Dawˬmehˬ 33:10 - Akha10 Nawˬ-euˬ Zahˇ dawˬ kʼoꞈ dawˬ mehˬ nah, nawˬ-euˬ zaˬ deuˬ bi caw teh ni, yawꞈ maꞈ mehˬnehˬ tsoˆnehˬ tehꞈ-a. Yawꞈ maꞈ nawˬ-euˬ lawˇ duˬ kʼoeˇ taˆ, lawˇ-eu shehˇ-eu jeˬ mˇ tehꞈ-a. Gade chapit la |
Kʼoeˇ shiꞈ nah dzeuˇ ngeh jawˇ, miˇ kʼahˬ zaˬ deuˬ neh yuˇ laꞈ-euˬ miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ piˇ ma deuˬ ya lawˇ daˆ leꞈ meh. Kʼoeˇ ngeh jawˇ, naw maꞈ dawˬ tawˆ luꞈ-ahˇ ngaˇ ha geuꞈ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”
Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.
Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.
Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.
Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.
Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.
Aˬ yawꞈ maꞈ ehˇ-eu, “Awˇziˇ-oˇ, Sahˬpaˬ Miˬyehˇ-ahˇ yaw saw jeˬ doꞈ damˬ-eu gaˇ heu nawˇ mˇ-eu zahˇ sahˇ kʼoꞈ-ahˇ maˬ tsaˬ-a. Aˬloˬ-euˬ zaˬ deuˬ uˆ deuˬ tehꞈ-ehˇ heu loꞈ-ehˇ mˇ-eu gʼaˇ duˬ gʼawˇ mawˇ a nehˬ taˬ-euˬ meh. Muiˬ-eu shawˇ-eu jawˇ duˬ heu tsahˇ-ahˇ neh doˆ-iˇ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ mˇ bahˬ-euˬ miˇ neh, aˬ yawꞈ-euˬ guiˬ lahˬ nawˇ maˬ paˇ za nya meh.”
Aˬloˬ-ahˇ Moˇseˬ ehˇ nehˬ-eu, “Nawˬ-euˬ miˬ jiˆ pehˆ ahˇ-eu guiˬ gʼawˆ yuˇ-awˇ, lawˇ duˬ kʼoeˇ taˆ jaˆ-eu doꞈ luꞈ-eu miˬ jiˆ pehˆ ahˇ-awˇ, miˬ jiˆ kʼoeˇ taˆ yaw saw jeˬ dawˆ puiˆ-awˬ. Kʼoeˇ naˇ, tsawˇ haˬ kʼoeˇ deuˬ jawˇ gaˇ yaw kawˇ-ehˇ iˇ-awˇ, aˬ yawꞈ maꞈ bi shawˇ laˇ-eu zahˇ jahˇ-awˬ. Yaw kawˇ kawˇ-ehˇ jahˇ-awˬ. Sahˬpaˬ Miˬyehˇ nui ma pehˇ laˇ taˬ-euˬ miˇ neh luˬ-iˇ seˇ-iˇ-eu jeˬ keuˆ le taˬ-euˬ nga.”
Heu-aˬ, Aˬloˬ-euˬ zaˬ deuˬ uˆ deuˬ maˬ ngeuˇ naˇ, Sahˬpaˬ Miˬyehˇ-ahˇ yaw saw jeˬ lawˇ-eu gʼaˇ duˬ, tsawˇ haˬ tiˬ gʼaˬ-iˬ lawˇ duˬ dawˬ peh maˬ ya laˇ-eu gaˇ kawˆ Iˇsaˬleˬlaˆ tsawˇ haˬ deuˬ yahˇ ni bi siˬ bi mawˇ-eu jeˬ pyeuꞈ-eu meh. Maˬ ngeuˇ naˇ, Kawˇlaˆ hawˇ-eu aˬ yawꞈ-euˬ tsawˇ haˬ deuˬ loꞈ-ehˇ ya cawˆ-iˇ gaˇ keuˆ tehꞈ-a. Kʼoeˇ naˇ, Sahˬpaˬ Miˬyehˇ neh Moˇseˬ-ahˇ gʼoe-awˇ Eˇlaˬzaˬ-ahˇ dawˬ kʼaˇ biꞈ nehˬ-euˬ loꞈ-ehˇ yawˬ jeˬ na luꞈ mˇ jiˇ-euˬ meh.
Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.
Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.
Kʼoeˇ gaˇ, Sahˬpaˬ Miˬyehˇ-euˬ mehˬ shi, yaw saw jeˬ kʼoeˇ miˬ dzaˬ-ahˇ aˬ yawꞈ dawˆ puiˆ-awˇ, Dawˬ ma saˇ jaˇ Bahˬ keuˆ kʼmˬ pymˬ-ahˇ aˬ yawꞈ maˬ ya haw mawˇ-eu gʼaˇ duˬ, miˬ dzaˬ uˬ kʼoeˬ neh ya bi dehˬ kaˬ-eu meh. Aˬ jeˬ miˇ neh ehˇ naˇ, bahˬ keuˆ kʼmˬ pymˬ-ahˇ aˬ yawꞈ ya haw mawˇ naˇ, aˬ yawꞈ ya shiˇ meh.
Tsawˇ haˬ tiˬ gʼaˬ shaˬ jiˇ lawˇ-euˬ yuˇ-awˇ pehˇ kʼahˬ neh dehˬ kaˬ-awˇ yuˇ gʼeh-eu ehˇ-awˬ. Kʼoeˇ naˇ, kaˬ muˇ maˬ ehˇ, jahˇ jaꞈ taˬ-euˬ dzaˇ maˬ ehˇ, aˬ gaꞈ dzaˇ uiˇ maˬ ehˇ, saˬ loˬ tsiˇ maˬ ehˇ, dzaˇ tiˬ jeˬ-ahˇ pehˇ kʼahˬ kʼoeˇ kahˇ neh ya laˆ ciˆ shaw naˇ, kʼaˇ laˆ ciˆ-euˬ dzaˇ kʼoeˇ shawˇ laˇ ta loˇ lehˇ naˇ haˬ-awˬ.” Dawˬ kʼoeˇ dawˬ naˇ haˬ ngeh, “Maˬ ngeuˇ-a” lehˇ piˇ ma deuˬ ehˇ-eu meh.