Dawqdaq 11:19 - Akha

¹⁹ Yaw tsaˬ yaw dawˇ jeˬ-ahˇ tsuˆ tehˬ taˬ-euˬ deuˬ ya dehꞈ-awˇ, yaw haiˬ jeˬ mehˬ nah caw teh-eu deuˬ ya shiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tsaq-awr dawr-eu jeq-aq, daef-eu jeq jav-eu gar sheuqghae-eu mae. Aerkhawf, yawdoer jeq-anr cantae-eu tsawrhaq-aq, Yawqha yashir-eu jeq-anr cantae luf-eu mae.

Dawqdaq 11:19 Referans Kwoze

Dawqdaq 10:16

Yaw tsaˬ yaw dawˇ tsawˇ haˬ-euˬ gʼaˬ mahˇ poeˬ-aˬ, aˬ yawꞈ-ahˇ bi dehꞈ dzaˬ laˇ-awˇ, haiˬ-eu tsawˇ haˬ deuˬ neh laˆ za-euˬ pyuˇ shuiˇ-aˬ, iˬ baˇ bi doˆ laˇ-eu meh.

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Dawqdaq 12:28

Yaw tsaˬ yaw dawˇ jeˬ-aˬ, dehꞈ-eu gaˇ ma pyeuꞈ-awˇ, yaw haiˬ jeˬ-aˬ, shiˇ-eu gaˇ dahˬ meh.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 3:7

Ngaˇ gaˬ dui dui-eu zaˬ deuˬ-oˇ, tsawˇ haˬ tiˬ gʼaˬ neh-iˬ naw maꞈ-ahˇ mehˇ shuiˇ taˬ bi shuiˇ tawˆ. Yaw tsaˬ yaw dawˇ jeˬ-ahˇ kʼaˇ mˇ-eu tsawˇ haˬ-aˬ, Ka li tsaˬ-eu dawˇ-eu loꞈ-ehˇ yawˬ ha kʼawꞈ tsaˬ-eu dawˇ-eu meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Yaˬkoˆ 1:15

Kʼoeˇ naˇ, aˬ yawꞈ-euˬ maˬ muiˬ maˬ jaˬ-eu nui kʼahˇ kʼoeˇ zaˬ jeuˬ-eu loꞈ-ehˇ jeuˬ leˇ-awˇ, iˬ baˇ bi dehꞈ doˆ le-eu meh. Iˬ baˇ kʼoeˇ huiˬ loˆ laˇ ngeh, shiˇ-eu jeˬ bi dehꞈ doˆ le-eu meh.

Dawqdaq 21:16

Nui ma-ahˇ maˬ noeˬ ni dehꞈ-eu deuˬ-euˬ mehˬ hu, shiˇ-eu jeˬ dawˬ luꞈ meh.

Dawˬmehˬ 16:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ naw maꞈ ya jawˇ-awˇ mehˬ hu paw dehꞈ daˆ leꞈ nya ni, aˬ myah luꞈ yaw tsaˬ yaw dawˇ jeˬ-ahˇ yaw muiˬ muiˬ-ehˇ mˇ-awˬ.

2 Sahˬpaˬ 1:4

Nawˇ naˇ-eu maˬ taˬ leˇ nya-ehˇ ya shiˇ tehꞈ-a lehˇ Sahˬpaˬ Miˬyehˇ ehˇ-eu meh lehˇ, naw maꞈ-euˬ sahˬ paˬ-ahˇ ehˇ nehˬ leˇ-awˬ lehˇ, tsawˇ haˬ kʼoeˇ deuˬ-ahˇ ehˇ nehˬ-awˬ.” Kʼoeˇ ngeh, Sahˬpaˬ Miˬyehˇ neh kʼaˇ bi ehˇ-euˬ loꞈ-ehˇ, tsawˇ haˬ kʼoeˇ deuˬ-ahˇ Eˇliˇyaˆ ehˇ nehˬ-iˇ-euˬ meh.

2 Sahˬpaˬ 1:16

Sahˬ paˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ heu loꞈ-ehˇ ehˇ-eu meh. ‘Eˇkaˬloˬ miˬ yehˇ Baˬlaˇzeˬbuˇ jawˇ gaˇ nawˇ tsawˇ haˬ kʼehˇ gʼeh-awˇ mehˬ bawˬ bi mˇ-iˇ paˬ-ehˇ, Iˇsaˬleˬlaˆ miˇ kʼahˬ laꞈ kʼoeˇ nawˇ mehˬ bawˬ mˇ nya-eu Miˬyehˇ maˬ jawˇ-ehˇ pyeuꞈ-iˇ taˬ loˇ. Kʼoeˇ loꞈ-ehˇ mˇ-euˬ baˬ da neh, nawˬ-euˬ naˇ gawˇ maˬ paˇ taˬ leˇ nya-ehˇ ya shiˇ tehꞈ-a’ lehˇ ehˇ-eu meh.”

Dawqdaq 21:21

Nawˇ ziˇ baw ziˇ za nya ni, gʼawˬ shaˬ gaˬ-eu nui ma ahˇ-awˇ yaw tsaˬ yaw dawˇ jeˬ mˇ-awˬ. Aˬ cawˬ nawˬ-ahˇ yaw zeu baw tehꞈ-a.