Dawˬmehˬ 34:10 - Akha

¹⁰ Iˇsaˬleˬlaˆ tsawˇ jeuˬ laꞈ kʼoeˇ, Moˇseˬ-ahˇ duˇ-eu Miˬyehˇ gʼaˇ duˬ ngehˬ dah-eu tiˬ gʼaˬ-iˬ maˬ doˆ laˇ haw-aˬ. Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-euˬ aˬ yawꞈ loꞈ-ehˇ gʼeh-eu tsawˇ haˬ maˬ jawˇ-a.

Dawˬmehˬ 34:10 Referans Kwoze

Doˆ-iˇ 33:11

Cawˬ nyiˬ gʼaˬ dawˬ ja ja cawˬ-eu loꞈ-ehˇ, Moˇseˬ-ahˇ Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ, Moˇseˬ gʼoꞈ-iˇ-eu meh.

Gʼaˬkʼehˇ 7:37

‘Ngaˬ-ahˇ kʼehˇ gʼeh leꞈ-euˬ loꞈ-ehˇ, Miˬyehˇ gʼaˇ duˬ ngehˬ dah-eu tiˬ gʼaˬ naw maꞈ jawˇ gaˇ Miˬyehˇ paˇ kʼehˇ gʼeh leꞈ tehꞈ-a. Aˬ yawꞈ-aˬ, naw maꞈ-euˬ aˇ jeuˬ aˇ ca pyeuꞈ tehꞈ-a’ lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-euˬ gʼaˬ-aˬ, Moˇseˬ meh.

Doˆ-iˇ 11:3

Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ tsawˇ haˬ deuˬ yaw zeu baw ni, Sahˬpaˬ Miˬyehˇ jahˇ-euˬ meh. Maˇ maˇ ni, Iˇjiˇtuˆ sahˬ paˬ-euˬ gaˇ mˇ-eu yaw huiˬ yaw mahˇ deuˬ hawˇ-eu, Iˇjiˇtuˆ tsawˇ haˬ deuˬ-euˬ mehˬ shi, Moˇ seˬ-aˬ, Iˇjiˇtuˆ miˇ kʼahˬ laꞈ kʼoeˇ huiˬ dui dui-eu tsawˇ haˬ tiˬ gʼaˬ loꞈ -ehˇ pyeuꞈ-eu meh.

Dawˬmehˬ 34:11

Iˇjiˇtuˆ sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ jawˇ gaˇ maˬ ehˇ, aˬ yawꞈ-euˬ miˇ kʼahˬ kʼahˬ lah ni-ahˇ maˬ ehˇ, Moˇseˬ-ahˇ Sahˬpaˬ Miˬyehˇ pyehˬ gʼeh-awˇ bi mˇ mehˬ-euˬ zahˬ laˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu kʼoeˇ deuˬ-ahˇ, Miˬyehˇ gʼaˇ duˬ ngehˬ dah-eu tsawˇ haˬ nui gʼaˬ maˬ mˇ haw-aˬ.

Doˆ-iˇ 8:13

Moˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ-awˇ, nymˇ laꞈ kʼoeˇ kʼaˇ jawˇ-eu kʼaˬ paˬ deuˬ maˬ ehˇ, pu doe ni jawˇ-eu kʼaˬ paˬ deuˬ maˬ ehˇ, deh ma doe ni jawˇ-eu kʼaˬ paˬ deuˬ maˬ ehˇ, shiˇ jiˇ-euˬ meh.