Dawˬmehˬ 32:49 - Akha

⁴⁹ “Yeˬliˇkoˇ meuˬ-euˬ tiˬ dawˇ heu baˬ-ahˇ jaˆ-eu Mawˇbaˆ miˇ kʼahˬ Aˬbaˬleˬ gawˬ jawˬ jaˆ gaˇ le-awˬ. Neˬboˬ gawˬ jawˬ-ahˇ daˆ leˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ biꞈ-eu lehˇ gʼeh-eu Kaˬnaˬ miˇ kʼahˬ-ahˇ haw gʼeh-awˬ.

Dawˬmehˬ 32:49 Referans Kwoze

Bawˇtsahˬ 27:12

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬbaˬleˬ gawˬ jawˬ-ahˇ daˆ leˇ-awˇ, Iˇsaˬleˬlaˆ tsawˇ haˬ deuˬ-ahˇ ngaˇ biꞈ-eu lehˇ gʼeh luꞈ-eu miˇ kʼahˬ-ahˇ haw gʼeh-awˬ.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

Iˇsaˬyaˇ 33:17

Huiˬ dui dui-eu miˇ kʼahˬ-ahˇ uˆ lahˇ-eu, kʼahˬ sehˇ jaˆ-eu sahˬ paˬ-ahˇ nawˇ ya mawˇ tehꞈ-a.

Gʼaˬkʼehˇ 7:45

Aˬ dui maꞈ-euˬ aˬ poeˬ aˬ bawˇ kʼoeˇ deuˬ, aˬ yawꞈ maꞈ-euˬ aˬ da deuˬ-euˬ laꞈ-ahˇ neh sehˬ gʼawˆ kʼoeˇ hmˬ za-awˇ, aˬ yawꞈ maꞈ mehˬ hu paw le gʼeh leꞈ-eu nehˬ-ehˇ Miˬyehˇ neh bi teh doˆ-euˬ tsawˇ jeuˬ deuˬ-euˬ miˇ kʼahˬ yuˇ geuꞈ-eu lehˇ Yawˇshuˆ nehˬ-ehˇ aˬ yawꞈ maꞈ le ngeh jawˇ, sehˬ gʼawˆ kʼoeˇ gʼawˆ baꞈ gʼeh-euˬ meh. Kʼoeˇ naˇ, sehˬ gʼawˆ kʼoeˇ Daˬbiˇ-euˬ ziˇ-ahˇ keuˆ ni kʼoeˇ gaˇ jaˆ-euˬ meh.

Uˬ duˬ 14:34

Heu-aˬ, nyawˬ naˇ-eu maˇ naˇ dawꞈ-eu nymˇ-ahˇ taꞈ-eu zahˇ sahˇ kʼoꞈ meh. Zahˇ sahˇ kʼoꞈ heu deuˬ-aˬ, Sahˬpaˬ Miˬyehˇ neh biꞈ-euˬ Kaˬnaˬ miˇ kʼahˬ-ahˇ Iˇsaˬleˬlaˆ tsawˇ haˬ deuˬ le keuˆ ngeh, Iˇsaˬleˬlaˆ tsawˇ haˬ deuˬ ya zmˬ-eu zahˇ sahˇ kʼoꞈ pyeuꞈ-eu meh.

Dawˬmehˬ 3:27

Piˇsaˬgaˬ gawˬ jawˬ uˬ du daˆ leˇ-awˇ, laꞈ taˆ paw pyawˬ-ahˇ maˬ ehˇ, laꞈ oˆ paw pyawˬ-ahˇ maˬ ehˇ, nahˇ ma doˆ kʼehˬ paw pyawˬ-ahˇ maˬ ehˇ, nahˇ ma ga kʼehˬ paw pyawˬ-ahˇ maˬ ehˇ, haw gʼeh-awˬ. Kʼaˇ ya mawˇ-eu jeˬ-ahˇ yaw duˬ duˬ-ehˇ haw-awˬ. Aˬ jeˬ miˇ neh ehˇ naˇ, Yawˇdaˬ lawˇ baˬ kʼoeˇ paw baˬ-ahˇ nawˇ maˬ paˇ ya le tsehˆ meh.

Yeˬlaˬmiˇ 22:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Leˬbaˬnoˬ gawˬ jawˬ-ahˇ le-awˇ guˇ-awˬ. Baˬshaˬ miˇ kʼahˬ-ahˇ le-awˇ ngoeˇ leˇ-awˬ. Mawˇbaˆ gawˬ jawˬ doe ni le-awˇ guˇ-awˬ. Aˬ jeˬ miˇ neh ehˇ naˇ, naw maꞈ-ahˇ nui ma gm-euˬ deuˬ, aˬ cawˬ neh deuˆ gʼaˬ jiˇ-euˬ meh.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”