Dawˬmehˬ 33:11 - Akha

¹¹ Yawꞈ maꞈ tsawˇ jeuˬ gʼaˬ kʼaˆ laˇ ni, Sahˬpaˬ Miˬyehˇ caw ba nehˬ-awˬ. Yawꞈ maꞈ mˇ gaˇ nui ma tsaˬ-awˇ, muiˇ-eu deuˬ-ahˇ laˆ cawˆ nehˬ-awˇ, maˬ tuˇ laˇ coeˇ ni kʼehˬ nehˬ-awˬ.”

Dawˬmehˬ 33:11 Referans Kwoze

Yeˬsaˬgeˬlaˇ 43:27

Kʼoeˇ shiꞈ nah dzeuˇ ngeh jawˇ, miˇ kʼahˬ zaˬ deuˬ neh yuˇ laꞈ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ piˇ ma deuˬ ya lawˇ daˆ leꞈ meh. Kʼoeˇ ngeh jawˇ, naw maꞈ dawˬ tawˆ luꞈ-ahˇ ngaˇ ha geuꞈ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

2 Saˬmeuˬlaˆ 24:23

Kʼoeˇ deuˬ dawˬ tawˆ luꞈ sahˬ paˬ-ahˇ Aˬyawˇnahˬ biꞈ-awˇ, “Nawˬ neh lawˇ-euˬ jeˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ha geuꞈ luꞈ-uˇ” lehˇ ehˇ nehˬ-euˬ meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Aˬmoˆ 5:10

Maˬ tsaˬ maˬ dawˇ-eu jeˬ-ahˇ ceh-awˇ, yaˇ kʼaˬ daˇ-eu saˇ naˇ laꞈ kʼoeˇ yaw tsaˬ yaw dawˇ jeˬ tehꞈ-ehˇ ngehˬ-eu deuˬ-ahˇ naw maꞈ bye-eu meh.

Yeˬlaˬmiˇ 15:10

Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.

Iˇsaˬyaˇ 29:21

Yaw haiˬ deuˬ buˬ-iˇ ni ja piˇ-awˇ, tsawˇ muiˬ yaw doeˇ oꞈ ni ngehˬ-eu tsawˇ haˬ, Miˬyehˇ laˆ cawˆ nehˬ gaˇ ya daˬ tehꞈ-a.

Jaceuq 20:3

Nawˬneh kʼaˇdamˬnehˬ-euˬjeˬ-ahˇ, aˬyawꞈmaˬngehˇni noeˬkeuˆ-awˇ, nawˬneh kʼaˇlawˇnehˬ-euˬjeˬ-ahˇ, nui kʼahˇshiˇ-awˇha geuꞈluꞈ-uˇ.

Dawˬmehˬ 33:10

Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a.

Dawˬmehˬ 33:12

Beˬyaˬmiˬ-euˬ gaˇ kawˆ ehˇ-eu, “Sahˬpaˬ Miˬyehˇ gaˬ-eu tsawˇ jeuˬ, aˬ yawꞈ neh haw piˇ-euˬ tsawˇ jeuˬ, aˬ yawꞈ maꞈ gʼahˇ ceh jawˇ-eu meh.”

Yeˬlaˬmiˇ 17:18

Ngaˬ-ahˇ kʼehˬ-eu tsawˇ haˬ deuˬ kʼoeˇ taˆ shaꞈ dawˇ-eu jeˬ bi keuˆ le-awˬ. Ehˇ kʼawꞈ, ngaˬ-ahˇ daˬ taˬ bi ga laꞈ. Aˬ yawꞈ maꞈ-ahˇ laˆ guˆ nehˬ-awˬ. Ehˇ kʼawꞈ, ngaˬ-euˬ kʼoeˇ taˆ guˆ-eu jeˬ taˬ bi keuˆ le laꞈ. Aˬ yawꞈ-euˬ kʼoeˇ taˆ shaˬ zahˬ guˆ gaˆ bi keuˆ le-awˇ, laˆ piˬ laˆ byoˆ nehˬ-awˬ.