Dawˬmehˬ 31:2 - Akha

² “Nymˬ-mˇ ngaˇ tiˬ yaˇ nyiˬ tseˇ kʼoꞈ kʼawˆ laˇ-euˬ miˇ neh, naw maꞈ-ahˇ maˬ paˇ sheuˬ gʼeh nya miˇ-a. Kʼoeˇ uˬ taꞈ, ngaˇ Yawˇdaˬ lawˇ baˬ maˬ paˇ ya tsehˆ doˆ meh lehˇ Sahˬpaˬ Miˬyehˇ ngaˬ-ahˇ ehˇ taˬ-euˬ meh.

Dawˬmehˬ 31:2 Referans Kwoze

Dawˬmehˬ 34:7

Moˇseˬ ziˇ jiˇ ngeh, tiˬ yaˇ nyiˬ tseˇ kʼoꞈ kʼawˆ-awˇ, gʼaˬ maˬ juˬ-iˇ-euˬ uˬ taꞈ, myaˆ nuiˆ kʼawꞈ yaw muiˬ paˬ-ehˇ mawˇ nya-eu meh.

Bawˇtsahˬ 27:17

Nawˬ-euˬ tsawˇ haˬ aˇ maꞈ aˇ muˇ deuˬ, yawˇ bo-eu yaw sahˇ maˬ baw-eu yawˇ yawˇ maꞈ loꞈ-ehˇ maˬ ya pyeuꞈ-iˇ-eu gʼaˇ duˬ, guiˇ deuˆ ngeh aˬ yawꞈ maꞈ-ahˇ dawˬ biꞈ nya-eu tsawˇ haˬ-ahˇ tseˇ-awˬ.”

1 Sahˬpaˬ 3:7

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ zaˬ guˬ pyeuꞈ-eu miˇ neh, miˇ kʼahˬ-ahˇ aˬ joˆ-ehˇ ya uˆ lahˇ-eu gaˇ kawˆ maˬ siˬ nya kʼawꞈ, ngaˬ da-euˬ dah zaˇ nawˇ ngaˬ-ahˇ sahˬ paˬ ka nehˬ laꞈ-euˬ meh.

Bawˇtsahˬ 20:12

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ-ahˇ Sahˬpaˬ Miˬyehˇ nui ma maˬ saˇ-ehˇ ehˇ-eu, “Naw nyaꞈ-aˬ, ngaˬ-ahˇ jah-eu maˬ byah maˬ loꞈ-euˬ laꞈ kʼoeˇ, Iˇsaˬleˬlaˆ tsawˇ haˬ heu myaˆ ni gʼeh-eu mehˬ shi, ngaˬ-euˬ muiˬ-eu shawˇ-eu baoˬ-ahˇ yaw zeu maˬ baw-eu miˇ neh, tsawˇ haˬ heu deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ naw nyaꞈ maˬ paˇ ya sheuˬ uˇ gʼeh meh.”

Doˆ-iˇ 7:7

Sahˬ paˬ kʼoeˇ gʼaˬ-ahˇ aˬ yawꞈ nyaꞈ dawˬ ngehˬ cawˬ ngeh, Moˇseˬ-euˬ aˇ kʼoꞈ yehꞈ tseˇ kʼoꞈ jaˆ-awˇ, Aˬloˬ-euˬ aˇ kʼoꞈ yehꞈ tseˇ smˇ kʼoꞈ jaˆ-eu meh.

Gʼaˬkʼehˇ 20:25

“Naw maꞈ dawˬ tawˆ luꞈ jawˇ gaˇ ngaˇ cah doe-awˇ, Miˬyehˇ Miˇkʼahˬ gaˇ kawˆ mehˬ yaꞈ-euˬ ma. Aˬ kaˇ naˇ, naw maꞈ ngaˬ-ahˇ tiˬ jawˇ-iˬ maˬ paˇ ya mawˇ-aˇ lehˇ ngaˇ siˬ duˬ-eu ma.

Gʼaˬkʼehˇ 7:23

“Moˇseˬ oeˬ tseˇ kʼoꞈ kʼawˆ laˇ ngeh, aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ aˬ cawˬ aˬ joˆ-ehˇ jahˇ nehˬ gaˇ cah haw-iˇ-eu lehˇ noeˬ doˆ leˇ-euˬ meh.

Jaceuq 90:10

Aˇ kʼoꞈ shiꞈ tseˇ tehꞈ-ehˇ ya dehꞈ byah-awˇ, ziˇ shehˇ-eu deuˬ yehꞈ tseˇ dehꞈ byah kʼawꞈ, guˆ-eu gaˆ-eu jeˬ hawˇ-eu noeˬ shaˬ noeˬ zahˬ-eu jeˬ tehꞈ-ehˇ puˬ le miˇ-a. Tiˬ kʼehˇ laˇ kʼehˬ laꞈ kʼoeˇ ziˇ dehꞈ jiˇ-awˇ, piˬ-iˇ byoˆ-iˇ miˇ-a.

2 Saˬmeuˬlaˆ 21:17

Ehˇ kʼawꞈ, Zeˬluˇyaˆ-euˬ aˬ li Aˬbiˇshaiˇ gʼaˬ Daˬbiˇ-ahˇ caw ba le-awˇ, huiˬ dui goˇ dui dui-eu tsawˇ haˬ kʼoeˇ gʼaˬ-ahˇ deuˆ ceh ceh-awˇ sehꞈ-euˬ meh. Kʼoeˇ ngeh poˆ neh naˇ, guiˇ deuˆ gaˇ Daˬbiˇ-euˬ gʼawˇ mawˇ tiˬ jawˇ-iˬ maˬ paˇ bi oe-eu gʼaˇ duˬ, Daˬbiˇ-euˬ tsawˇ haˬ deuˬ neh Daˬbiˇ-ahˇ saˇ jaˇ bi dzaˬ-euˬ meh. “Nawˇ-aˬ, Iˇsaˬleˬlaˆ miˇ kʼahˬ-euˬ nui ma taˬ duˬ pyeuꞈ-eu miˇ neh, nawˬ-ahˇ nga maꞈ maˬ bi shiˇ peuˬ nya” lehˇ aˬ yawꞈ maꞈ ehˇ-eu meh.

Dawˬmehˬ 1:37

Naw maꞈ baˬ da neh, ngaˬ-ahˇ kʼawꞈ Sahˬpaˬ Miˬyehˇ nui ma pehˇ-awˇ, heu loꞈ-ehˇ ehˇ-eu meh. ‘Moˇseˬ nawˇ kʼawꞈ miˇ kʼahˬ kʼoeˇ kʼahˬ-ahˇ maˬ ya uˇ leˇ-a.

Dawˬmehˬ 31:1

Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ paˇ ehˇ nehˬ-euˬ meh.