Dawˬmehˬ 32:37 - Akha

³⁷ Kʼoeˇ ngeh yawꞈ-euˬ tsawˇ haˬ deuˬ-ahˇ, ‘Naw maꞈ gʼoe-euˬ miˬ yehˇ kʼoeˇ deuˬ, aˬ geu paw iˇ byoˆ jiˇ taˬ’ lehˇ, Sahˬpaˬ Miˬyehˇ naˇ haˬ tehꞈ-a.

Dawˬmehˬ 32:37 Referans Kwoze

Yeˬlaˬmiˇ 2:28

Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Yaˇ kʼaˬ daˇ 10:14

Naw maꞈ neh tseˇ geuꞈ-euˬ miˬ yehˇ deuˬ-ahˇ guˇ gaˬ nehˬ-awˬ. Shaˬ-eu zahˬ-eu jeˬ naw maꞈ ya tahˬ puˬ ngeh, aˬ yawꞈ maꞈ naw maꞈ-ahˇ bi ka kʼoꞈ le-awˬ.”

2 Sahˬpaˬ 3:13

Iˇsaˬleˬlaˆ sahˬ paˬ-ahˇ Eˇliˇshehˇ ehˇ nehˬ-eu, “Ngaˇ nawˬ-ahˇ aˬ jeˬ miˇ neh ya caw ba ta. Nawˬ da nawˬ ma gʼoe-euˬ miˬ yehˇ gʼaˇ duˬ ngehˬ dah-eu kʼoeˇ deuˬ jawˇ gaˇ iˇ-awˬ tawˇ.” Yoˇlamˬ ehˇ-eu, “Toˆ-ehˇ maˬ ngeuˇ-a. Mawˇbaˆ sahˬ paˬ-euˬ aˬ laꞈ laꞈ kʼoeˇ a nehˬ-eu lehˇ, ngaˬ ha sahˬ paˬ smˇ gʼaˬ-ahˇ kuˇ dzoeˇ nehˬ laꞈ-euˬ gʼaˬ-aˬ, Sahˬpaˬ Miˬyehˇ meh.”

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

2 Saˬmeuˬlaˆ 22:3

Ngaˬ-euˬ Miˬyehˇ ngaˬ-euˬ lo guˇ, shaˬ zahˬ oe ngeh dzuˇ zaꞈ duˬ ma. Ngaˬ-ahˇ loꞈ piˇ-eu dehˬ daˬ duˬ, ngaˬ-ahˇ ka kʼoꞈ-eu uˬ coeˇ meh. Ngaˬ-euˬ ziꞈ duˬ hawˇ-eu gʼoe duˬ, ngaˬ-ahˇ ka kʼoꞈ-eu yaw sahˇ meh. Yaw haiˬ yaw doeˇ mˇ daˆ laˇ gaˇ, nawˇ ngaˬ-ahˇ ka kʼoꞈ laꞈ-euˬ meh.

Iˇsaˬyaˇ 31:9

Ziꞈ dah ni gʼeh-eu aˬ yawꞈ maꞈ-euˬ taˆ, guˆ-eu miˇ neh byaˆ-iˇ tehꞈ-a. Guiˇ deuˆ-eu yaw huiˬ deuˬ guˆ dui dui-awˇ, paˇ loˬ paˇ lehˇ byehˇ-awˇ cehˆ tehꞈ-a” lehˇ ehˇ taˬ-euˬ meh. Yeˬluˇsaˬlehˬ meuˬ aˬ yawꞈ-ahˇ uˬ duˬ tahˬ-awˇ, lawˇ-eu shehˇ-eu jeˬ miˬ dzaˬ bi doꞈ laˇ-eu gʼaˬ pyeuꞈ-eu, Sahˬpaˬ Miˬyehˇ neh kʼoeˇ loꞈ-ehˇ ehˇ taˬ-euˬ meh.

Yeˬlaˬmiˇ 11:12

Kʼoeˇ naˇ, Yuˇdaˆ miˇ kʼahˬ-euˬ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, aˬ yawꞈ maꞈ lawˇ nehˬ shehˇ nehˬ luꞈ-eu miˬ yehˇ deuˬ jawˇ gaˇ iˇ-awˇ, caw ba nehˬ laꞈ lehˇ shaˇ-iˇ tehꞈ-a. Ehˇ kʼawꞈ, luˬ-iˇ seˇ-iˇ-eu jeˬ keuˆ le ngeh, miˬ yehˇ kʼoeˇ deuˬ aˬ yawꞈ maꞈ-ahˇ maˬ ka kʼoꞈ nehˬ nya-a.

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.