Dawˬmehˬ 7:13 - Akha

¹³ Naw maꞈ tsawˇ haˬ myaˬ laˇ-awˇ, zaˬ oeˬ sahˇ jawˇ le ni, aˬ yawꞈ naw maꞈ-ahˇ gaˬ-awˇ guiˬ lahˬ biꞈ laꞈ tehꞈ-a. Dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, naw maꞈ-euˬ deh yaˇ hawˇ-eu yaˇ kmˇ deuˬ-ahˇ aˬ yawꞈ guiˬ lahˬ biꞈ laꞈ tehꞈ-a. Mawˇ neˇ hawˇ-eu yawˇ myaˬ laˇ behˇ laˇ ni, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Naw maꞈ-ahˇ biꞈ-eu gʼaˇ duˬ naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ guiˬ lahˬ heu deuˬ, aˬ yawꞈ naw maꞈ-ahˇ biꞈ nehˬ laꞈ tehꞈ-a.

Dawˬmehˬ 7:13 Referans Kwoze

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 16:27

Naw maꞈ ngaˬ-ahˇ gaˬ-awˇ, Miˬyehˇ jawˇ gaˇ neh oe-euˬ meh lehˇ jah-eu miˇ neh, Aˬda naw maꞈ-ahˇ gaˬ-eu meh.

Doˆ-iˇ 23:25

Naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˬ-ahˇ naw maꞈ uˬ duˬ tahˬ naˇ, ngaˇ naw maꞈ-ahˇ dzaˬ dzaˬ dawˇ dawˇ hawˇ-eu iˇ cuꞈ guiˬ lahˬ biꞈ-awˇ, naw maꞈ kʼoeˇ taˆ naˇ-eu gawˇ-eu jeˬ maˬ bi keuˆ le ni yuˇ dzeh ma.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Yawˇbaˆ 42:12

Yawˇbaˆ-euˬ ziˇ aˇ dahˬ beh ngeh naˆ maˬ tseˇ, aˇ saˬ saˬ le ngeh Sahˬpaˬ Miˬyehˇ guiˬ lahˬ biꞈ myaˬ dzehˬ-euˬ meh. Yawˇ tiˬ muiˇ oeˬ heˇ mawˇ, law taw koꞈ heˇ mawˇ, mawˇ neˇ nyiˬ heˇ mawˇ hawˇ-eu mahˬ tahˬ laˆ tiˬ heˇ mawˇ jawˇ-eu meh.

Dawˬmehˬ 28:11

Nawˬ-ahˇ biꞈ -eu gʼaˇ duˬ, nawˬ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ deuˬ hawˇ-eu jeˬ zaˬ deuˬ-ahˇ, Sahˬpaˬ Miˬyehˇ bi myaˬ bi behˇ laˇ-awˇ, nawˬ-ahˇ dzaˬ la gʼo cehˇ bi za le tehꞈ-a.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Dawˬmehˬ 7:7

“Aˬ cawˬ tsawˇ jeuˬ naˆ maˬ tseˇ, naw maꞈ tsawˇ haˬ myaˬ dzehˬ-eu miˇ neh, Sahˬpaˬ Miˬyehˇ naw maꞈ-ahˇ gaˬ-awˇ tseˇ doˆ-euˬ maˬ ngeuˇ-a. Naw maꞈ-aˬ, miˇ tsaˬ kʼoeˇ taˆ aˬ cawˬ naˆ maˬ tseˇ cuiˆ dzehˬ-eu tsawˇ jeuˬ pyeuꞈ-eu meh.

Jaceuq 11:7

Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Uˬ duˬ 26:9

Naw maꞈ-ahˇ ngaˇ guiˬ lahˬ biꞈ-awˇ, naw maꞈ-euˬ zaˬ deuˬ bi jeuˬ bi o le ma. Naw maꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ ziꞈ ma.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

Dawˬmehˬ 30:5

Aˇ hu nawˬ-euˬ aˬ poeˬ aˬ bawˇ deuˬ jawˇ-eu miˇ kʼahˬ nawˇ paˇ za kʼoꞈ ni, naw maꞈ-ahˇ kʼoeˇ loꞈ-ehˇ sheuˬ kʼoꞈ uiˬ nehˬ laꞈ tehꞈ-a. Naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya tahˬ puˬ haw-euˬ baw le za le-eu jeˬ hawˇ-eu jeuˬ le o le-eu jeˬ nawˬ-ahˇ aˬ yawꞈ biꞈ laꞈ tehꞈ-a.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Dawqdaq 15:9

Haiˬ-eu deuˬ neh mˇ-euˬ gaˇ-ahˇ, Sahˬpaˬ Miˬyehˇ nui daˆ daˆ-awˇ, yaw tsaˬ yaw dawˇ mˇ-eu tsawˇ haˬ deuˬ-ahˇ, aˬ yawꞈ gaˬ-eu meh.

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Dawˬmehˬ 28:1

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ naˇ haˬ geuꞈ-awˇ, iˬ nah ngaˇ nawˬ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ saˇ jaˇ ziꞈ-eu laꞈ kʼoeˇ caw teh naˇ, miˇ tsaˬ kʼoeˇ taˆ jawˇ-eu tsawˇ jeuˬ dawˬ tawˆ luꞈ naˆ maˬ tseˇ huiˬ dzehˬ-eu tsawˇ jeuˬ, naw maꞈ-ahˇ aˬ yawꞈ bi pyeuꞈ laˇ tehꞈ-a.

Neˬhaˬmiˇ 9:32

Miˬyehˇ-oˇ, Nga maꞈ-euˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Aˇ naˆ ni guˆ laˇ paˬ-ehˇ gʼeh-awˇ, aˇ naˆ ni baoˬ huiˬ-eu nga. Nawˬ-euˬ dawˬ ma saˇ jaˇ-ahˇ nawˇ ziꞈ-eu meh. Aˬshuˇliˆ sahˬ paˬ deuˬ nga maꞈ-ahˇ kʼehˬ ngeh neh iˬ nah keuˆ ni, nga maꞈ aˇ naˆ ni ya shaˬ ya zahˬ-euˬ nga. Nga maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, Miˬyehˇ gʼaˇ duˬ ngehˬ dah-eu deuˬ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-euˬ tsawˇ haˬ dawˬ tawˆ luꞈ maˬ ehˇ, ya shaˬ ya zahˬ-euˬ ma. Nga maꞈ aˇ naˆ ni ya daˬ-euˬ gaˇ noeˬ keuˆ nehˬ laꞈ-awˬ.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.