Dawˬmehˬ 32:36 - Akha36 Yawꞈ-euˬ tsawˇ haˬ gʼaˬ juˬ-iˇ ngeh, Sahˬpaˬ Miˬyehˇ ka kʼoꞈ tehꞈ-a. Yawꞈ-ahˇ saˇ jaˇ ziꞈ luꞈ-eu deuˬ, caw ba nehˬ-eu gʼaˬ maˬ jawˇ ngeh, aˬ yawꞈ gʼawˬ shaˬ gaˬ nehˬ tehꞈ-a. Gade chapit la |
Kʼoeˇ baˬ da neh, nawˬ-euˬ nymˇ jiˇ kʼoeˇ taˆ luˬ-iˇ seˇ-iˇ-eu jeˬ ngaˇ bi keuˆ le-awˇ, nawˬ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ kʼaˇ ngeuˇ-eu dawˬ tawˆ luꞈ, yaw huiˬ yaw nyiˇ maˬ tseˇ ni ngaˇ sehꞈ jiˇ ma. Nawˬ-euˬ nymˇ jiˇ-ahˇ ngaˇ byehˇ tsehˆ tsehˆ-awˇ, mawˇ neˇ keˬ puiˆ byoˆ-eu loꞈ-ehˇ ya byoˆ-iˇ tehꞈ-a.
Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.
Kʼoeˇ miˇ neh, Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Nawˬ-euˬ kʼoeˇ taˆ guˆ-eu gaˆ-eu jeˬ ngaˇ bi keuˆ le ma. Nawˬ-ahˇ ngaˇ laˆ luˬ laˆ seˇ-awˇ, nawˬ-euˬ nymˇ jiˇ laꞈ kʼoeˇ kʼaˇ jawˇ-eu kʼaˬ dzeˇ zaˬ dawˬ tawˆ luꞈ, yaw huiˬ yaw nyiˇ maˬ tseˇ ni, aˇ jeuˬ aˇ ca meh-iˇ ngeh keuˆ ni ngaˇ kʼehˬ nehˬ ma.
Ehˇ kʼawꞈ, baoˬ huiˬ-awˇ gʼaˬ kʼaˆ-eu Sahˬpaˬ Miˬyehˇ nawˇ-aˬ, ngaˇ jawˇ paw pyawˬ luꞈ-eu miˇ neh, ngaˬ-ahˇ kʼehˬ-eu tsawˇ haˬ deuˬ sahˬ tiꞈ tiꞈ coˬ-awˇ, ngaˬ-ahˇ maˬ gʼaˬ laˇ ni smˬ-iˇ tehꞈ-a. Aˬ yawꞈ maꞈ smˬ-iˇ-euˬ miˇ neh, mˬ maˬ maˬ byaˆ zaˇ ziˇ ya shaꞈ dawˇ-awˇ, maˬ ngehˇ leˇ coeˇ gaˇ keuˆ tsawˇ myahˇ ya cawˆ tehꞈ-a.
Mˬ taˆ gʼaˬ kʼehˇ kʼoeˇ gʼaˬ aˬ laꞈ nyiˬ laꞈ luꞈ mˬ paw baꞈ diˇ-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ tsawˇ myahˇ uˬ moˆ heu loꞈ-ehˇ saˇ jaˇ dawˬ ngehˬ-euˬ meh. “Miˬyehˇ-euˬ tsawˇ haˬ deuˬ-ahˇ kʼehˬ neh kʼaˆ nehˬ-eu aˇ saˬ saˬ-awˇ, pyeuꞈ luꞈ-eu gaˇ kawˆ heu deuˬ dzeuˇ jiˇ-eu gʼaˇ duˬ, aˇ yamˬ smˇ kʼoꞈ uˬ taꞈ tiˬ paˆ jaˆ-a siˬ.”