Dawˬmehˬ 32:24 - Akha

²⁴ Mehꞈ-eu baˬ da ziˇ ya jiˇ-awˇ, naˇ-eu baˬ da ya shiˇ tehꞈ-a. Bawˇ tsahˬ jeˬ zaˬ pyehˬ gʼeh leꞈ-awˇ, aˬ yawꞈ maꞈ-ahˇ bi kawꞈ sehꞈ ma. Doꞈ kʼaˆ aˇ lawˇ pyehˬ gʼeh leꞈ-awˇ, aˬ yawꞈ maꞈ-ahˇ bi toˆ sehꞈ ma.

Dawˬmehˬ 32:24 Referans Kwoze

Uˬ duˬ 26:22

Jeˬ zaˬ yaw haiˬ deuˬ naw maꞈ jawˇ gaˇ ngaˇ pyehˬ gʼeh leꞈ-awˇ, naw maꞈ-euˬ zaˬ deuˬ-ahˇ kawꞈ sehꞈ-awˇ, naw maꞈ-euˬ jeˬ zaˬ deuˬ-ahˇ laˆ piˬ laˆ byoˆ nehˬ tehꞈ-a. Naw maꞈ tsawˇ haˬ ui cuiˆ tehꞈ-ehˇ dzeˇ-eu miˇ neh, naw maꞈ iˇ-eu gaˇ ma ciˬ cuˇ ni jaˆ tehꞈ-a.

Yeˬsaˬgeˬlaˇ 5:17

Nawˬ-euˬ zaˬ deuˬ-ahˇ bi sehꞈ-eu gʼaˇ duˬ, mehꞈ-eu shuꞈ-eu jeˬ hawˇ-eu bawˇ tsahˬ jeˬ zaˬ yaw haiˬ deuˬ-ahˇ ngaˇ pyehˬ gʼeh leꞈ-awˇ, naw maꞈ-ahˇ bi sehꞈ-eu gʼaˇ duˬ, naˇ-eu gawˇ-eu, shaˆ shiˇ hawˇ-eu, guiˇ deuˆ-eu jeˬ bi keuˆ le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬbaˬkuˆ 3:5

Aˬ yawꞈ oe-eu kuiˇ toꞈ mehˬ hu, naˇ gawˇ gawˇ ma yaw jaw oe-awˇ, Aˬ yawꞈ iˇ-eu kuiˇ toꞈ mehˬ nah, shaˆ shiˇ naˇ gawˇ caw teh-eu meh.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yeˬsaˬgeˬlaˇ 14:15

“Maˬ ngeuˇ naˇ, tsawˇ haˬ-ahˇ laˆ sehꞈ-eu jeˬ zaˬ yaw haiˬ deuˬ ngaˇ pyehˬ gʼeh leꞈ-awˇ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ iˇ maˬ laˇ nya ni bi laˆ shaˬ ma.

Ngoeˇ dawˬ 5:10

Mehꞈ-eu baˬ da gʼawˇ mawˇ lahˇ-eu, miˬ dzaˬ tsawˬ bu-ahˇ duˇ leˇ nya.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

Iˇsaˬyaˇ 65:25

Kʼaˬ yehˇ hawˇ-eu yawˇ zaˬ tiˬ gaˇ gaˆ-awˇ, aˇ laˬ jaˬ shiˇ mawˇ neˇ nehˬ-ehˇ gʼo yoeˬ dzaˬ-awˇ, aˇ lawˇ maˬ toˆ laˇ-ehˇ pyeuꞈ-iˇ tehꞈ-a. Ngaˬ-euˬ muiˬ-eu shawˇ-eu Ziˇoˬ gawˬ jawˬ kʼoeˇ taˆ, yaw haiˬ jeˬ hawˇ-eu guˆ-eu gaˆ-eu jeˬ, dawˬ tawˆ luꞈ byoˆ-iˇ jiˇ tehꞈ-a.”

Jaceuq 120:4

Guiˇ deuˆ-eu deuˬ-euˬ taˆ dui dui-eu kaˆ myaˬ hawˇ-eu, neˇ hoˬ ni doꞈ-eu miˬ jiˆ neh kʼehˬ nehˬ laꞈ tehꞈ-a.

Jaceuq 91:6

Yaw zahˇ ngeh keuˆ le-eu naˇ gawˇ gawˇ ma-ahˇ ya dzeuˇ-iˇ-awˇ, nah gʼahˇ paw sehꞈ laˇ nya-eu yaw haiˬ jeˬ-ahˇ ya buˬ-iˇ tehꞈ-a.

Dawˬmehˬ 28:53

“Naw maꞈ-euˬ meuˬ deuˬ-ahˇ muiˇ-eu deuˬ neh bi jawˬ lahˇ taˬ ngeh, nawˇ dzaˬ-eu maˬ jaˆ-ehˇ pyeuꞈ-iˇ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ taˬ-euˬ nawˬ buˇ nawˬ li deuˬ-euˬ shaˬ jiˇ nawˇ ya dzaˬ gaˇ keuˆ tehꞈ-a.

Dawˬmehˬ 28:22

Nyawˬ leˇ nya-eu naˇ gawˇ maˬ ehˇ, maˇ cuˬ maˇ lu lu-awˇ pyaˬ-eu jeˬ maˬ ehˇ, Sahˬpaˬ Miˬyehˇ nawˬ-euˬ kʼoeˇ taˆ bi keuˆ le tehꞈ-a. Nawˬ-euˬ dzaˬ la gʼo cehˇ-ahˇ bi laˆ cawˆ-eu gʼaˇ duˬ, uˬ yehˇ maˬ bi yehˇ le-eu uˬ taꞈ, lahˇ dui dui-eu jaˬ lehˇ bi baw tehꞈ-a.

Aˇ dahˬ 49:15

Ehˇ kʼawꞈ, aˬ yawꞈ yuꞈ duˬ muiˬ dui dui-awˇ, Yawˬ jawˇ miˇ yawˬ kʼahˬ saˇ ma lehˇ yawˬ haˇ yawˬ ha noeˬ muiˬ tehꞈ-a. Kʼaˆ daˬ bi baꞈ daˆ-eu gʼaˇ duˬ daˇ tsuiꞈ awˆ daˬ-awˇ, Zaˬ kʼaˆ loꞈ-ehˇ aˬ cawˬ neh bi kʼehˇ dzaˬ tehꞈ-a.

Aˇ dahˬ 3:14

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ aˇ lawˇ kʼoeˇ mawˇ-ahˇ heu loꞈ-ehˇ ehˇ nehˬ-euˬ meh. “Nawˇ kʼoeˇ loꞈ-ehˇ mˇ-euˬ baˬ da neh kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a. Jeˬ zaˬ dawˬ tawˆ luꞈ laꞈ kʼoeˇ, nawˇ tehꞈ-ehˇ heu loꞈ-ehˇ yaˬ kʼehˇ yaˬ nehˬ-euˬ gaˇ ya daˬ tehꞈ-a. Nymˬ-mˇ neh aˇ dahˬ beh-awˇ, nawˬ-euˬ uˬ maˆ miˇ tsaˬ-ahˇ ciˬ daˬ-awˇ joe joe-ehˇ cah-awˬ. Maˬ shiˇ tiˬ ziˇ nawˇ miˇ tsaˬ ya dzaˬ tehꞈ-a.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.

Yawˇbaˆ 20:16

Haiˬ-eu tsawˇ haˬ deuˬ neh kʼaˇ myoꞈ ahˇ-euˬ jeˬ doꞈ-ahˇ duˇ-awˇ, doꞈ kʼaˆ dui dui-eu aˇ lawˇ neh bi toˆ-euˬ loꞈ-ehˇ aˬ yawꞈ-ahˇ laˆ sehꞈ-eu meh.

Yeˬlaˬmiˇ 8:17

Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Doꞈ kʼaˆ-eu aˇ lawˇ-ahˇ, naw maꞈ jawˇ gaˇ ngaˇ pyehˬ leꞈ ma. Aˇ lawˇ-ahˇ toˇ naˬ nya-eu deuˬ toˇ gaˇ maˬ naˇ haˬ-ehˇ, aˇ lawˇ kʼoeˇ deuˬ naw maꞈ-ahˇ toˆ tehꞈ-a.”

Miˇkaˬ 7:17

Aˇ lawˇ loꞈ-ehˇ kʼaˬ lehˇ tsahˬ-ahˇ aˬ yawꞈ maꞈ joe tehꞈ-a. Aˬ yawꞈ maꞈ guˆ-awˇ yaw dzuˬ dzuˬ-eu laꞈ kʼoeˇ, ziꞈ dah ni gʼeh-eu aˬ yawꞈ maꞈ-euˬ taˆ nymˇ laꞈ kʼoeˇ neh doˆ le tehꞈ-a. Aˬ yawꞈ maꞈ guˆ dui dui-eu laꞈ kʼoeˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ahˇ tahˬ shaˇ laˇ tehꞈ-a.