Dawˬmehˬ 30:20 - Akha

²⁰ Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-ahˇ saˇ jaˇ ziꞈ-awˬ. Kʼoeˇ loꞈ-ehˇ jahˇ naˇ, nawˬ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ laꞈ kʼoeˇ, nawˇ hawˇ-eu nawˬ-euˬ zaˬ deuˬ gʼawˬ myahˇ ni ya jawˇ tehꞈ-a.”

Dawˬmehˬ 30:20 Referans Kwoze

Dawˬmehˬ 10:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ naˇ haˬ geuꞈ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Aˬ yawꞈ-ahˇ saˇ jaˇ ziꞈ-awˇ, aˬ yawꞈ-euˬ tsawˇ myahˇ laꞈ kʼoeˇ tehꞈ-ehˇ saˇ jaˇ dzaˬ-awˬ.

Gʼaˬkʼehˇ 17:25

Aˬ dui tsawˇ haˬ zaˬ-euˬ aˬ laꞈ neh ngehˬ gʼeh bo saˆ-awˇ mˇ cu nehˬ-eu jeˬ-ahˇ aˬ yawꞈ maˬ loˬ-a. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ-ahˇ, dehꞈ-eu jeˬ, saꞈ gʼawˇ nya-eu jeˬ hawˇ-eu, yawˬ jeˬ na luꞈ biꞈ-eu gʼaˬ-aˬ, aˬ yawꞈ meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Gʼaˬkʼehˇ 17:28

‘Aˬ yawꞈ laꞈ kʼoeˇ aˬ dui dehꞈ luꞈ, jawˇ luꞈ, luˆ luꞈ, laˆ luꞈ-eu ma’ lehˇ, aˬ cawˬ neh ehˇ taˬ-euˬ jaˆ-eu loꞈ-ehˇ meh. Dawˬ caˇ boꞈ-eu naw maꞈ-euˬ tsawˇ haˬ deuˬ kʼawꞈ,tiˬ tsahˇ na, ‘Nga maꞈ kʼawꞈ aˬ yawꞈ-euˬ zaˬ ma’ lehˇ ehˇ taˬ-euˬ gaˇ duˇ-eu meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Jaceuq 66:9

Aˬ dui maꞈ-ahˇ aˬ yawꞈ bi dehꞈ laꞈ-awˇ, maˬ bi coˬ-iˇ laꞈ-a.

Jaceuq 36:9

Nawˇ-aˬ, saꞈlaˇiˇbyoe pyeuꞈ-awˇ, nawˬ-euˬ yaw shehꞈ baˬda baˇneh, nga maꞈyaw shehꞈmawˇnya-eu ma.

Yawˇshuˆ 23:8

Ehˇ kʼawꞈ, dzeuˇ laˇ ngeh loꞈ-ehˇ Sahˬpaˬ Miˬyehˇ-ahˇ saˇ jaˇ ziꞈ-awˬ.

Dawˬmehˬ 10:12

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh naw maꞈ-ahˇ bi mˇ-euˬ jeˬ-ahˇ naˇ haˬ geuꞈ-awˇ mˇ-awˬ. Sahˬpaˬ Miˬyehˇ-ahˇ uˬ duˬ tahˬ-awˇ, aˬ yawꞈ neh dawˬ kʼaˇ biꞈ taˬ-euˬ jeˬ mˇ-awˬ. Aˬ yawꞈ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Dawˬmehˬ 5:16

“Nawˇ yaw muiˬ paˬ-ehˇ ya dehꞈ ya jawˇ daˆ leꞈ-eu gʼaˇ duˬ maˬ ehˇ, ngaˇ nawˬ-ahˇ biꞈ-euˬ miˇ kʼahˬ laꞈ kʼoeˇ nawˇ ziˇ baw ni maˬ ehˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ nawˬ-ahˇ dawˬ biꞈ taˬ-euˬ loꞈ-ehˇ, nawˬ-euˬ aˬ da aˬ ma-ahˇ nawˇ yaw zeu ya baw meh.

Dawˬmehˬ 4:40

Naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ ni, iˬ nah ngaˇ naw maꞈ-ahˇ biꞈ nehˬ-eu aˬ yawꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ mˬ maˬ maˬ byaˆ zaˇ ziˇ jiˇ ni biꞈ taˬ-euˬ miˇ kʼahˬ kʼoeˇ kʼahˬ-ahˇ naw maꞈ ya dehˬ ya jawˇ daˆ leꞈ tehꞈ-a.”

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Dawˬmehˬ 11:9

Naw maꞈ-euˬ aˬ poeˬ aˬ bawˇ deuˬ hawˇ-eu aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ ma lehˇ Sahˬpaˬ Miˬyehˇ neh saˇ jaˇ dzaˬ taˬ-euˬ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.

Dawˬmehˬ 4:4

Ehˇ kʼawꞈ, naw maꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-eu tsawˇ haˬ deuˬ iˬ nah keuˆ ni dehꞈ luꞈ meh.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Dawˬmehˬ 30:16

Iˬ nah ngaˬ neh nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ nawˇ naˇ haˬ geuꞈ-awˇ, aˬ yawꞈ-ahˇ gaˬ-awˬ. Aˬ yawꞈ-euˬ ehˇ dawˬ-ahˇ naˇ haˬ geuꞈ-eu laꞈ kʼoeˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh naˇ, nawˇ baw dui za dui dui le-awˇ, tsawˇ haˬ myaˬ dui dui-eu tsawˇ jeuˬ tiˬ jeuˬ pyeuꞈ laˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ guiˬ lahˬ biꞈ laꞈ tehꞈ-a.

Dawˬmehˬ 30:6

Nawˬ-euˬ nui ma dawˬ tawˆ luꞈ aˬ yawꞈ-ahˇ gaˬ-awˇ, miˇ kʼahˬ kʼoeˇ kʼahˬ laꞈ kʼoeˇ nawˇ ya dehꞈ ya jawˇ daˆ leꞈ ni, nawˇ hawˇ-eu nawˬ-euˬ zaˬ deuˬ-ahˇ naˇ haˬ geuꞈ-eu nui ma Sahˬpaˬ Miˬyehˇ biꞈ nehˬ laꞈ tehꞈ-a.

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Dawˬmehˬ 12:10

Yawˇdaˬ lawˇ baˬ tsehˆ doˆ ngeh, Sahˬpaˬ Miˬyehˇ naw maꞈ-ahˇ miˇ kʼahˬ kʼoeˇ kʼahˬ biꞈ laꞈ-awˇ, bi jawˇ laꞈ tehꞈ-a. Naw maꞈ-ahˇ muiˇ-eu deuˬ dawˬ tawˆ luꞈ-euˬ baꞈ tsahˬ laꞈ kʼoeˇ, aˬ yawꞈ naw maꞈ-ahˇ haw piˇ-awˇ, naw maꞈ nui ma saˇ lehˆ ni ya jawˇ tehꞈ-a.

Dawˬmehˬ 11:22

“Ngaˬ neh naw maꞈ-ahˇ kʼaˇ biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ, saˇ jaˇ ziꞈ-eu laꞈ kʼoeˇ caw teh-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˇ, aˬ yawꞈ neh dawˬ kʼaˇ biꞈ taˬ-euˬ yawˬ jeˬ na luꞈ mˇ-eu laꞈ kʼoeˇ, aˬ yawꞈ-ahˇ saˇ jaˇ ziꞈ-awˬ.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Dawˬmehˬ 4:1

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ biꞈ-eu lehˇ lehˬ hmˬ taˬ-euˬ miˇ kʼahˬ-ahˇ naw maꞈ ya jawˇ leˇ ni, ngaˇ naw maꞈ-ahˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˬ.

Dawˬmehˬ 4:6

Naw maꞈ aˇ naˆ ni zaˬ siˬ tsawˇ gahˇ ahˇ-eu gaˇ kawˆ aˬ cawˬ tsawˇ jeuˬ deuˬ ya siˬ ya mawˇ ni, zahˇ dawˬ kʼoꞈ dawˬ heu deuˬ-ahˇ tiˬ byah tiˬ loꞈ caw teh-awˬ. Zahˇ dawˬ kʼoꞈ dawˬ heu deuˬ dawˬ tawˆ luꞈ gaˇ kawˆ aˬ yawꞈ maꞈ ya gaˬ ngeh, ‘Huiˬ-eu tsawˇ jeuˬ heu jeuˬ aˇ naˆ naˆ-ehˇ gʼeh-eu zaˬ siˬ-eu tsawˇ gahˇ hawˇ-eu siˬ nya-eu jeˬ ahˇ law hawˇ maˬ siˬ ngaˇ’ lehˇ aˬ yawꞈ maꞈ ehˇ tehꞈ-a.

Dawˬmehˬ 31:1

Iˇsaˬleˬlaˆ tsawˇ haˬ deuˬ-ahˇ Moˇseˬ heu loꞈ-ehˇ paˇ ehˇ nehˬ-euˬ meh.

Dawˬmehˬ 32:47

Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Uˬ duˬ 18:5

Naw maꞈ-ahˇ ngaˇ biꞈ taꞈ-euˬ zahˇ dawˬ kʼoꞈ dawˬ deuˬ-ahˇ caw teh-awˇ yaw dehꞈ dehꞈ-awˬ. Kʼoeˇ loꞈ-ehˇ jahˇ naˇ, naw maꞈ yaw dehꞈ ya dehꞈ tehꞈ-a. Ngaˇ-aˬ Sahˬpaˬ Miˬyehˇ ma.”

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

Dawˬmehˬ 6:2

Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.

Yawˇshuˆ 23:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ maˬ ngehˇ ni gaˬ-awˬ.