Dawqdaq 12:11 - Akha

¹¹ Miˇ tsaˬ-ahˇ beuˬ nahˇ-eu tsawˇ haˬ, dzaˬ dzaˬ dawˇ dawˇ jaˆ-awˇ, nui loˆ mehˬ nah teh-eu tsawˇ haˬ, gaˇ dahˇ maˬ tsoeˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yawqha-euq mirtsaq-anr mrdzaq-eu tsawrhaq-aq, Tiqdaev dzaq-eu jeq jav taef-a. Aerkhawf, gardanr maqtsoeq-eu jeq-anr cantae-eu tsawrhaq-aq, Ghovshaw nya-eu jeq maqanr-eu tsawrhaq mae.

Dawqdaq 12:11 Referans Kwoze

Dawqdaq 28:19

Mˇ coeˇ-eu tsawˇ haˬ maˬ dzaˬ ma dawˇ jiˇ coeˇ-ehˇ, maˬ mˇ maˬ shaˇ ni aˇ yamˬ bi dzeuˇ-iˇ-eu tsawˇ haˬ hawˬ mehꞈ shaˬ tehꞈ-a.

Dawqdaq 14:23

Leh jeh-awˇ mˇ-eu mehˬ shi guiˬ lahˬ keuˆ-awˇ, nymˇ gawˬ mehˬ lawꞈ mehˬ shi dzaˬ-eu maˬ jaˆ-a.

Jaceuq 128:2

Nawˬ neh mˇ-euˬ loꞈ-ehˇ nawˇ ya dzaˬ dehˆ-awˇ, nui saˇ oꞈ-euˬ laꞈ kʼoeˇ baw le za le tehꞈ-a.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

2 Teˇsaˬloˇni 3:8

Nga maꞈ-ahˇ kʼaˇ caw ba nehˬ laꞈ-euˬ jeˬ, aˇ poeˬ maˬ biꞈ ni nga maꞈ maˬ ha geuꞈ-aˬ. Nga maꞈ leh jeh dui dui-eu laꞈ kʼoeˇ gaˇ mˇ-euˬ ma. Nga maꞈ gʼaˇ duˬ naw maꞈ pyuˇ maˬ bi jiˇ mawꞈ-eu miˇneh, uˬ ciꞈ nah gʼahˇ maˬ ehˇ nga maꞈ gaˇ mˇ-euˬ ma.

Dawqdaq 9:6

Dawˇ ga ga-eu tsawˇ haˬ deuˬ-ahˇ byehˇ dzeh-awˇ, zaˬ siˬ tsawˇ gahˇ mehˬ nah caw teh-awˇ dehꞈ-awˬ.”

Dawqdaq 14:4

Deh ma mˇ-eu aˬ nyoˬ maˬ jawˇ naˇ cehˇ jiˇ yawꞈ ngehꞈ meh. Aˬ nyoˬ-euˬ gʼaˬ baˬ da neh cehˇ jaˆ le-eu meh.

Dawqdaq 7:7

maˬ noeˬ siˬ nya laˇ-euˬ zaˬ guˬ deuˬ laꞈ kʼoeˇ, dawˇ ga ga dui dui-eu tiˬ gʼaˬ mawˇ-euˬ ma.

Dawqdaq 13:20

Zaˬ siˬ tsawˇ gahˇ byah-eu deuˬ nehˬ-ehˇ cah-eu tsawˇ haˬ tsawˇ gahˇ ahˇ laˇ-awˇ, aˬ dzawˬ aˇ gah deuˬ nehˬ-ehˇ cawˬ cawˬ-eu tsawˇ haˬ, ya luˬ ya seˇ-iˇ tehꞈ-a.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Dawqdaq 6:32

Aˬ cawˬ aˬ ma-ahˇ bahˬ-eu tsawˇ haˬ, tiˬ gʼaˬ-iˬ gaˇ dahˇ maˬ tsoeˬ-ehˇ, Yawˬ haˇ yawˬ ha laˆ cawˆ-eu meh.

Dawqdaq 9:16

“Dawˇ ga deuˬ-oˇ, heu gaˇ laˇ-awˬ” lehˇ kuˇ kuˇ-ehˇ jawˇ-eu meh. Aˬ dzawˬ aˇ gah deuˬ-ahˇ-aˬ,

Dawqdaq 9:13

Aˬ dzawˬ aˇ gah gah-eu jeˬ-aˬ, dawˬ ja myaˬ-awˇ shaꞈ dawˇ-eu maˬ siˬ nya-eu zaˬ miˬ zaˬ-ahˇ duˇ-eu meh.

Jaceuq 26:4

Gaˇdahˇmaˬtsoeˬ-eu tsawˇhaˬ-ahˇ, cawˬmaˬcawˬtaꞈni ngaˇdehꞈ-awˇ, mehˇshuiˇshuiˇ-eu tsawˇhaˬnehˬ-ehˇ, mehˬbawˬmaˬmˇni dehꞈ-eu ma.

Yaˇ kʼaˬ daˇ 9:4

Dawˬ ma saˇ jaˇ-euˬ Baˬlaˇ miˬ yehˇ lehˇ kuˇ-eu miˬ yehˇ-euˬ uˬ duˬ tahˬ nymˇ-ahˇ jaˆ-eu shuiˇ maˇ byaˆ shiꞈ tseˇ byaˆ aˬ yawꞈ maꞈ yuˇ-awˇ, Aˬbiˇmaˬlehˆ-ahˇ biꞈ-euˬ meh. Gaˇ dahˇ maˬ tsoeˬ-ehˇ nui noeˬ maˬ baw-eu tsawˇ haˬ deuˬ-ahˇ aˇ poeˬ biꞈ nehˬ-awˇ, aˬ yawꞈ-euˬ mehˬ nah bi caw teh-eu gʼaˇ duˬ, shuiˇ kʼoeˇ deuˬ aˬ yawꞈ zmˬ-euˬ meh.

Yawˇnaˆ 2:8

Poeˬ maˬ baw-eu mˇ myawˬ pyeuꞈ-eu, tahˬ pahˬ aˬ ma mawˇ kawˇ deuˬ-ahˇ, uˬ duˬ tahˬ-eu tsawˇ haˬ kʼoeˇ deuˬ, nawˬ-ahˇ saˇ jaˇ puiˬ jiˇ-euˬ meh.

Dawqdaq 27:27

Dzeˇ-eu ciꞈ myehꞈ deuˬ-ahˇ aˬ coeˇ nyehꞈ doˆ-awˇ, nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ zaˬ miˬ zaˬ zaˬ kʼaˆ deuˬ maˬ ehˇ, dawˇ dehˆ nya-eu meh.

Dawqdaq 13:23

Iˇ shaˬ zaˬ deuˬ yaˇ naˆ mˇ-awˇ za le kʼawꞈ, maˬ tsaˬ maˬ dawˇ-eu deuˬ neh bi laˆ byoˆ-eu meh.

Dawqdaq 20:13

Yuꞈ gaˇ gaˬ-eu tsawˇ shaˬ. Mˇ gaˇ gaˬ-eu dzaˬ ngeh maˬ jiˇ.