Dawˬmehˬ 9:21 - Akha

²¹ Naw maꞈ neh mˇ-euˬ iˬ baˇ pyeuꞈ-eu mawˇ neˇ mawˇ kawˇ kʼoeˇ ngaˇ yuˇ-awˇ, miˬ dzaˬ-ahˇ dawˆ puiˆ-euˬ ma. Kʼoeˇ naˇ, lehˬ meuˇ-awˇ gawˬ jawˬ-ahˇ neh yoeˇ ka leꞈ-euˬ lawˇ gawˆ-ahˇ dawˆ bu-euˬ ma.

Dawˬmehˬ 9:21 Referans Kwoze

Doˆ-iˇ 32:20

Aˬ yawꞈ maꞈ neh jahˇ taˬ-euˬ mawˇ neˇ mawˇ kawˇ kʼoeˇ aˬ yawꞈ yuˇ-awˇ, miˬ dzaˬ-ahˇ puiˆ guiˇ-euˬ meh. Kʼoeˇ naˇ, lehˬ meuˇ lehˬ loeˇ jiˇ-awˇ, iˇ cuꞈ laꞈ kʼoeˇ byaˆ ahˇ-awˇ, Iˇsaˬleˬlaˆ tsawˇ haˬ deuˬ-ahˇ, iˇ cuꞈ kʼoeˇ bi dawˇ-euˬ meh.

Iˇsaˬyaˇ 31:7

Naw maꞈ neh pyuˇ hawˇ-eu shuiˇ yuˇ-awˇ jahˇ taˬ-euˬ tahˬ pahˬ aˬ ma mawˇ kawˇ deuˬ-ahˇ, naw maꞈ yawˬ gʼaˬ na luꞈ ya biˬ dzeh-eu aˇ nah keuˆ le tehꞈ-a.

Hawˇseˬ 8:11

“Iˇsaˬleˬlaˆ tsawˇ haˬ deuˬ neh, iˬ baˇ bi shawˇ laˇ-eu gʼaˇ duˬ, lawˇ duˬ paˇ tsoˆ lahˬ-euˬ kʼoeˇ-aˬ, iˬ baˇ mˇ lahˬ lahˬ gaˇ duˇ meh.

Iˇsaˬyaˇ 30:22

Pyuˇ hawˇ-eu shuiˇ yaw taˬ-euˬ naw maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ haw jawꞈ-awˇ baꞈ dzeh-eu laꞈ kʼoeˇ, “Maˬ mawˇ laˇ gaˇ iˇ byoˆ gʼeh-awˬ” lehˇ naw maꞈ toˇ tehꞈ-a.

Dawˬmehˬ 9:20

Aˬloˬ-ahˇ gʼeh, sehꞈ paˬ-ehˇ Sahˬpaˬ Miˬyehˇ nui ma pehˇ laˇ taˬ-euˬ meh. Kʼoeˇ miˇ neh, Aˬloˬ gʼaˇ duˬ kʼawꞈ, kʼoeˇ ngeh jawˇ ngaˇ guiˬ lahˬ shaˇ nehˬ-euˬ ma.

Miˇkaˬ 1:7

Aˇ poeˬ kʼaˆ-eu tahˬ pahˬ aˬ ma mawˇ kawˇ dawˬ tawˆ luꞈ meuˇ-iˇ loeˇ-iˇ jiˇ-awˇ, uˬ duˬ tahˬ nymˇ-ahˇ jawˇ-eu meh maˬ laˇ deuˬ-ahˇ kʼaˇ biꞈ-euˬ yawˬ jeˬ na luꞈ miˬ dzaˬ bi keuˬ dzeh-eu uˬ taꞈ, tahˬ pahˬ aˬ ma mawˇ kawˇ dawˬ tawˆ luꞈ yaw cawˆ-ehˇ baꞈ bymˇ taˬ-awˇ ga tehꞈ-a. Zaˬ bi myaˬ laˇ-eu gʼaˇ duˬ maˬ tsaˬ maˬ dawˇ-eu zahˇ sahˇ kʼoꞈ bawˬ-iˬ jahˇ gaˇ geuꞈ-eu lehˇ, aˬ yawꞈ maꞈ neh poˆ uiˬ taˬ-euˬ mˇ myawˬ kʼoeˇ deuˬ-ahˇ, muiˇ-eu deuˬ neh uˬ duˬ tahˬ gaˇ geuꞈ-eu lehˇ yawˬ gaˇ yawˬ bi baꞈ byoˆ gʼeh tehꞈ-a.”

1 Sahˬpaˬ 15:13

Aˬ yawꞈ-euˬ aˬ piˬ Mawˇkah gʼaˬ-ahˇ kʼawꞈ, sahˬ paˬ-euˬ aˬ ma geuꞈ-eu aˇ yaˬ yuˇ dzeh nehˬ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ aˬ piˬ-aˬ, Aˬsheˇlaˬ miˬ yehˇ ma gʼaˇ duˬ tahˬ pahˬ aˬ ma mawˇ kawˇ tehˆ-euˬ meh. Tahˬ pahˬ aˬ ma mawˇ kawˇ kʼoeˇ hmˬ-ahˇ Aˬsaˬ neh deuˆ tsehˆ-awˇ, Giˇdaˬloˬ lawˇ gawˆ dawˬ peh miˬ dzaˬ dzah puiˆ dzeh-euˬ meh.

2 Laˬsaˬbaˬ 34:7

Laꞈ taˆ paw jaˆ-eu Iˇsaˬleˬlaˆ miˇ kʼahˬ doe ni Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ deuˬ hawˇ-eu lawˇ duˬ deuˬ-ahˇ aˬ yawꞈ deh pyaˆ-awˇ, tahˬ pahˬ aˬ ma mawˇ kawˇ nui deuˬ-ahˇ laˆ meuˇ laˆ loeˇ jiˇ nehˬ-euˬ uˬ taꞈ, yaw saw jeˬ doꞈ damˬ-eu lawˇ duˬ dawˬ tawˆ luꞈ-ahˇ laˆ kʼehꞈ laˆ kʼoeˆ jiˇ nehˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ gʼoꞈ-iˇ-euˬ meh.