Dawˬmehˬ 4:31 - Akha

³¹ Aˬ yawꞈ-aˬ, gʼawˬ shaˬ gaˬ nya-eu Miˬyehˇ pyeuꞈ-eu meh. Naw maꞈ-ahˇ aˬ yawꞈ maˬ byehˇ dzeh-a. Maˬ laˆ luˬ maˬ laˆ seˇ-a. Naw maꞈ-euˬ aˬ poeˬ aˬ bawˇ deuˬ nehˬ-ehˇ aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Dawˬmehˬ 4:31 Referans Kwoze

Jaceuq 116:5

Sahˬpaˬ Miˬyehˇ-aˬ, gʼawˬ shaˬ gaˬ nya-awˇ muiˬ dui jaˬ dui dui meh. Aˬ dui-euˬ Miˬyehˇ-aˬ, gʼawˬ shaˬ gaˬ nya-eu gʼaˬ meh.

Dawˬmehˬ 31:8

Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Neˬhaˬmiˇ 9:31

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, aˬ yawꞈ maꞈ-ahˇ nawˇ maˬ byehˇ dzeh-ehˇ, maˬ laˆ luˬ maˬ laˆ seˇ nehˬ-aˬ. Nawˇ-aˬ, gʼawˬ shaˬ gaˬ mya dui dui-eu Miˬyehˇ meh.

2 Laˬsaˬbaˬ 30:9

Naw maꞈ Sahˬpaˬ Miˬyehˇ jawˇ paw gʼoꞈ laˇ naˇ, naw maꞈ-euˬ aˬ yuiꞈ aˬ nyiˇ deuˬ-ahˇ nyehꞈ gʼeh-euˬ tsawˇ haˬ deuˬ naw maꞈ-euˬ aˬ yuiꞈ aˬ nyiˇ kʼoeˇ deuˬ-ahˇ gʼawˬ shaˬ haw gaˬ-awˇ, iˇ kʼahˇ-ahˇ bi gʼoꞈ laˇ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nya-eu miˇ neh, naw maꞈ aˬ yawꞈ jawˇ paw gʼoꞈ laˇ naˇ, aˬ yawꞈ naw maꞈ-ahˇ ha geuꞈ nehˬ laꞈ tehꞈ-a.”

Uˬ duˬ 26:42

Yaˬkoˆ, Iˇtsaˆ, Aˬbyaˬhaˬ aˬ ha maꞈ-ahˇ ngaˬ neh dzaˬ taˬ-euˬ dawˬ ma saˇ jaˇ-ahˇ ngaˇ paˇ noeˬ keuˆ-awˇ, miˇ kʼahˬ kʼoeˇ kʼahˬ ngaˬ-euˬ tsawˇ haˬ deuˬ-ahˇ biꞈ ma lehˇ, ngaˬ neh ehˇ tsehˆ taˬ-euˬ loꞈ-ehˇ, yaw shuiꞈ shuiꞈ-ehˇ ngaˇ paˇ noeˬ paˇ ma.

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

Luˇkaꞈ 1:72

Aˬ dui-euˬ poeˬ piˬ kʼoeˇ deuˬ-ahˇ, aˬ yawꞈ gʼawˬ shaˬ gaˬ-eu laꞈ kʼoeˇ, muiˬ-eu shawˇ-eu dawˬ ma saˇ jaˇ, noeˬ keuˆ ma lehˇ yawꞈ ehˇ-eu meh.

Yeˬlaˬmiˇ 14:21

Nawˬ neh saˇ jaˇ dzaˬ-euˬ gaˇ noeˬ keuˆ-awˇ, nga maꞈ-ahˇ taˬ haw doeˇ nehˬ laꞈ. Yaw shehꞈ kʼahˬ sehˇ huiˬ-eu nawˬ-euˬ nuiˇ mahˬ jaˆ-eu, Yeˬluˇsaˬlehˬ meuˬ daˬ taˬ bi ga laꞈ. Nga maꞈ nehˬ-ehˇ nawˬ neh dzaˬ-euˬ, dawˬ ma saˇ jaˇ taˬ byehˇ nehˬ laꞈ.

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 111:5

Aˬ yawꞈ-ahˇ taˬ huiˬ-eu deuˬ-ahˇ aˬ yawꞈ bi dzaˬ bi dawˇ dehˆ-awˇ, aˬ yawꞈ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Bawˇtsahˬ 14:18

‘Sahˬpaˬ Miˬyehˇ pyeuꞈ-eu ngaˇ-aˬ, yaw awˇ laꞈ-ehˇ nui ma maˬ pehˇ. Ngaˇ-aˬ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu uˬ taꞈ, iˬ baˇ ahˇ-eu tsawˇ haˬ deuˬ hawˇ-eu ngaˬ-ahˇ puiˬ-eu tsawˇ haˬ deuˬ-ahˇ iˬ baˇ pyehˬ nehˬ-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ-euˬ iˬ baˇ baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ maˬ deuˬ-ahˇ, smˬ ziˇ oeˬ ziˇ keuˆ ni maˬ bi dzeuˇ-iˇ ni ngaˇ kʼehˬ nehˬ ma’ lehˇ nawˇ ehˇ taˬ-euˬ jaˆ-eu meh.

Uˬ duˬ 26:45

Aˬ yawꞈ maꞈ-euˬ Miˬyehˇ ya pyeuꞈ laˇ ni, miˇ kʼahˬ heu myaˆ ni gʼeh-eu mehˬ shi, Iˇjiˇtuˆ miˇ kʼahˬ laꞈ kʼoeˇ neh ngaˬ neh sheuˬ doˆ laꞈ-euˬ aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-eu dawˬ ma saˇ jaˇ-ahˇ, yaw shuiꞈ shuiꞈ-ehˇ paˇ noeˬ keuˆ ma.”

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Jaceuq 105:8

Aˬ yawꞈ-euˬ dawˬ ma saˇ jaˇ-ahˇ mˬ maˬ maˬ byaˆ zaˇ ziˇ aˬ yawꞈ ziꞈ-awˇ, aˬ yawꞈ-euˬ saˇ jaˇ dawˬ-ahˇ aˇ heˇ ziˇ ziꞈ tehꞈ-a.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

Uˬ duˬ 26:44

Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-euˬ miˇ kʼahˬ-ahˇ aˬ yawꞈ maꞈ jawˇ luꞈ ngeh, aˬ yawꞈ maꞈ-ahˇ byehˇ tsehˆ tsehˆ-awˇ, laˆ cawˆ byoˆ nehˬ-eu jeˬ ngaˇ maˬ mˇ. Kʼoeˇ loꞈ-ehˇ jahˇ naˇ, ngaˬ neh aˬ yawꞈ maꞈ nehˬ-ehˇ saˇ jaˇ dzaˬ taˬ-euˬ jeˬ aˇ saˬ saˬ gaˇ duˇ tehꞈ-a. Ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Jaceuq 103:8

Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu meh. Nui ma pehˇ-eu maˬ kawˇ-eu uˬ taꞈ, maˬ tsehˆ leˇ nya-eu gʼoeˇ-eu gaˬ-eu jeˬ byah luꞈ-eu meh.

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Yeˬlaˬmiˇ 30:11

Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Doˆ-iˇ 6:8

Aˬ byaˬ haˬ, Iˇ tsaˆ hawˇ-eu Yaˬ koˆ-ahˇ biꞈ ma lehˇ ngaˬ neh ehˇ tsehˆ taˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-awˇ, miˇ kʼahˬ kʼoeˇ kʼahˬ naw maꞈ-ahˇ ngaˇ biꞈ tsehˆ nehˬ ma. Ngaˇ-aˬ, Sahˬpaˬ Miˬyehˇ ma lehˇ ehˇ nehˬ awˬ.”