Dawˬmehˬ 32:39 - Akha

³⁹ “‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Dawˬmehˬ 32:39 Referans Kwoze

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Iˇsaˬyaˇ 45:5

“Ngaˇ Sahˬpaˬ Miˬyehˇ pyeuꞈ-eu ma. Miˬyehˇ nui taw nui gʼaˬ maˬ jawˇ. Nawˇ ngaˬ-ahˇ maˬ siˬ nya-euˬ kʼawꞈ, nawˇ loˬ-eu gʼaˬ deuˬ ngaˇ biꞈ ma.

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 43:13

Nymˬ-mˇ ngaˇ Miˬyehˇ pyeuꞈ-eu loꞈ-ehˇ, mˬ maˬ maˬ byaˆ zaˇ ziˇ ngaˇ Miˬyehˇ ma. Ngaˬ-euˬ baoˬ-ahˇ cehˆ dzeuˇ nya-eu gʼaˬ maˬ jawˇ-ehˇ, ngaˬ neh mˇ-euˬ jeˬ-ahˇ laˆ paˇ nya-eu gʼaˬ maˬ jawˇ-a.”

Iˇsaˬyaˇ 46:4

Ngaˇ naw maꞈ-euˬ Miˬyehˇ pyeuꞈ-awˇ, naw maꞈ mawˬ le-awˇ uˬ duˬ pyuˇ le ngeh keuˆ ni, naw maꞈ-ahˇ ngaˇ bo saˆ haw piˇ nehˬ ma. Naw maꞈ-ahˇ beh-euˬ gʼaˬ ngaˇ ma. Naw maꞈ-ahˇ ngaˇ haw piˇ nehˬ ma. Naw maꞈ-ahˇ ngaˇ ngehˬ gʼeh-awˇ ka kʼoꞈ ma.

Iˇsaˬyaˇ 45:18

Sahˬpaˬ Miˬyehˇ mˬ-ahˇ beh-euˬ meh. Aˬ yawꞈ-aˬ, Miˬyehˇ meh. Miˇ tsaˬ tahˬ kʼawˇ aˬ yawꞈ tehˆ-awˇ, ziꞈ dah ni laˆ ziꞈ taˬ-euˬ meh. Miˇ tsaˬ-ahˇ yawꞈ ngehꞈ-ehˇ beh taˬ-euˬ maˬ ngeuˇ-ehˇ, tsawˇ haˬ bi jawˇ-eu gʼaˇ duˬ beh-euˬ meh. Aˬ yawꞈ heu loꞈ-ehˇ ehˇ nehˬ-eu meh. “Ngaˇ Sahˬpaˬ Miˬyehˇ ma. Miˬ yehˇ nui gʼaˬ maˬ jawˇ.”

Jaceuq 68:20

Aˬ dui-euˬ Miˬyehˇ-aˬ, aˬ dui-ahˇ ka kʼoꞈ-eu Miˬyehˇ pyeuꞈ-awˇ, shiˇ-eu jeˬ keuˆ le ngeh aˬ dui-ahˇ sheuˬ dzeuˇ nehˬ laꞈ-eu meh.

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.

2 Sahˬpaˬ 5:7

Sahˬ boꞈ kʼoeˇ taꞈ-ahˇ Iˇsaˬleˬlaˆ sahˬ paˬ gui gʼaˬ ngeh, aˬ yawꞈ dm luꞈ-eu mehˬ tsoeˬ cehˬ pyaˬ-awˇ ehˇ-eu, “Tsawˇ haˬ heu gʼaˬ-euˬ naˇ gawˇ laˆ saˆ taˬ nehˬ-awˬ lehˇ, Suˇliˆ sahˬ paˬ ngaˬ-ahˇ aˬ joˆ-ehˇ ehˇ nya-eu nga. Ngaˇ-aˬ, tsawˇ haˬ-ahˇ laˆ dehꞈ laˆ shiˇ nya-eu baoˬ ahˇ-eu miˬyehˇ nga lehˇ aˬ yawꞈ noeˬ ta loˇ. Aˬ yawꞈ ngaˬ-ahˇ nui ma laˆ pehˇ-awˇ, ceh dzaˬ-eu gaˇ ma poˆ-eu lehˇ gʼeh-eu ngaˇ.”

Jaceuq 102:27

Ehˇ kʼawꞈ nawˇ aˬ myah luꞈ maˬ poˆ maˬ paˇ laˇ-ehˇ, ziˇ jiˇ-eu maˬ baw-a.

Yawˇbaˆ 10:7

Ngaˇ iˬ baˇ maˬ ahˇ-eu gaˇ kawˆ hawˇ-eu, tsawˇ haˬ tiˬ gʼaˬ-iˬ nawˬ-euˬ laꞈ-ahˇ neh ngaˬ-ahˇ maˬ ka kʼoꞈ nya-eu gaˇ kawˆ nawˇ siˬ nya meh.

Panmaeq 2:8

“Saˬmuˇlaˬnaˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu, shiˇ-awˇ paˇ gʼoꞈ dehꞈ laˇ-euˬ gʼaˬ-euˬ dawˬ meh.

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Iˇsaˬyaˇ 48:12

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ neh kuˇ doˆ taˬ-euˬ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Aˇ dahˬ beh-awˇ aˇ saˬ saˬ-eu Miˬyehˇ ngaˇ ma. Ngaˇ tiˬ gʼaˬ tehꞈ-ehˇ Miˬyehˇ ma.

Yoˇhaˬ 8:24

Kʼoeˇ miˇ neh, naw maꞈ-euˬ iˬ baˇ laꞈ kʼoeˇ naw maꞈ ya shiˇ meh lehˇ ngaˇ ehˇ-eu ma. ‘Ngaˇ ehˇ luꞈ-eu kʼoeˇ gʼaˬ ngaˇ meh’ lehˇ naw maꞈ maˬ jah naˇ, naw maꞈ yawˬ ha-euˬ iˬ baˇ laꞈ kʼoeˇ ya shiˇ tehꞈ-a.”

HeˬByehˇ 1:12

Pehˇ kʼahˬ byaˆ dmˇ kʼoꞈ-eu loꞈ-ehˇ, kʼoeˇ deuˬ-ahˇ nawˇ byaˆ dmˇ kʼoꞈ-awˇ, mehˬ tsoeˬ dzeˇ paˇ paˇ-eu loꞈ-ehˇ, yaw shuiꞈ bi beˬ paˇ jiˇ tehꞈ-a. Ehˇ kʼawꞈ nawˇ maˬ poˆ maˬ paˇ-ehˇ, nawˬ-euˬ ziˇ maˬ jiˇ le nya-a.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

Doˆ-iˇ 4:7

“Nawˬ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˬ” lehˇ, Moˇseˬ-ahˇ Sahˬpaˬ Miˬyehˇ paˇ ehˇ nehˬ-euˬ meh. Moˇseˬ gʼeh, aˬ yawꞈ-euˬ aˬ laꞈ pehˇ kʼahˬ laꞈ kʼoeˇ tiˬ poˆ paˇ cawˬ ahˇ-awˇ cawˬ doˆ haw ngeh, aˬ yawꞈ yaw oeˇ loꞈ-ehˇ paˇ muiˬ laˇ-euˬ meh.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Dawˬmehˬ 32:12

Miˬ yehˇ nui gʼaˬ-ahˇ maˬ gʼoe ni, Sahˬpaˬ Miˬyehˇ tiˬ gʼaˬ tehꞈ-ehˇ, aˬ yawꞈ maꞈ-ahˇ sheuˬ doˆ-euˬ meh.

Jaceuq 18:31

SahˬpaˬMiˬyehˇtaꞈ-ehˇdzeuˇnaˇ, Miˬyehˇnui gʼaˬaˬgaˇjawˇta. Aˬdui-euˬgʼoe duˬlo guˇ-aˬ, Miˬyehˇheu gʼaˬjawˇ-eu tehꞈma.

Jaceuq 51:8

Ngaˬ-euˬ shaˬ yoeˬ-ahˇ nawˬ neh ngawˬ kʼehꞈ ngawˬ kʼoeˆ jiˇ-euˬ kʼawꞈ, ngaˇ laˬ kʼaˬ paˇ cehˇ laˇ nya ni, laˬ kʼaˬ cehˇ-eu dawˬ kawˬ deuˬ ngaˬ-ahˇ bi gaˬ laꞈ-awˬ.

Jaceuq 86:10

Nawˇ-aˬ, baoˬ huiˬ-awˇ zahˬ leˇ paˬ-ehˇ gʼeh-eu jeˬ mˇ nya-eu meh. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh.

Iˇsaˬyaˇ 19:22

Iˇjiˇtuˆ tsawˇ haˬ deuˬ-ahˇ Sahˬpaˬ Miˬyehˇ kʼehˬ neh kʼaˆ nehˬ tehꞈ-a. Ehˇ kʼawꞈ, aˬ yawꞈ maꞈ-ahˇ aˬ yawꞈ ngehˬ paˇ gʼeh nehˬ tehꞈ-a. Aˬ yawꞈ maꞈ aˬ yawꞈ jawˇ paw gʼoꞈ kʼoꞈ laˇ-awˇ guiˬ lahˬ shaˇ ngeh, aˬ yawꞈ maꞈ-euˬ shaˇ dawˬ-ahˇ aˬ yawꞈ naˇ haˬ nehˬ-awˇ, ngehˬ gʼeh dah teˬ nehˬ tehꞈ-a.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Yeˬsaˬgeˬlaˇ 37:3

“Tsawˇ haˬ zaˬ-oˇ, shaˬ yoeˬ heu deuˬ paˇ dehꞈ poˆ laˇ nya tehꞈ-a loˇ” lehˇ, aˬ yawꞈ ngaˬ-ahˇ naˇ haˬ ngeh, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, gaˇ kawˆ heu nawˇ maˬ ngeuˇ naˇ aˬ suˇ gʼaˬ siˬ nya nmˇ” lehˇ, ngaˇ ehˇ kʼoꞈ nehˬ-euˬ ma.

Yeˬsaˬgeˬlaˇ 37:12

Kʼoeˇ miˇ neh ngaˬ-euˬ tsawˇ jeuˬ Iˇsaˬleˬlaˆ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ lmˬ bymˇ ngawˬ pah ma lehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ ngaˇ tsahˇ tuˇ-awˇ, Iˇsaˬleˬlaˆ miˇ kʼahˬ-ahˇ sheuˬ kʼoꞈ laꞈ ma.

Dawˬmehˬ 7:9

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tiˬ gʼaˬ tehꞈ-ehˇ aˬ diˇ aˬ maˇ Miˬyehˇ pyeuꞈ-eu gaˇ maˬ ehˇ, aˬ yawꞈ-euˬ saˇ jaˇ ziꞈ-eu jeˬ-ahˇ maˬ ehˇ, naw maꞈ maˬ ngehˇ ni noeˬ keuˆ-awˬ. Aˬ yawꞈ-ahˇ gaˬ-awˇ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ-eu tsawˇ haˬ deuˬ-ahˇ, tiˬ heˇ ziˇ keuˆ ni aˬ yawꞈ dawˬ ma saˇ jaˇ ziꞈ-awˇ, maˬ tsehˆ leˇ-eu gʼoeˇ-eu gaˬ-eu jeˬ bi mawˇ tehꞈ-a.

2 Sahˬpaˬ 20:5

“Sahˬpaˬ Miˬyehˇ-euˬ tsawˇ haˬ deuˬ-ahˇ uˆ lahˇ-eu gʼaˬ pyeuꞈ-eu Heˬsaˬgiˇ-ahˇ, heu loꞈ-ehˇ ehˇ nehˬ-awˬ. ‘Nawˬ poeˬ Daˬbiˇ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, nawˬ-euˬ shaˇ dawˬ ya gaˬ-awˇ, nawˇ myaˆ biˇ yoeˇ le gaˇ ya mawˇ-euˬ ma. Nawˬ-ahˇ ngaˇ laˆ taˬ nehˬ-awˇ, smˬ nah laꞈ kʼoeˇ Uˬ duˬ tahˬ nymˇ nymˇ ma-ahˇ nawˇ ya le tehꞈ-a.

Neˬhaˬmiˇ 9:6

Kʼoeˇ naˇ, Iˇsaˬleˬlaˆ tsawˇ haˬ deuˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-eu meh. Mˬ hawˇ-eu mˬ taˆ tsehˬ-eu aˬ guiˇ deuˬ, nawˬ neh beh taˬ-euˬ meh. Mˬ hawˇ-eu miˇ kʼoeˇ taˆ kʼaˇ jawˇ-eu jeˬ maˬ ehˇ, laˆ shaˆ hawˇ-eu kʼoeˇ gaˇ uˇ-eu boeˬ boeˬ luˆ luˆ maˬ ehˇ, dawˬ tawˆ luꞈ-ahˇ nawˇ beh taˬ-awˇ, dehꞈ-eu saꞈ laˇ nawˇ biꞈ-euˬ meh. Mˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ nawˬ-ahˇ uˬ duˬ tahˬ-eu meh.

Yawˇbaˆ 10:13

Ehˇ kʼawꞈ, aˇ yamˬ kʼoeˇ dawˬ tawˆ luꞈ laꞈ kʼoeˇ, ngaˬ-ahˇ heu loꞈ-ehˇ jahˇ coeˬ nehˬ-eu gʼaˇ duˬ nawˇ nawˬ jawˬ luꞈ-eu nymˬ-mˇ ngaˇ siˬ duˬ ma.

Jaceuq 102:28

Nga maꞈ-euˬ zaˬ ziˇ nui saˇ oꞈ-awˇ, aˬ yawꞈ maꞈ-euˬ zaˬ deuˬ uˆ deuˬ, nawˇ ngehˬ gʼeh haw piˇ-eu uˬ moˆ, guˆ kʼaˇ maˬ za ni dehꞈ tehꞈ-a.

Dawˬ tsoˆ 3:3

Sehꞈ-eu aˇ yamˬ baw-eu loꞈ-ehˇ, jaˆ gʼaˬ yaˇ-eu aˇ yamˬ baw meh. Deh pyaˆ-eu yamˬ baw-eu loꞈ-ehˇ, tsoˆ muiˬ kʼoꞈ-eu yamˬ baw-eu meh.

Iˇsaˬyaˇ 43:12

Mehˬ hu paw pyeuꞈ laˇ-eu gaˇ kawˆ ngaˇ ja mehˬ-awˇ, naw maꞈ-ahˇ caw ba nehˬ-euˬ ma. Kʼoeˇ loꞈ-ehˇ mˇ taˬ-eu boeˇ miˬ siˬ kʼaˬ-euˬ miˬ yehˇ maˬ jawˇ-a. Naw maꞈ ngaˬ-euˬ saˇ kiˇ pyeuꞈ luꞈ-eu meh.

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.