Dawˬmehˬ 33:7 - Akha

⁷ Yuˇdaˆ gaˇ kawˆ Moˇseˬ ehˇ-eu, “Yuˇdaˆ tsawˇ jeuˬ-euˬ shaˇ dawˬ-ahˇ, Sahˬpaˬ Miˬyehˇ naˇ haˬ nehˬ-awˬ. Iˇsaˬleˬlaˆ tsawˇ jeuˬ deuˬ-ahˇ, aˬ yawꞈ maꞈ bi gʼoꞈ gm leˇ-awˬ. Muiˇ-eu deuˬ neh maˬ bi gʼaˬ ni, Sahˬpaˬ Miˬyehˇ caw ba nehˬ-awˬ.”

Dawˬmehˬ 33:7 Referans Kwoze

HeˬByehˇ 7:14

Aˬ yawꞈ Yuˇdaˆ tsawˇ jeuˬ laꞈ kʼoeˇ dehꞈ le-euˬ meh lehˇ yawˬ gʼaˬ na luꞈ siˬ nya-meh. Piˇ ma bi geuꞈ-eu gaˇ kawˆ Moˇseˬ ehˇ ngeh, tsawˇ jeuˬ heu jeuˬ-ahˇ maˬ ehˇ-aˬ.

1 Gawˇliˬtu 15:25

Aˬ jeˬ miˇ neh ehˇ naˇ, muiˇ-eu deuˬ dawˬ tawˆ luꞈ-ahˇ Miˬyehˇ deuˆ gʼaˬ jiˇ-awˇ, aˬ yawꞈ-euˬ aˬ kuiˇ pehˬ zaˬ uˬ moˆ bi jawˇ jiˇ ngeh keuˆ ni Ka li ya uˆ lahˇ tehꞈ-a.

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Jaceuq 146:5

Yaˬkoˆ-euˬ Miˬyehˇ neh caw ba nehˬ-euˬ gʼaˬ guiˬ lahˬ huiˬ-eu meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu gʼaˬ guiˬ lahˬ huiˬ-eu meh.

Jaceuq 21:8

Muiˇ-eu tsawˇhaˬdawˬtawˆluꞈ-ahˇ, sahˬpaˬneh bi nyehꞈmi jiˇ-awˇ, aˬyawꞈ-ahˇbye-eu tsawˇhaˬdeuˬ, dawˬtawˆluꞈbi nyehꞈjiˇtehꞈ-a.

Jaceuq 20:2

Uˬduˬtahˬnymˇnymˇma-ahˇneh, caw ba-eu jeˬ bi keuˆle-awˇ, yawꞈ-euˬ Ziˇoˬgawˬjawˬ-ahˇneh, ngehˬgʼeh-eu jeˬ keuˆle luꞈ-uˇ.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Jaceuq 78:70

Aˬ yawꞈ-euˬ zaˬ kʼaˆ Daˬbiˇ-ahˇ aˬ yawꞈ tseˇ doˆ-awˇ, yawˇ bo duˬ-ahˇ jawˇ gaˇ sheuˬ doˆ laˬ-iˇ-euˬ meh.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Jaceuq 21:1

Sahˬpaˬ Miˬyehˇ-oˇ, nawˬneh gʼaˬbiꞈnehˬ-euˬmiˇneh, sahˬpaˬlaˬkʼaˬcehˇluꞈ-eu meh. Gʼaˬleˇ-eu jeˬbiꞈ-euˬmiˇneh, aˬyawꞈlaˬkʼaˬcehˇdui dui meh.

1 Laˬsaˬbaˬ 12:22

Aˬ yawꞈ nah yawꞈ ehˇ gʼaˬ ni, Daˬbiˇ-euˬ guiˇ maꞈ laꞈ kʼoeˇ, tsawˇ haˬ yaw shuiꞈ uˇ lahˬ laˇ luꞈ-eu meh. Kʼoeˇ miˇ neh, gʼawˬ myahˇ maˬ gʼeh-ehˇ Daˬbiˇ-euˬ guiˇ maꞈ myaˬ dui dui laˇ-euˬ meh.

2 Saˬmeuˬlaˆ 5:24

Kʼoeˇ naˇ, boeˬ dzaˇ aˇ bawˇ kʼoeˇ deuˬ-euˬ uˬ du, guiˇ deuˆ gaˇ iˇ luꞈ-eu teˇ saˇ loꞈ-ehˇ nawˬ-ahˇ gaˬ laˇ naˇ, guiˇ deuˆ-iˇ-awˬ. Aˬ jeˬ miˇ neh ehˇ naˇ, Piˇliˇtiˆ tsawˇ haˬ deuˬ-ahˇ deuˆ gʼaˬ-eu gʼaˇ duˬ, nawˬ-euˬ mehˬ hu ngaˇ iˇ luꞈ-eu ma.”

2 Saˬmeuˬlaˆ 5:19

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-awˬ loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ, Sahˬpaˬ Miˬyehˇ ehˇ-eu meh.

2 Saˬmeuˬlaˆ 5:1

Kʼoeˇ naˇ, Iˇsaˬleˬlaˆ tsawˇ jeuˬ dawˬ tawˆ luꞈ, Heˬbyoˬ meuˬ-ahˇ Daˬbiˇ jawˇ gaˇ laˇ-awˇ, heu loꞈ-ehˇ ehˇ-eu meh. “Nga maꞈ-aˬ, nawˬ-euˬ shiˬ shaˬ pyeuꞈ-eu ma.

2 Saˬmeuˬlaˆ 3:1

Sawˇluˆ-euˬ aˬ yuiꞈ aˬ nyiˇ deuˬ jawˇ paw pyawˬ-eu tsawˇ haˬ deuˬ hawˇ-eu, Daˬbiˇ jawˇ paw pyawˬ-eu tsawˇ haˬ deuˬ, aˇ yamˬ gʼawˬ myahˇ ni guiˇ deuˆ deuˆ-ehˇ jawˇ-euˬ meh. Daˬbiˇ tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-awˇ, Sawˇluˆ-euˬ aˬ yuiꞈ aˬ nyiˇ deuˬ tiˬ jawˇ saˇ-iˬ tiˬ jawˇ gʼaˬ teˬ-iˇ luꞈ-eu meh.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Bawˇtsahˬ 34:19

Heu-aˬ, Sahˬpaˬ Miˬyehˇ neh tseˇ doˆ-euˬ tsawˇ haˬ deuˬ-euˬ tsawˇ myahˇ meh. Yuˇdaˆ tsawˇ jeuˬ laꞈ kʼoeˇ, Yeˬpuˬnehˇ-euˬ aˬ li Gaˬlehˆ.

Yawˇshuˆ 15:20

Heu-aˬ, Yuˇdaˆ tsawˇ jeuˬ-euˬ aˇ jeuˬ aˇ ca deuˬ-ahˇ biꞈ tsehˆ tsehˆ nehˬ-euˬ miˇ kʼahˬ pyeuꞈ-eu meh.

Jaceuq 89:24

Ngaˇ aˬ yawꞈ-ahˇ gaˬ-awˇ saˇ jaˇ ziꞈ ma. Aˬ myah luꞈ aˬ cawˬ kʼoeˇ taˆ gʼaˬ leˇ-eu gʼaˬ bi pyeuꞈ ma.