Dawqdaq 1:23 - Akha

²³ Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ngaq-euq maeqpar-eu dawq-euq baqda’nae pyawrlar-awq. Ngar, ngaq-euq saflar, nawmaf-euq khoertav aqdir shaevdav naeq-awr, Ngaq-euq dawq nawmaf-anr bi siqnya ma.

Dawqdaq 1:23 Referans Kwoze

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Iˇsaˬyaˇ 32:15

Ehˇ kʼawꞈ, Miˬyehˇ Yaw sahˇ aˬ dui kʼoeˇ taˆ paˇ keuˆ le-awˇ, miˇ tsaˬ yaw cawˆ miˇ muiˬ paˇ muiˬ laˇ-awˇ, dzaˬ la gʼo cehˇ za dui dui le tehꞈ-a.

Gʼaˬkʼehˇ 26:20

Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Dawqdaq 12:1

Zaˬ siˬ tsawˇ gahˇ ahˇ-eu tsawˇ haˬ, mehˬ nehˬ tsoˆ-nehˬ gaˇ naˇ haˬ-awˇ, aˬ dzawˬ aˇ gah-ahˇ maˬ mehˬ paˇ nya-a.

Iˇsaˬyaˇ 45:8

Gʼaˬ leˇ-eu jeˬ mˬ kʼoeˇ taˆ neh, uˬ yehˇ yehˇ-eu loꞈ-ehˇ ngaˇ pyehˬ ka gaˇ, miˇ tsaˬ kʼawˬ pymˬ pah-awˇ ciˬ kʼmˇ geuꞈ ngeh, buˬ-iˇ law-iˇ-eu jeˬ hawˇ-eu yaw tsaˬ yaw dawˇ, aˇ yehˆ loꞈ-ehˇ poˬ laˇ tehꞈ-a. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loꞈ-ehˇ pyeuꞈ laˇ ni mˇ ma.”

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawqdaq 10:17

Mehˬ-eu tsoˆ-eu jeˬ-ahˇ naˇ haˬ-eu tsawˇ haˬ-aˬ, dehꞈ-eu gaˇ ma-ahˇ cah luꞈ-awˇ, maˬ mehˬ maˬ tsoˆ paˇ nya-eu tsawˇ haˬ-aˬ, gaˇ bahˬ iˇ luꞈ-eu meh.

Jaceuq 145:1

Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Hawˇseˬ 14:1

Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Yeˬlaˬmiˇ 3:14

“Saˇ jaˇ maˬ ziꞈ-eu tsawˇ haˬ deuˬ-oˇ, gʼoꞈ laˇ-awˬ. Naw maꞈ ngaˬ-euˬ tsawˇ haˬ pyeuꞈ-eu ma. Meuˬ tiˬ meuˬ laꞈ kʼoeˇ naw maꞈ tsawˇ haˬ tiˬ gʼaˬ hawˇ-eu, aˇ jeuˬ tiˬ jeuˬ laꞈ kʼoeˇ nyiˬ gʼaˬ kuˇ doˆ-awˇ, Ziˇoˬ gawˬ jawˬ kʼoeˇ taˆ sheuˬ kʼoꞈ laꞈ ma.

Dawqdaq 1:30

ja sawˇ nehˬ-euˬ dawˬ-ahˇ maˬ naˇ haˬ-ehˇ, dawˬ mehˬ dawˬ tsoˆ maˬ naˇ haˬ-eu miˇ neh,

Dawqdaq 6:23

Dawˬ mehˬ dawˬ tsoˆ tsoˆ-eu jeˬ-aˬ, tsiˇ kʼmˬ yaw shehꞈ loꞈ-ehˇ duˇ-awˇ, nawˬ-ahˇ dehꞈ jeˬ dehꞈ kawˆ gaˇ ma mehˬ-eu meh.

Dawqdaq 1:25

ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Yoˇhaˬ 7:39

Yeˬsuˇ kʼoeˇ loꞈ-ehˇ ehˇ-eu-aˬ, aˬ yawꞈ-ahˇ kʼaˇ jah-eu tsawˇ haˬ deuˬ Yaw sahˇ Miˬyehˇ za gaˇ ehˇ mawꞈ-eu meh. Aˇ yamˬ kʼoeˇ yamˬ-ahˇ keuˆ ni Yaw sahˇ Miˬyehˇ maˬ biꞈ leꞈ-aˬ siˬ. Aˬ jeˬ miˇ neh ehˇ naˇ, Yeˬsuˇ-ahˇ yaw shehꞈ kʼahˬ sehˇ laꞈ kʼoeˇ maˬ ciˬ daˆ kʼoꞈ leꞈ-aˬ siˬ.

Yawˇlaˆ 2:27

Kʼoeˇ ngeh jawˇ Iˇsaˬleˬlaˆ-oˇ, naw maꞈ-euˬ gʼahˇceh ngaˇjawˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ, naw maꞈ-ahˇ siˬ duˬ leˇ tehꞈ-a. Aˬ cawˬ ja bu ja doeˇ-eu jeˬ, ngaˬ-euˬ tsawˇ haˬ heu deuˬ kʼoeˇ taˆ, tiˬ jawˇ-iˬ maˬ paˇ keuˆ le meh.

Yawˇlaˆ 3:1

Sahˬpaˬ Miˬyehˇ ehˇ-eu dawˬ-aˬ, “Aˇ nah aˇ yamˬ kʼoeˇ keuˆ le ngeh, Yuˇdaˆ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-ahˇ maˬ ehˇ, baw le za le-eu guiˬ lahˬ kʼoeˇ, aˇ hu loꞈ-ehˇ paˇ biꞈ nehˬ ma.