Dawqdaq 12:18 - Akha

¹⁸ Dawˬ doeˇ ngehˬ-eu mi cehˇ coeˇ gaˇ duˇ-awˇ, tsawˇ gahˇ ahˇ-eu dawˬ muiˬ, jaˆ gʼaˬ-ahˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Tiqghaqnav micaer tsawv-eu lof-aer, Dawqdoer ngaeq-eu mae. Aerkhawf, tsawrganr anr-eu tiq ghaq-euq maeqlar-aq, Bi taqler-eu mae.

Dawqdaq 12:18 Referans Kwoze

Dawqdaq 16:24

Dawˬ muiˬ tmˇ-eu byaˬ byaˬ uiˇ-ahˇ duˇ-awˇ, nui ma-ahˇ laˬ kʼaˬ bi cehˇ-awˇ, gʼawˇ mawˇ-ahˇ jawˇ saˇ bi doˆ-eu meh.

Dawqdaq 15:4

Dawˬ muiˬ maˬ shiˇ jaˆ gʼaˬ. Dawˬ doeˇ shaˆ shiˇ mehˬ dzaˬ.

Jaceuq 57:4

Tsawˇ haˬ shaˬ jiˇ dzaˬ-eu aˇ laˬ jaˬ shiˇ-ahˇ duˇ-eu muiˇ-eu deuˬ, ngaˬ-ahˇ jawˬ lahˇ taˬ-euˬ meh. Aˬ yawꞈ maꞈ-euˬ seuˬ, gahˬ hawˇ-eu kaˆ myaˬ-ahˇ duˇ-awˇ, aˬ yawꞈ maꞈ-euˬ mehˬ laˇ, taˆ dui dui-eu mi cehˇ-ahˇ duˇ-eu meh.

Jaceuq 52:2

Aˬ cawˬ-ahˇ laˆ luˬ laˆ seˇ-eu gʼaˇ duˬ naw maꞈ shaˇ noeˬ-eu meh. Naw maꞈ-euˬ mehˬ laˇ mi cehˇ tawˆ zaˬ loꞈ-ehˇ taˆ-awˇ, jaˬ myawꞈ mehˇ shuiˇ tehꞈ-ehˇ naw maꞈ toˆ luꞈ-eu meh.

Daˬyeˬlaˇ 11:33

Zaˬ siˬ tsawˇ gahˇ byah-eu aˬ yuiꞈ aˬ tsu deuˬ-aˬ, aˬ yawꞈ maꞈ-euˬ tsawˇ haˬ gʼawˬ mya ni-ahˇ mehˬ nehˬ tsoˆ nehˬ tehꞈ-a. Ehˇ kʼawꞈ, aˇ yamˬ tiˬ kʼehˬ laꞈ kʼoeˇ aˬ yawꞈ maꞈ tiˬ paˆ na deuˬ guiˇ deuˆ gaˇ bi deuˆ sehꞈ-awˇ, tiˬ paˆ na deuˬ-ahˇ miˬ dzaˬ bi keuˬ sehꞈ tehꞈ-a. Tiˬ paˆ na deuˬ-aˬ, tahˇ joe bi joe-awˇ, bi nyehꞈ tehꞈ-a.

Dawqdaq 25:18

Maˬ ngeuˇ gaˇ smˇ kʼoeˬ lehꞈ-eu jeˬ-aˬ, mi cehˇ, diˬ puˬ hawˇ-eu taˆ dui dui-eu kaˆ myaˬ loꞈ-ehˇ tsawˇ shiˇ uˬ kʼawˇ laˆ deuˬ nya-eu meh.

Dawqdaq 15:7

Zaˬ siˬ mehˬ laˇ tsawˇ gahˇ dzaˇ lahˬ, dawˇ ga nui ma jaˬ lehˇ kʼehˬ bahˬ.

Dawqdaq 13:17

Dawˬ tsaꞈ maˬ nya-eu deuˬ gaˇ kawˆ laˆ doˆ-awˇ, dawˬ dzawˇ nya-eu deuˬ laˆ tsaˬ laˆ tsahˇ-eu meh.

Dawqdaq 4:22

Dawˬ kʼoeˇ deuˬ-ahˇ za-euˬ tsawˇ haˬ, dehꞈ-eu saꞈ laˇ za gaˇ duˇ-awˇ, yaw muiˬ jawˇ saˇ bi doˆ-eu meh.

Jaceuq 64:3

Aˬ yawꞈ maꞈ-euˬ mehˬ laˇ mi cehˇ loꞈ-ehˇ siˬ taˆ taˬ-awˇ, kaˆ myaˬ-ahˇ duˇ-eu dawˬ ngoꞈ daˆ taˬ-euˬ meh.

Panmaeq 22:2

Lawˇ baˬ kʼoeˇ gawˆ-aˬ, meuˬ-euˬ laꞈ kʼoeˇ dahˇ-eu gaˇ jawˬ gʼahˇ ceh nyiˬ paˆ-ehˇ yoeˇ ka leꞈ-eu meh. Lawˇ baˬ-euˬ kʼoeˇ dzeˇ heu dzeˇ dehꞈ-eu saꞈ laˇ aˇ bawˇ bawˇ-awˇ, ba la tiˬ siˬ tiˬ poˆ aˇ siˬ siˬ-awˇ, tiˬ kʼoꞈ tseˇ nyiꞈ lehˆ siˬ-eu meh. Aˇ bawˇ kʼoeˇ bawˇ-euˬ aˇ paꞈ-aˬ, miˇ kʼahˬ tsawˇ jeuˬ deuˬ-ahˇ naˇ gawˇ bi taˬ leˇ-eu jaˆ gʼaˬ pyeuꞈ-eu meh.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Jaceuq 59:7

Aˬ yawꞈ maꞈ yaˬ kʼehˇ yaˬ yaˬ-ehˇ lmˬ luꞈ gaˇ naˇ haˬ sheˇ. Aˬ yawꞈ maꞈ-euˬ mehˬ laˇ-aˬ, kʼaˬ meh laꞈ kʼoeˇ ahˇ-eu mi cehˇ-ahˇ duˇ kʼawꞈ, aˬ yawꞈ maꞈ dawˬ ngehˬ gaˇ aˬ cawˬ maˬ gaˬ nya-aˇ lehˇ noeˬ-eu meh.

Dawqdaq 12:17

Dawˬ tsaˬ ngehˬ-eu kʼaˬ meh yaw dawˇ jeˬ doˆ laˇ-awˇ, jaˬ myawꞈ myawꞈ-eu kʼaˬ meh mehˇ shuiˇ doˆ laˇ-eu meh.

Jaceuq 57:5

Miˬyehˇ-oˇ, nawˇ huiˬ-eu mahˇ-eu gaˇ kawˆ mˬ kʼoeˇ taˆ pah mehˬ-awˇ, nawˬ-euˬ yaw shehꞈ kʼahˬ sehˇ miˇ kʼahˬ doe ni bi bya le-awˬ.