Dawˬmehˬ 9:28 - Akha

²⁸ Kʼoeˇ loꞈ-ehˇ maˬ ngeuˇ naˇ, nawˬ-euˬ tsawˇ haˬ deuˬ-ahˇ, nawˬ neh saˇ jaˇ dzaˬ taˬ-euˬ miˇ kʼahˬ-ahˇ nawˇ maˬ sheuˬ uˇ gʼeh nehˬ nya nga lehˇ, Iˇjiˇtuˆ tsawˇ haˬ deuˬ ehˇ tehꞈ-a. Nawˬ-euˬ tsawˇ haˬ deuˬ-ahˇ nawˇ bye-eu miˇ neh, bawˇ tsahˬ bawˇ dahˇ-ahˇ sheuˬ gʼeh-awˇ sehꞈ-euˬ ngaˇ lehˇ, aˬ yawꞈ maꞈ ehˇ tehꞈ-a.

Dawˬmehˬ 9:28 Referans Kwoze

Bawˇtsahˬ 14:16

Nawˬ-euˬ tsawˇ haˬ deuˬ-ahˇ biꞈ ma lehˇ nawˬ neh saˇ jaˇ dzaˬ taˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ maˬ sheuˬ keuˆ gʼeh nya-eu baˬ da neh, bawˇ tsahˬ bawˇ dahˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ sehꞈ-euˬ ngaˇ lehˇ ehˇ tehꞈ-a.

Doˆ-iˇ 32:12

Nawˇ-aˬ, nawˬ-euˬ tsawˇ haˬ deuˬ-ahˇ, gawˬ jawˬ gawˬ duˇ kʼoeˇ taˆ sehꞈ dzeh jiˇ-awˇ, laˆ piˬ laˆ byoˆ jiˇ mawꞈ-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ nga lehˇ Iˇjiˇtuˆ tsawˇ haˬ deuˬ bi ehˇ-eu loˇ. Nui ma pehˇ-eu taˬ leˇ-awˬ. Luˬ-iˇ seˇ-iˇ-eu heu nawˬ-euˬ tsawˇ haˬ deuˬ kʼoeˇ taˆ maˬ ya bi keuˆ le ni, nawˬ-euˬ nui ma noeˬ paˇ-awˬ.

Dawˬmehˬ 1:27

Iˬ baˇ taˬ-eu dawˬ ngehˬ-eu laꞈ kʼoeˇ naw maꞈ ehˇ-eu, ‘Sahˬpaˬ Miˬyehˇ aˬ dui-ahˇ bye-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, Aˬmoˬ tsawˇ haˬ heu deuˬ neh bi sehꞈ-eu lehˇ, aˬ dui-ahˇ heu gaˇ sheuˬ laꞈ-euˬ ngaˇ.

Dawˬmehˬ 9:27

Nawˬ-euˬ zaˬ kʼaˆ Aˬbyaˬhaˬ, Iˇtsaˆ hawˇ-eu Yaˬkoˆ-ahˇ noeˬ keuˆ-awˇ, tsawˇ haˬ heu deuˬ-euˬ nui ma gʼahˇ-eu jeˬ, maˬ muiˬ maˬ jaˬ-eu jeˬ hawˇ-eu, aˬ yawꞈ maꞈ-euˬ iˬ baˇ-ahˇ, do taˬ yuˇ nehˬ laꞈ.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

Dawˬmehˬ 32:27

Ngaˬ-euˬ mawˇ do oe gʼeh leꞈ-awˇ, aˬ yawꞈ maꞈ-ahˇ lehˬ loeˇ-euˬ kʼoeˇ, aˬ yawꞈ maꞈ-ahˇ muiˇ-eu kʼoeˇ deuˬ aˬ yawꞈ maꞈ neh jahˇ-euˬ te lehˇ, kʼahˬ sehˇ maˬ bi jehˆ gaˇ keuˆ ma.’

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.