼahˬ sehˇ oeˬ paˬ oeˬ ma pyeuꞈ-awˇ, zaˬ-euˬ kʼahˬ sehˇ aˬ da meh.

Dawqdaq 16:30

Myaˆ nuiˆ kʼoˆ tehˆ myawˆ myawˆ-ehˇ tehˆ-eu tsawˇ haˬ maˬ muiˬ-eu jeˬ shaˇ sawˇ luꞈ-awˇ, mehˬ luˬ tsehꞈ tehˬ-eu tsawˇ haˬ yaw haiˬ jeˬ mˇ-eu gʼeh-eu meh.

Dawqdaq 16:32

Oˇ dzeuˇ nya-eu jeˬ-aˬ, aˬ cawˬ-ahˇ gʼaˬ leˇ-eu jeˬ naˆ maˬ tseˇ muiˬ-awˇ, meuˬ meuˬ lah-ehˇ deuˆ gʼaˬ-eu naˆ maˬ tseˇ, yawˬ ha-euˬ nui ma-ahˇ gʼaˬ leˇ-eu poeˬ dzehˬ meh.

Yawˇbaˆ 41:32

Aˬ yawꞈ iˇ-euˬ gaˇ kawˆ yaw shehꞈ bya yaꞈ-awˇ, iˬ ma laˆ shaˆ-ahˇ pyuˇ deuˬ ni sheu kawˆ yaꞈ-eu meh.

Dawˬ tsoˆ 12:5

Yaw goˇ-ahˇ nawˇ maˬ daˆ peuˬ-ehˇ, nawˇ gaˇ ma cah-eu kʼahˬ lahˇ paˬ-ehˇ pyeuꞈ-iˇ tehꞈ-a. Nawˬ-euˬ uˬ duˬ pyuˇ le-awˇ, yawˬ ha-euˬ gʼawˇ mawˇ maˬ laˆ luˆ coeˇ-eu uˬ taꞈ, nui kʼahˇ dawˬ tawˆ luꞈ byoˆ jiˇ tehꞈ-a. Aˇ saˬ saˬ-eu naˬ duˬ-ahˇ aˬ dui le luꞈ-awˇ, poˆ kaˬ lehˆ kawˆ-ahˇ tsawˇ ngoeˇ ngoeˇ-eu teˇ saˇ gaˬ doˆ laˇ tehꞈ-a.